Yoxuwa 10:10 - BIBELE Mahungu Lamanene

¹⁰ Kutani HOSI Xikwembu xi hlanganisa Vaamori tinhloko loko va vona Vaisraele. Hiloko Vaisraele va dlayetela Vaamori lavo tala eGibiyoni va va hlongorisa hi ndlela leyi taka hi le xiphandzeni xa Beta-Horoni, va va hlasela ku ya fika le Azeka ni le Makeda.

Xitsonga (Bibele)

¹⁰ Kutani Yehovha a va hangalasa emahlweni ka Israele kutani Israele a lwa na vona, a va hlula swinene ekusuhi na Gibiyoni; kutani Israele a va hlongorisa endleleni leyi khandziyaka ya Bet-Horoni, a lwa na vona ku fika eAzeka na Makeda.

Yoxuwa 10:10 Referans Kwoze

Pisalema 18:14

HOSI yi copa valala hi miseve ya yona, yi va hangalasa, yi vangamisa rihati, yi va hlanganisa tinhloko.

Yoxuwa 16:5

Tindhawu ta va ka Efrayimi hi ku ya hi mindyangu ya vona hi leti: Evuxeni ndzilekana wa ndhawu leyi va ka Efrayimi va averiweke yona wu sukela le Ataroti-Adara, wu famba wu ya fika emutini wa Beta-Horoni-wa-le-gangeni.

Yoxuwa 16:3

kutani wu rhelela wu ya endhawini ya Vayafeleti evupeladyambu, wu famba wu ya emutini wa Beta-Horoni-wa-le-nkoveni, kutani wu hundza wu ya eGezere, wu ya helela elwandle.

Esaya 28:21

HOSI Xikwembu xi ta ta ku fana ni le ntshaveni ya Perasimi, xi ta va xi hlundzukile ku fana ni le rivaleni ra Gibeyoni; xi ta xi ta endla leswi xi faneleke ku swi endla, hambileswi swi nga tolovelekangiki, xi ta tirha ntirho wa xona, hambileswi wu nga ta hlamarisa vanhu.

Vaavanyisi 4:15

Loko masocha ya Baraka ma hlomula mafumu ma nghena enyimpini, HOSI Xikwembu xi hangalasa masocha hinkwawo ya Sisera ni makalichi ya yena hinkwawo, kutani yena a xika ekalichini a tsutsuma.

Yoxuwa 15:35

na Yaramutu, na Adulama, na Soko, na Azeka;

Yoxuwa 10:11

Loko va rhelela exiphandzeni xa Beta-Horoni va ri karhi va tsutsuma va chava Vaisraele, HOSI Xikwembu xi va wisela xihangu lexikulu ku kondza va ya fika le Azeke, xi ri karhi xi va dlaya. Lava va nga fa hi xihangu a va tele ku tlula lava vavanuna va Israele va va dlayeke hi fumu.

Yeremiya 34:7

Enkarhini lowu, mavuthu ya hosi ya le Babilona a ma ri karhi ma hlasela muti wa Yerusalema, ma hlasela ni miti ya makhokholo ya Lakixi na Azeka, hikuva a ku sele yona ntsena etikweni ra Yuda leyi nga tekiwangiki hi va le Babilona.

Pisalema 78:55

Xikwembu xi hlongorile vamatiko va suka emahlweni ka Vaisraele, xi nyika Vaisraele tiko ra kona leswaku ri va ra vona; kutani va titshamele emitini ya kona hi ku ya hi tinyimba ta ka vona.

Pisalema 44:3

Vatatana va hlurile valala va va tekela tiko, kambe ku nga ri hi matimba ya vona ni matlhari ya vona; va ri kumile hi matimba ya wena lamakulu, hikuva a wu ri kusuhi na vona, u va komba leswaku wa va tsakela.

2 TIKRONIKA 14:12

Hiloko HOSI Xikwembu xi hlula Vaetiyopiya, xi va tsutsumisa, Asa ni vanhu va Yuda va langutile kunene.

