Yoxuwa 10:29 - BIBELE Mahungu Lamanene

²⁹ Kutani Yoxuwa ni Vaisraele hinkwavo va hundzela emahlweni, va suka emutini wa Makeda, va kongoma emutini wa Libina, va fika va wu hlasela.

Xitsonga (Bibele)

²⁹ Yoxuwa ni Vaisraele hinkwavo va suka eMakeda, va ya Libina, a lwa na Libina.

Yoxuwa 10:29 Referans Kwoze

Yoxuwa 21:13

Vatukulu va muprista Aroni va nyikiwile muti wa Hebroni ni madyelo ya wona ya swifuwo, leswaku wu va lowu vadlayi va nga ta ya tumbela eka wona. Miti yin'wana leyi va nyikiweke yona, yi ri ni madyelo ya yona ya swifuwo, hi leyi: Libina,

Yoxuwa 15:42

Miti yin'wana hi leyi: Libina, na Etere, na Axani;

Yeremiya 52:1

Sedekiyasi a a ri ni malembe ya 21 loko a sungula ku fuma, kutani a fuma malembe ya 11 a ri eYerusalema. Mana wa yena a a ri Hamutala, N'wa-Yeremiya wa le Libina.

2 TIHOSI 19:8

Rhabi-Xake a tlhela, kutani a ya kuma hosi ya Asiriya emutini wa Libina, hikuva a a twile leswaku yi sukile eLakixi, yi ya hlasela muti wa Libina.

2 TIHOSI 8:22

Ku sukela siku rero, Vaedomu a va ha fumiwanga hi tiko ra Yuda, ku fikela namuntlha. Enkarhini wolowo, muti wa Libina na wona wu hundzukela tiko ra Yuda.

Yoxuwa 12:15

ni hosi ya muti wa Libina, ni hosi ya muti wa Adulama;

Yoxuwa 10:28

Hi siku rero, Yoxuwa a ya hlasela muti wa Makeda, a wu teka a dlaya na hosi ya wona hi fumu. Kutani a herisa vaaki va wona hinkwavo, a nga siyi na un'we wa mhamba. Hosi ya muti wa Makeda ú yi endlile leswi a endleke swona hosi ya muti wa Yeriko.

Yoxuwa 8:29

Hosi ya muti wa Ayi, Yoxuwa ú yi hayekile emurhini, a yi tshika kona dyambu ri kondza ri pela; kutani nimadyambu Yoxuwa a lerisa vanhu leswaku va ya hawula ntsumbu wa yona emurhini, va ya wu cukumeta enyangweni leyi nghenaka emutini wa Ayi, va tlhela va fumba maribye ehenhla ka wona ma endla nhulu leyikulu; nhulu leyi ya ha ri kona ni namuntlha.

Yoxuwa 8:2

U fanele ku endla muti wa Ayi ni hosi ya wona leswi u swi endleke muti wa Yeriko ni hosi ya wona; kambe leswi mi nga ta phangha eka wona ni swifuwo leswi mi nga ta swi teka swi ta va swa n'wina. U fanele ku veka vanhu endzhaku ka muti lowu, va tumbelela vaaki va wona.”

Yoxuwa 6:21

va herisa hinkwaswo leswi a swi ri emutini hi fumu. Va dlayetela vavanuna ni vavasati, lavatsongo ni lavakulu, tihomu, ni tinyimpfu, ni timbhongolo.

Tinhlayo 33:20

Va suka eRimoni-Perese, va ya gova eLibina.

Yoxuwa 10:30

Hiloko HOSI Xikwembu xi nyiketa muti lowu ni hosi ya wona emavokweni ya Vaisraele; kutani va wu hlasela hi fumu, va dlayetela vaaki va wona hinkwavo, va nga siyi na un'we wa mhamba. Hosi ya muti lowu, va yi endlile leswi va endleke swona hosi ya muti wa Yeriko.

Esaya 37:8

Rhabi-Xake a tlhela, kutani a ya kuma hosi ya Asiriya emutini wa Libina, hikuva a a twile leswaku yi sukile eLakixi, yi ya hlasela muti wa Libina.

2 TIKRONIKA 21:10

Ku sukela siku rero, Vaedomu a va ha fumiwanga hi tiko ra Yuda, ku fikela ninamuntlha. Enkarhini wolowo, muti wa Libina na wona wu hundzukela tiko ra Yuda, hikuva Yehoramu a a tshikile tindlela ta HOSI, Xikwembu xa vatata wa yena.