Yoxuwa 1:8 - BIBELE Mahungu Lamanene

⁸ Buku leyi ya Nawu u nga tshuki u hambana na yona, u fanele ku yi anakanya vusiku ni nhlekanhi leswaku u ta ka u nga tluli ni xin'we xa leswi tsariweke eka yona; kutani u ta humelela, ni swilo swa wena swi ta ku fambela kahle.

Xitsonga (Bibele)

⁸ Buku ya nawu lowu, yi nga tshuki yi va kule ni nomu wa wena, kambe u yi anakanya vusiku ni nhlekanhi, u hiseka ku endla hinkwaswo leswi tsariweke kona, hi kona u nga ta kateka etindleleni ta wena, u ta tsaka.

Yoxuwa 1:8 Referans Kwoze

Pisalema 119:15

Ndzi ta anakanya swiletelo swa wena, ndzi langutisisa ni tindlela ta wena.

Pisalema 19:14

Marito ya mina ni miehleketo ya mina, a swi ve leswi amukelekaka emahlweni ka wena, we HOSI, wena u nga ribye ra mina ra vutumbelo, ni mukutsuri wanga.

Vakolosa 3:16

Rito ra Kriste a ri tshame ka n'wina, ri andza. Dyondzisanani, mi khongotelana hi vutlhari hinkwabyo, mi twarisa Xikwembu hi ku yimbelela tipisalema, ni tinsimu, ni ku yimbelela swa Moya, mi ri karhi mi nkhensa etimbilwini ta n'wina.

Swivuriso 3:1

N'wananga, u nga rivali leswi ndzi ku dyondzisaka swona. Hlayisa milawu ya mina,

Duteronoma 29:9

Hikokwalaho, mi fanele ku tikarhatela ku hlayisa marito hinkwawo ya ntwanano lowu, leswaku mi ta humelela emintirhweni hinkwayo leyi mi nga ta yi endla.

Yohane 14:21

Loyi a amukeleke milawu ya mina, kutani a yi hlayisa, hi yena loyi a ndzi rhandzaka; kutani loyi a ndzi rhandzaka, ú ta rhandziwa hi Tata wa mina; na mina ndzi ta n'wi rhandza, ndzi va ndzi tipfuletela eka yena.”

Luka 11:28

Yesu a ku: “Ngopfu ku katekile lava yingisaka Rito ra Xikwembu, va vuya va ri hlayisa!”

Matewu 7:24

“Hikwalaho ke un'wana ni un'wana la yingisaka marito ya mina lawa, a va a famba ha wona, ú ta fana ni wanuna lowo tlhariha la akeke yindlu ya yena eribyeni.

Pisalema 119:11

Leswi u swi vulaka, ndzi swi veka eku enteni ka mbilu yanga, leswaku ndzi nga ku dyoheli.

Pisalema 119:97

Nawu wa wena ndzi wu rhandza ngopfu, siku hinkwaro ndzi le ku wu anakanyeni.

Matewu 7:21

“A hi hinkwavo lava nge ka mina: ‘Hosi, Hosi’ lava nga ta nghena eMfun'weni wa matilo, kambe ku ta nghena la endlaka ku rhandza ka Tata wa mina la nge matilweni.

Yohane 13:17

Loko mi tiva swilo leswi, mi tlhela mi swi endla, mi ta va mi katekile.

Yoxuwa 1:7

Mhaka leyikulu, u fanele ku tiya, u va ni xivindzi; naswona u landzelela milawu hinkwayo leyi Muxe nandza wa mina a ku leriseke yona; u nga tshuki u tlula ni wun'we wa yona, leswaku hinkwako lomu u nga ta va kona, u ta kateka eswilweni hinkwaswo.

Duteronoma 30:14

Kambe nawu lowu mi na wona kwala kusuhi na n'wina; ma wu tiva swinene, mi nga wu hlamusela, hikokwalaho mi nge tsandzeki ku hanya ha wona.

