Yoxuwa 10:5 - BIBELE Mahungu Lamanene

⁵ Hiloko tihosi leta ntlhanu ta Vaamori, yi nga hosi ya Yerusalema, ni hosi ya Hebroni, ni hosi ya Yaramutu, ni hosi ya Lakixi, ni hosi ya Egiloni, ti hlengeletana ti yima swin'we; kutani ti tlhandluka ni mavuthu ya tona hinkwawo ti ya gova ti rhendzela muti wa Gibiyoni, ti lava ku wu hlasela.

Xitsonga (Bibele)

⁵ Kavaloko tihosi ta ntlhanu ta Vaamori, yi ri hosi ya Yerusalema, ni hosi ya Hebroni, ni hosi ya Yaramutu, ni hosi ya Lakixi, ni hosi ya Egiloni, ti hlengeletana ti khandziya ni tinyimpi ta tona hinkwato, ti ya gova emahlweni ka Gibiyoni ti wu rhendzela.

Yoxuwa 10:5 Referans Kwoze

Yoxuwa 10:6

Kutani vavanuna va Gibiyoni va rhuma vanhu va ya eka Yoxuwa emixaxeni le Giligala va fika va ku ka yena: “U nga hi cukumeti hina malandza ya wena; tlhandluka u ta haleno hi ku hatlisa u ta hi lamulela, u hi pfuna, hikuva tihosi ta Vaamori hinkwato leti tshamaka emagangeni ti hlengeletanile ti ta lwa na hina.”

Tinhlayo 13:29

Hi vonile ni Vaamaleke lava akeke edzongeni, ni Vahiti, ni Vayebusi, ni Vaamori lava akeke emagangeni ya tiko, ni Vakanana lava akeke kusuhi ni lwandle ni le tindhawini leti lulamaka ni nambu wa Yordani.”

Genesa 15:16

Kambe vatukulu-xinguwe va wena va ta tlhela va vuya etikweni leri, hikuva sweswi vubihi bya Vaamori a byi si fika emakumu ka byona.”

Yoxuwa 10:16

Tihosi leti ta ntlhanu ti tsutsumile ti ya tumbela ebakweni, eMakeda.

1 SAMIELE 7:14

Vaisraele va tlheriseriwa miti leyi a va tekeriwile yona hi Vafilista, ku sukela emutini wa Ekroni ku ya fika emutini wa Gati, va tlheriseriwa ni swifundzha swa kona, swi nga ha fumiwi hi Vafilista. Hi tlhelo rin'wana, Vaisraele va hanyisene hi ku rhula ni Vaamori.

Yeremiya 34:7

Enkarhini lowu, mavuthu ya hosi ya le Babilona a ma ri karhi ma hlasela muti wa Yerusalema, ma hlasela ni miti ya makhokholo ya Lakixi na Azeka, hikuva a ku sele yona ntsena etikweni ra Yuda leyi nga tekiwangiki hi va le Babilona.