Yoxuwa 10:24 - BIBELE Mahungu Lamanene

²⁴ Loko va yisile tihosi leti eka Yoxuwa, yena a vitana vavanuna va Israele hinkwavo, kutani a byela varhangeri va masocha lawa a a fambile na wona a ku: “Tshinelani ekusuhi mi kandziya tihosi leti etinhan'wini.” Hiloko va tshinela kusuhi va kandziya tihosi etinhan'wini.

Xitsonga (Bibele)

²⁴ Kuteloko va tisile tihosi leti emahlweni ka Yoxuwa, Yoxuwa a hlengeleta vavanuna hinkwavo va Israele, kutani a ku eka tihosi ta vanhu va nyimpi lava fambeke na yena: “Tshinelani mi kandziya hi mikondzo ya n'wina emikolweni ya tihosi leti.” Kutani va tshinelela va kandziya hi mikondzo ya vona emikolweni ya tona.

Yoxuwa 10:24 Referans Kwoze

Varhoma 16:20

Xikwembu lexi nyikaka ku rhula, xi ta hatla xi pfotlosela Santhana ehansi ka milenge ya n'wina. Tintswalo ta Hosi ya hina Yesu, a ti ve na n'wina!

Malakiya 4:3

Mina HOSI ya matimba hinkwawo ndzi ri: Siku leri ndzi nga ta avanyisa misava, lavo homboloka mi ta va kandziyela ku fana ni loko mi kandziyela nkuma.”

Pisalema 110:5

HOSI N'wini wa hinkwaswo ú le vokweni ra wena ra xinene. Siku a hlundzukaka, ú tshova matimba ya tihosi;

Pisalema 110:1

HOSI Xikwembu xi byerile murhangeri wa tiko ra ka hina xi ku: “Tana u ta tshama evokweni ra mina ra xinene, kutani ndzi ta veka valala va wena ehansi ka minkondzo ya wena.”

Pisalema 107:40

HOSI Xikwembu xi ta nyumisa varhangeri va tiko ra kona, xi va tsendzelekisa emananga, laha ku nga riki na tindlela.

Duteronoma 33:29

Mi katekile n'wina Vaisraele! I mani la fanaka na n'wina xana? Mi vanhu lava va lamuleriwaka hi HOSI Xikwembu, xona xitlhangu lexi xi mi sirhelelaka, ni fumu leri mi hlulaka ha rona. Valala va n'wina va ta ta eka n'wina va ri karhi va tilondla; switsunga swa vona swa vugandzeri bya hava, mi ta swi kandziyela ehansi.”

Pisalema 91:13

U ta kandziyela nghala ni xivatlankombe, u phyandlasela vana va nghala ni tinyoka.

Pisalema 18:40

U endla leswaku valala va mina va ndzi komba xikosi, kutani lava va ndzi vengaka, ndza va herisa!

Vaavanyisi 8:20

Kutani Gidiyoni a vitana Yetere mativula ya yena, a ku: “Tana, u ta va dlaya.” Kambe Yetere a nga humesanga banga ra yena, hikuva a a chava, naswona a a ri ntsongo.

Vaheveru 1:13

Xana Xikwembu xi tshama xi byela yihi ntsumi xi ku: “Tshama evokweni ra mina ra xinene, ndzi kondza ndzi veka valala va wena ehansi ka minkondzo ya wena” xana?

2 SAMIELE 22:41

U endla leswaku valala va mina va ndzi komba xikosi, kutani lava va ndzi vengaka, ndza va herisa!

Esaya 51:23

Xinwelo lexi ndzi ta xi nyika lava va mi xanisaka, lava va nge ka n'wina: ‘Pavalalani, hi ta hundza hi le henhla ka n'wina!’ Mihlana ya n'wina, va yi endlile mabudula, va famba ehenhla ka yona.”

2 SAMIELE 22:39

Ndzi va heta, ndzi va fayetela, kutani va tsandzeka ku pfuka, ndzi va wisa, ndzi va kandziyela.