Duteronoma 5:29

Loko va nga va ni miehleketo leyi minkarhi hinkwayo, va ndzi chava, va hlayisa ni milawu ya mina hinkwayo, a va ta kateka, vona ni vana va vona.

Pisalema 119:99

Ndzi tlula vadyondzisi va mina hinkwavo hi ku twisisa timhaka, hikuva ndzi anakanya switsundzuxo swa wena.

Esaya 59:21

“Ntwanano wa mina na n'wina hi lowu: Moya wa mina lowu ndzi mi nyikeke wona, ni marito lawa ndzi ma vekeke emilon'weni ya n'wina, swi nga ka swi nga ha suki eka n'wina, ni le ka vana va n'wina, ni le ka vatukulu va n'wina; swi ta va tano ku sukela namuntlha ni hilaha ku nga heriki. Ndzi vula sweswo, mina HOSI!”

Duteronoma 5:32

Hikokwalaho, endlani hilaha HOSI Xikwembu xi mi leriseke hakona; vonani leswaku mi nga hambuki endleleni ya xona.

Duteronoma 31:11

loko Vaisraele hinkwavo va ta emahlweni ka HOSI Xikwembu xa n'wina endhawini leyi xi nga ta yi hlawula, mi ta fanela ku va hlayela Nawu lowu,

Vaefesa 4:29

Eku vulavuleni ka n'wina mi nga tshuki mi tirhisa marito ya tingana, kambe tirhisani ntsena marito lama pfunaka, lama akisaka ni ku hlamula leswi lavekaka, kutani ku vulavula ka n'wina ku ta tisa nkateko eka lava va mi yingisaka.

Matewu 12:35

Munhu lonene ú humesa swilo leswinene exumeni xa yena lexinene, kambe munhu lowo biha ú humesa leswo biha exumeni xa yena lexo biha.

Pisalema 40:10

Mhaka ya leswaku u hi ntshunxile, a ndzi yi endlanga xihundla, ndzi tivisile vanhu leswaku u muponisi la tshembekaka; ntshungu lowukulu a ndzi wu fihlelanga rirhandzu ni ku tshembeka ka wena.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Nhlavutelo 22:14

Ku katekile lava hlantswaka tinguvu ta vona, leswaku va ta pfumeleriwa ku dya murhi wa vutomi, ni ku nghena emutini hi tinyangwa ta wona.

Genesa 24:63

Siku rin'wana hi nkarhi wa madyambu, Isaka a ya emasin'wini ku ya khongela. Kuteloko a tlakusa mahlo, o vona tikamela ti ri karhi ti ta.

Duteronoma 31:24

Loko Muxe a hetile ku tsala marito hinkwawo ya Nawu lowu ebukwini,

Yoxuwa 8:34

Kutani endzhaku ka sweswo, Yoxuwa a hlaya marito hinkwawo ya ku katekisa ni ya ndzhukano hilaha ma tsariweke hakona eka Buku ya Nawu.

Duteronoma 5:1

Kutani Muxe a hlengeleta Vaisraele hinkwavo, a vulavula na vona a ku: “N'wina Vaisraele, yingisani swinene milawu ni swiletelo leswi ndzi mi byelaka swona namuntlha; swi dyondzeni mi swi hlayisa, mi hanya ha swona.

Duteronoma 29:8

Hi tekile matiko ya vona, hi ma nyika va nyimba ya ka Rhuveni, ni va nyimba ya ka Gadi, ni hafu ya nyimba ya va ka Manase, leswaku ma va ndzhaka ya vona.

2 TIKRONIKA 26:5

A tiyimisela ku lava Xikwembu hi mbilu hinkwayo, a ri karhi a pfuniwa hi Zakariya, munhu loyi a n'wi dyondziseke ku gandzela Xikwembu. Kutani loko Uziya a ha namarhela HOSI Xikwembu, xona a xi n'wi katekisa minkarhi hinkwayo.