Yoxuwa 10:8 - BIBELE Mahungu Lamanene

⁸ Kutani HOSI Xikwembu xi ku ka Yoxuwa: “U nga va chavi, hikuva ndzi va nyiketile emavokweni ya wena; ku hava ni un'we wa vona loyi a nga ta yima emahlweni ka wena.”

Xitsonga (Bibele)

⁸ Kutani Yehovha a ku eka Yoxuwa: “U nga va chavi hikuva ndzi va nyiketile emavokweni ya wena, ku nga ka ku nga tiyi ni un'we emahlweni ka wena.”

Yoxuwa 10:8 Referans Kwoze

Varhoma 8:31

Loko swi ri tano, xana hi nga ha vula yini etimhakeni teto ke? Loko Xikwembu xi yima na hina, i mani la nga lwaka na hina xana?

Duteronoma 3:2

Kambe HOSI Xikwembu xi ku ka mina: ‘Mi nga n'wi chavi, hikuva ndzi n'wi nyiketile emavokweni ya n'wina, yena ni vanhu va yena hinkwavo, ni tiko ra yena. Mi ta n'wi endla leswi mi swi endleke Sihoni hosi ya Vaamori loyi a a tshama eHexiboni.’

Yoxuwa 11:6

Kutani HOSI Xikwembu xi ku ka Yoxuwa: “U nga va chavi, hikuva mundzuku hi nkarhi wo fana ni lowu, ndzi ta va nyiketa emavokweni ya Vaisraele va file; tihanci ta vona u fanele ku ti lamata hi ku ti tsema misiha ya milenge. Makalichi wona u ma hisa hi ndzilo.”

Yoxuwa 8:1

Kutani HOSI Xikwembu xi ku ka Yoxuwa: “U nga chavi nchumu, naswona u nga heli matimba; teka masocha hinkwawo u famba na wona mi tlhandlukela emutini wa Ayi. Vona, ndzi nyiketile hosi ya muti wa Ayi, ni vanhu va yona, ni muti wa yona ni tiko ra yona emavokweni ya wena.

Duteronoma 7:24

Xi ta nyiketa tihosi ta wona emavokweni ya n'wina, kutani mi ta dlaya mavito ya tona ma nyamalala laha misaveni; ku hava munhu loyi a nga ta mi tiyela, ku kondza mi va herisela makumu.

Yoxuwa 10:9

Yoxuwa ú fambile vusiku hinkwabyo ku suka eGiligala, kutani a fika a humelela laha a va ri kona, va nga ehleketanga nchumu.

Yoxuwa 10:25

Kutani Yoxuwa a ku ka vona: “Mi nga chavi nchumu, naswona mi nga heli matimba; tiyani, mi va ni xivindzi, hikuva HOSI Xikwembu xa n'wina xi ta endlisa sweswo eka valala va n'wina lava mi lwaka na vona.”

Vaavanyisi 7:9

Hi vusiku byebyo, HOSI Xikwembu xi ku ka Gidiyoni: “Pfuka u rhelela, u ya emixaxeni, hikuva ndzi yi nyiketile emavokweni ya wena.

Vaavanyisi 6:16

HOSI Xikwembu xi ku: “U ta swi kota, hikuva ndzi ta va na wena, kutani u ta herisa Vamidiyani hinkwavo.”

1 SAMIELE 17:47

Naswona vanhu lava hlengeletaneke laha, va ta swi tiva leswaku HOSI Xikwembu a xi kali xi lava banga kumbe tlhari ku lamulela tiko ra xona. HOSI Xikwembu xi ta mi nyiketa emavokweni ya hina, hikuva enyimpini leyi, xi yima na hina.”

1 TIHOSI 20:13

Enkarhini lowu, ko tshuka ku humelela muprofeta, a kongoma Akabu hosi ya Vaisraele, a ku ka yena: “HOSI Xikwembu xi vurisa sweswo xi ri: ‘Xana mintshungu leyikulu leyi, wa yi vona ke? Yingisa! Namuntlha ndzi ta yi nyiketa emavokweni ya wena, kutani u ta swi tiva leswaku hi mina ndzi nga HOSI.’ ”