Yoxuwa 10:11 - BIBELE Mahungu Lamanene

¹¹ Loko va rhelela exiphandzeni xa Beta-Horoni va ri karhi va tsutsuma va chava Vaisraele, HOSI Xikwembu xi va wisela xihangu lexikulu ku kondza va ya fika le Azeke, xi ri karhi xi va dlaya. Lava va nga fa hi xihangu a va tele ku tlula lava vavanuna va Israele va va dlayeke hi fumu.

Xitsonga (Bibele)

¹¹ Kutani, kuteloko va ha balekele Israele eku rheleleni ka Bet-Horoni, Yehovha a va nisela hi le tilweni maribye lamakulu ku fika eAzeka, kutani va fa, lava dlayiweke hi maribye lawa ya xihangu a va tlula lava vana va Israele va va dlayeke hi tlhari.

Yoxuwa 10:11 Referans Kwoze

Esaya 28:2

N'wini wa hinkwaswo ú ta rhumela nhenha ya matimba ku ya wu hlasela; yi ta wu yela ku fana ni xihangu ni xidzedze lexo chavisa; yi ta wisetela hinkwaswo hi tihanyi kukota ndhambi ya mati.

Vaavanyisi 5:20

Tinyeleti ti lwa na Sisera, ti ri etilweni, ti lwa na yena, ti ri emitileni ya tona.

Nhlavutelo 16:21

Xihangu lexikulu xa maribye yo tika ngopfu, xi wela vanhu hi le tilweni, va ko va rhuketela Xikwembu hi mhaka ya ntungu wa xihangu. Ntungu wa kona a wu chavisa ngopfu.

Nhlavutelo 11:19

Hiloko ku pfuriwa Tempele ya Xikwembu leyi nge tilweni, kutani Areka ya Ntwanano yi vonaka eTempeleni leyi ya xona. Kutani ku va ni ku hatima-hatima, ni ku pfuma, ni ku baleka ka tilo; misava yi tsekatseka, ku wa ni xihangu lexikulu.

Ezekiele 13:11

Hikokwalaho wena Ezekiele, byela vanhu lava va phamaka khumbi hi misava leswaku khumbi ra kona ri ta wa! Ku ta na mpfula leyikulu, ku wa xihangu xo chavisa, ku ba ni bubutsa.

Esaya 30:30

HOSI Xikwembu xi ta twarisa mpfumawulo wa rito leri kombaka vukulu bya xona; matimba ya voko ra xona ma ta vonaka, loko xi rhelela xi hlundzukile swinene; ku ta va ni ndzilo lowu pfurhaka wu herisa swilo, ni tilo ri ta baleka, ku va ni bubutsa ni xihangu.

Pisalema 11:6

Lavo homboloka, yi va nisela mpfundze ni xivavula, mpandzwa wa vona i moya lowu hisaka.

Genesa 19:24

Hiloko HOSI Xikwembu xi nisa ndzilo ni xivavula, swi huma eka xona etilweni, swi wela ehenhla ka miti ya Sodoma na Gomora.

Ntirho 38:22

“Xana u tshama u nghena evuhlayiselweni bya gamboko, kumbe ku vona laha xihangu xi hlengeletiwaka kona ke?

Duteronoma 20:4

hikuva HOSI Xikwembu xa n'wina, hi xona xi mi lwelaka; xi ta famba na n'wina, xi mi hlulela valala.’

2 SAMIELE 18:8

Nyimpi yi hangalaka na tiko hinkwaro. Siku rero, swihlahla swi heta vanhu lavo tala ku tlula lava dlayiweke hi fumu.

Ntirho 38:23

Swilo leswi ndzi swi hlayisela nkarhi wa maxangu, wu nga nkarhi wo hlaseriwa hi valala.

Pisalema 147:17

Hi xona xi nisaka ni xihangu xa maribye lamakulu, ku hava loyi a nga tiyelaka xirhami xa kona.

Esaya 28:21

HOSI Xikwembu xi ta ta ku fana ni le ntshaveni ya Perasimi, xi ta va xi hlundzukile ku fana ni le rivaleni ra Gibeyoni; xi ta xi ta endla leswi xi faneleke ku swi endla, hambileswi swi nga tolovelekangiki, xi ta tirha ntirho wa xona, hambileswi wu nga ta hlamarisa vanhu.