Yoxuwa 10:12 - BIBELE Mahungu Lamanene

¹² Siku leri HOSI Xikwembu xi nyiketeke Vaamori emavokweni ya vavanuna va Israele, Yoxuwa ú vulavurile na xona emahlweni ka Vaisraele, a ku: “We dyambu, yima ehenhla ka muti wa Gibiyoni u nga ninginiki; wena n'weti yima ehenhla ka Nkova wa Ayaloni.”

Xitsonga (Bibele)

¹² Kavaloko Yoxuwa a vulavula na Yehovha siku Yehovha a nyiketeke Vaamori eka vana va Israele, a ku: “Dyambu, yima ehenhla ka Gibiyoni, na wena n'weti enkoveni wa Ayaloni.”

Yoxuwa 10:12 Referans Kwoze

Habakuku 3:11

Dyambu ni n'weti swi yima laha swi tshamaka kona; swi nyamalarisiwa hi ku hatima ka miseve ya rihati ra wena, ni ku vangama ka matlhari ya wena lama phatimaka.

Esaya 38:8

Ndzi ta tlherisa ndzhuti hi khume ra magoza, laha a wu hundzile kona eswikhandziyeni swa Akazi.’ ” Hiloko ndzhuti wu tlhelela ndzhaku hi khume ra magoza.

Esaya 60:20

Mina dyambu ra wena ni n'weti wa wena, a ndzi nga ha peli kumbe ku nyamalala. Ndzi ta va ku vonakala ka wena hilaha ku nga heriki, masiku ya wena ya swirilo ma ta va ma herile.

Esaya 28:21

HOSI Xikwembu xi ta ta ku fana ni le ntshaveni ya Perasimi, xi ta va xi hlundzukile ku fana ni le rivaleni ra Gibeyoni; xi ta xi ta endla leswi xi faneleke ku swi endla, hambileswi swi nga tolovelekangiki, xi ta tirha ntirho wa xona, hambileswi wu nga ta hlamarisa vanhu.

Pisalema 19:4

kambe ku vulavula ka swona ku hangalaka emisaveni hinkwayo, ni marungulo ya swona ma fika evugimamusi. Kona kwale, Xikwembu xi dzimele dyambu entsonga:

Yoxuwa 10:13

Hiloko dyambu ri yima ri nga ninginiki, ni n'weti wu yima wu nga fambi, Vaisraele va kondza va rihisela eka valala va vona. Timhaka leti ti tsariwile eka Buku ya Yaxara. Dyambu ri yimile exikarhi ka mpfhuka siku hinkwaro, ri nga hatli ri pela.

Pisalema 148:3

Wena dyambu na wena n'weti xi dzuniseni, xi dzuniseni n'wina hinkwenu tinyeleti leti vangamaka.

Ntirho 9:7

Xi lerisa dyambu leswaku ri nga xi, kutani ri yingisa; xi pfala ni tinyeleti, ti nga ha voningi.

Duteronoma 4:19

Loko mi languta ehenhla, mi vona hinkwaswo leswi nga kona, ku nga dyambu, ni n'weti, ni tinyeleti, tivoneleni leswaku swi nga mi hambukisi, kutani mi swi nkhinsamela kumbe ku swi tirhela, hikuva swilo leswi, HOSI Xikwembu xa n'wina xi swi avele vanhu va matiko man'wana hinkwawo leswaku va swi gandzela.

Zakariya 2:13

N'wina swivumbiwa hinkwaswo miyelani emahlweni ka HOSI Xikwembu, hikuva xi le kusuhi ni ku tikomba xi huma evutshan'wini bya xona lebyo hlawuleka.

Habakuku 2:20

Kambe HOSI yi le ndlwini ya yona leyo hlawuleka; misava hinkwayo a yi miyele hi xichavo emahlweni ka yona, yi ku whíí!

Pisalema 74:16

Vusiku byi le mavokweni ya wena, na wona nhlekanhi wu fumiwa hi wena, u vekile dyambu ni tinyeleti etindhawini ta swona.

