Yoxuwa 10:4 - BIBELE Mahungu Lamanene

⁴ “Tanani haleno mi ta ndzi pfuna ku herisa vaaki va muti wa Gibiyoni hikuva va endlile xinakulobye na Yoxuwa ni Vaisraele.”

Xitsonga (Bibele)

⁴ Khandziyani eka mina, mi ta ndzi pfuna, hi ta hlasela Gibiyoni, hikuva va twananile na Yoxuwa ni vana va Israele.

Yoxuwa 10:4 Referans Kwoze

Yoxuwa 9:15

Kutani Yoxuwa a endla xinakulobye na vona, a tlhela a endla na vona ntwanano wa leswaku va ta tshikiwa va hanya; na vona varhangeri va ntshungu va tshembisana na vona hi ku hlambanya.

Yoxuwa 10:1

Timhaka ta ku tekiwa ka muti wa Ayi hi Yoxuwa, a wu herisela makumu, ti fikile etindleveni ta Adoni-Sedeke hosi ya Yerusalema. Ú twile ni leswi Yoxuwa a swi endleke muti wa Ayi ni hosi ya wona, ku fana ni leswi a swi endleke muti wa Yeriko ni hosi ya wona. Ú tlherile a twa ni hilaha vaaki va le Gibiyoni va endleke xinakulobye ni Vaisraele hakona, ni leswaku va le xikarhi ka vona.

Nhlavutelo 16:14

leyi i mimoya ya mademona leyi endlaka masingita, leyi rhendzelekaka hi tihosi ta misava hinkwayo, yi ti rhamba nyimpi, ku ya lwa ni Xikwembu xa matimba hinkwawo hi siku lerikulu ra kona.

1 Petro 4:4

Va hlamala loko va mi vona sweswi mi nga ha fambi na vona, evusopfeni lebyi bya ku tlurisa mpimo, kutani va mi sandza.

Yakobo 4:4

Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

2 Timotiya 3:12

Hakunene, hinkwavo lava navelaka ku hanya vutomi bya vukhongeri eka Kriste Yesu, va ta xanisiwa;

Timhaka 21:28

va huwelela, va ku: “Vavanuna va Israele, hi pfuneni! Munhu loyi a dyondzisaka vanhu hinkwavo, ematikweni hinkwawo, ku sandza tiko ni Nawu ni xivandla lexi, hi yena loyi! Naswona ú nghenisile Vagriki eTempeleni, a nyamisa xivandla lexi xo hlawuleka.”

Yohane 15:19

Loko a mi ri va misava, misava a yi ta rhandza swa yona. Kambe leswi mi nga riki va misava, ni leswi ndzi mi hlawuleke eka yona, misava ya mi venga.

Matewu 16:24

Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,

Yoxuwa 10:5

Hiloko tihosi leta ntlhanu ta Vaamori, yi nga hosi ya Yerusalema, ni hosi ya Hebroni, ni hosi ya Yaramutu, ni hosi ya Lakixi, ni hosi ya Egiloni, ti hlengeletana ti yima swin'we; kutani ti tlhandluka ni mavuthu ya tona hinkwawo ti ya gova ti rhendzela muti wa Gibiyoni, ti lava ku wu hlasela.