1 SAMIELE 13:18

Ntlawa wa vumbirhi wu kongoma emutini wa Beta-Horoni; kutani ntlawa lowo hetelela wu kongoma emagangeni lama langutanaka ni Nkova wa Seboyimi (hileswaku: Nkova wa Timhisi), hi tlhelo ra mananga.

Yoxuwa 21:22

na Kibisayimi, na Beta-Horoni. Miti ya kona hinkwayo i mune.

Yoxuwa 15:41

na Gederoti, na Beta-Dagoni, na Naama, na Makeda; Miti ni swimitana swa yona i 16.

Yoxuwa 12:16

ni hosi ya muti wa Makeda, ni hosi ya muti wa Betele;

Yoxuwa 11:8

Kutani HOSI Xikwembu xi va nyiketa emavokweni ya Vaisraele, va va hlasela, va va hlongorisa ku kondza va ya fika emutini lowukulu wa Sidoni ni le Misrefoto-Mayimi. Hi tlhelo ra le vuxeni, va va hlongorisile ku kondza va ya fika eka Nkova wa Mispa, va va dlayetela ku nga sali na un'we wa mhamba.

Yoxuwa 10:28

Hi siku rero, Yoxuwa a ya hlasela muti wa Makeda, a wu teka a dlaya na hosi ya wona hi fumu. Kutani a herisa vaaki va wona hinkwavo, a nga siyi na un'we wa mhamba. Hosi ya muti wa Makeda ú yi endlile leswi a endleke swona hosi ya muti wa Yeriko.

Duteronoma 7:23

HOSI Xikwembu xa n'wina xi ta va hlanganisa tinhloko, kutani xi va nyiketa emavokweni ya n'wina, ku kondza mi va herisa.

Yoxuwa 10:9

Yoxuwa ú fambile vusiku hinkwabyo ku suka eGiligala, kutani a fika a humelela laha a va ri kona, va nga ehleketanga nchumu.

1 SAMIELE 17:1

Vafilista va tilulamisela ku lwa, kutani va hlengeleta mavuthu ya vona emutini wa Soko etikweni ra Yuda, va ya dzima mixaxa ya vona exikarhi ka Soko na Azeka, endhawini leyi vuriwaka Efese-Damimi.

2 SAMIELE 22:15

HOSI yi copa valala hi miseve, yi va hangalasa, yi va hlanganisa tinhloko hi rihati ra yona.

1 TIHOSI 9:17

Kutani Solomoni a pfuxa Gezere, a aka na Beta-Horoni wa le nkoveni,

Pisalema 68:14

Hi siku leri Xikwembu-xa-matimba-hinkwawo xi hluleke tihosi enyimpini, mintsumbu a yi fana ni gamboko entshaveni ya Salimoni!

Vaavanyisi 4:16

Kutani masocha ya Baraka ma hlongorisa makalichi ni masocha ya Sisera ku ya fika emutini wa Haroxete-wa-Vamatiko. Mavuthu hinkwawo ya Sisera ma dlayiwa hi fumu, ku nga sali na munhu ni un'we.

Vaavanyisi 5:20

Tinyeleti ti lwa na Sisera, ti ri etilweni, ti lwa na yena, ti ri emitileni ya tona.

2 TIKRONIKA 25:13

Kambe vavanuna va Israele lava Amasiya a nga va lerisa ku muka va nga yi na yena enyimpini, va ya hlasela miti ya Yuda ku sukela eSamariya ku ya fika eBeta-Horoni. Emitini leyi, va dlaya vanhu va 3 000, va phangha ni swilo leswo tala.

Esaya 30:30

HOSI Xikwembu xi ta twarisa mpfumawulo wa rito leri kombaka vukulu bya xona; matimba ya voko ra xona ma ta vonaka, loko xi rhelela xi hlundzukile swinene; ku ta va ni ndzilo lowu pfurhaka wu herisa swilo, ni tilo ri ta baleka, ku va ni bubutsa ni xihangu.

Zakariya 14:3

Kutani HOSI Xikwembu xi ta huma xi ya hlasela vamatiko lava, ku fana ni loko ku lwiwa nyimpi.