Yoxuwa 19:42

na Xaalabini, na Ayaloni, na Yitila;

Duteronoma 17:3

Munhu loyi, a nga va a yile a ya tirhela swikwembu swin'wana a swi gandzela, kumbe a gandzela dyambu, kumbe n'weti, kumbe tinyeleti, swi nga swilo leswi ndzi mi ariseke ku swi gandzela.

Amosi 8:9

HOSI N'wini wa hinkwaswo ú vula sweswo ú ri: “Siku ra ta, leri ndzi nga ta perisa dyambu ninhlekanhi, ndzi hundzula ku vonakala ka siku ku va xinyami emisaveni.

Vaavanyisi 12:12

Loko Elone a lova, ú lahliwile le Ayaloni etikweni ra va ka Zebuloni.

Vaavanyisi 5:20

Tinyeleti ti lwa na Sisera, ti ri etilweni, ti lwa na yena, ti ri emitileni ya tona.

1 SAMIELE 14:31

Hi siku rero, Vaisraele va hlaserile Vafilista ku suka eMikamaxa ku ya fika le Ayaloni. Kambe vavanuna a va karhatiwile ngopfu hi ndlala.

2 SAMIELE 2:12

Abinere n'wana Nere, ni malandza ya Ixi-Boxete n'wana Sawulo, va huma nyimpi, va suka eMahanayimi va kongoma eGibiyoni.

2 TIHOSI 20:11

Kavaloko muprofeta a huwelela eka HOSI Xikwembu, kutani Xikwembu xi tlherisa ndzhuti hi khume ra magoza, laha a wu hundzile kona eswikhandziyeni swa Akazi.

Yeremiya 28:1

Eminkarhini yoleyo, hi n'hweti ya vuntlhanu ya lembe ra vumune ra ku fuma ka Sedekiyasi hosi ya Yuda, Hananiya n'wana Azuri muprofeta wa le Gibiyoni a vulavula na Yeremiya eTempeleni, vaprista ni vanhu hinkwavo va ri karhi va swi twa, a ku:

Amosi 2:9

Kasi hi mina ndzi va heriseleke Vaamori, vanhu lava ringanaka ni mirhi ya kedari hi ku leha, lava tiyeke ku fana ni mirhi ya minkuhlu; ndzi mbumburhuxile mihandzu ya kona, ndzi tsema ni timitsu ta kona.

Yoxuwa 21:24

na Ayaloni, na Gati-Rimoni. Miti leyi i mune.

1 SAMIELE 12:18

Hiloko Samiele a khongela HOSI Xikwembu, kutani hi siku rero xi pfumisa tilo, xi nisa ni mpfula; hikokwalaho vanhu va sungula ku chava ngopfu HOSI Xikwembu na Samiele.

2 TIHOSI 20:9

Esaya a hlamula a ku: “Xikombiso lexi humaka eka HOSI Xikwembu xa leswaku xi ta endla hilaha xi tshembiseke hakona, u ta xi kuma. Wa nga ndzi byela: Xana ndzhuti wu nga lehela emahlweni hi khume ra magoza eswikhandziyeni, kumbe wu nga tlhelela endzhaku hi khume ra magoza, xana?”

2 TIHOSI 20:10

Hezekiya a ku: “I mhaka leyitsongo eka ndzhuti ku lehela emahlweni hi khume ra magoza. Ndzhuti a wu tlhelele ndzhaku hi khume ra magoza!”

1 TIKRONIKA 8:13

Vana van'wana va Elifali i Beriya, na Xema. A va ri varhangeri va mindyangu ya ka vona, emutini wa Ayaloni. Hi vona va hlongoleke vanhu va le Gati.

2 TIKRONIKA 11:10

na Sora, na Ayaloni, na Hebroni. Hi yona miti leyi rirhangu ra yona ri pfuxiweke, etikweni ra Yuda ni ra Benjamini.