Yoxuwa 1:7 - BIBELE Mahungu Lamanene

⁷ Mhaka leyikulu, u fanele ku tiya, u va ni xivindzi; naswona u landzelela milawu hinkwayo leyi Muxe nandza wa mina a ku leriseke yona; u nga tshuki u tlula ni wun'we wa yona, leswaku hinkwako lomu u nga ta va kona, u ta kateka eswilweni hinkwaswo.

Xitsonga (Bibele)

⁷ Tiya mbilu, u tiya swinene, u hiseka ku endla hi nawu hinkwawo lowu Muxe, nandza wa mina a ku leriseke wona; u nga tshuki u hambuka eka wona exineneni, hambi ku ri eximatsini, leswaku u ta kateka eswilweni hinkwaswo leswi u nga ta swi sungula.

Yoxuwa 1:7 Referans Kwoze

1 TIKRONIKA 22:13

U ta humelela ntsena loko u hlayisa milawu ni swiletelo leswi HOSI Xikwembu xi swi leriseke Muxe, swi nga leswi yena a swi dyondziseke Vaisraele. Tiya, u komba vunhenha bya wena; u nga tshuki u hela mbilu, u nga chavi.

Duteronoma 5:32

Hikokwalaho, endlani hilaha HOSI Xikwembu xi mi leriseke hakona; vonani leswaku mi nga hambuki endleleni ya xona.

Yoxuwa 1:8

Buku leyi ya Nawu u nga tshuki u hambana na yona, u fanele ku yi anakanya vusiku ni nhlekanhi leswaku u ta ka u nga tluli ni xin'we xa leswi tsariweke eka yona; kutani u ta humelela, ni swilo swa wena swi ta ku fambela kahle.

Swivuriso 4:27

u nga tshuki u hambukela exineneni kumbe eximatsini, leswo biha, u nga ngheni eka swona!

Yoxuwa 11:15

Yoxuwa ú endlile hinkwaswo leswi Muxe nandza wa HOSI Xikwembu a n'wi leriseke swona, hilaha Muxe a leriseke hakona hi HOSI Xikwembu. Yoxuwa a nga siyanga na xilo na xin'we.

Duteronoma 12:32

“Hinkwaswo leswi ndzi mi lerisaka swona, mi fanele ku tikarhatela ku hanya hi swona; mi nga engeteleli nchumu kumbe ku hunguta nchumu eka swona.

Duteronoma 31:7

Kutani Muxe a vitana Yoxuwa, a vulavula na yena emahlweni ka Vaisraele hinkwavo, a ku: “Tiya, u va ni xivindzi, hikuva hi wena u nga ta nghenisa vanhu lava etikweni leri HOSI Xikwembu xi ri tshembiseke vatata wa vona. Kutani wena u ta va pfuna ku kuma tiko ra kona leswaku ri va ra vona.

Duteronoma 29:9

Hikokwalaho, mi fanele ku tikarhatela ku hlayisa marito hinkwawo ya ntwanano lowu, leswaku mi ta humelela emintirhweni hinkwayo leyi mi nga ta yi endla.

Duteronoma 28:14

Ntsena, mi nga tshuki mi tlula ni xin'we xa leswi ndzi mi lerisaka swona namuntlha, kumbe ku ya tirhela swikwembu swin'wana mi swi gandzela.

Swivuriso 8:20

Gondzo leri ndzi fambaka ha rona ri yisa eka leswo lulama, i ndlela leyi kongomaka emilawini leyinene.

1 TIHOSI 2:3

Hlayisa tifanelo ta wena emahlweni ka HOSI Xikwembu xa wena, u hanya hi tindlela ta xona. Hlayisa swiletelo swa xona, ni milawu ya xona, ni swiboho swa xona, ni switsundzuxo swa xona, hilaha Muxe a tsaleke hakona ebukwini ya milawu. Loko u endla sweswo, u ta humelela emintirhweni hinkwayo leyi u nga ta yi endla, ni hinkwako lomu makungu ya wena ma nga ta ku kongomisa kona.

Tinhlayo 27:23

kutani a n'wi tlhandleka mavoko, a n'wi veka entirhweni hilaha HOSI Xikwembu xi leriseke hakona.

Yoxuwa 1:1

Loko Muxe nandza wa HOSI Xikwembu a lovile, HOSI Xikwembu xi vulavula na Yoxuwa n'wana Nuni loyi a a tirhela Muxe, xi ku ka yena:

Duteronoma 11:8

“Kutani ke, mi fanele ku hlayisa swileriso hinkwaswo leswi ndzi mi leriseke swona namuntlha, leswaku mi ta va ni matimba, mi kota ku nghena mi teka tiko leri mi yaka eka rona, ri va ra n'wina,

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

Yoxuwa 23:6

Hikokwalaho, mi fanele ku tshembeka, mi hlayisa ni ku endla hinkwaswo leswi swi tsariweke eka Buku ya Nawu wa Muxe; mi nga tshuki mi tlula ni xin'we xa swona,

1 TIHOSI 2:2

“Ndzi le kusuhi ni ku fa, yi nga ndlela ya munhu un'wana ni un'wana wa laha misaveni. Hikokwalaho, tiya nhlana, u tikomba ku va wanuna.

2 TIHOSI 22:2

A endla leswi lulameke emahlweni ka HOSI Xikwembu, a famba etindleleni hinkwato ta Davhida kokwa wa yena, a nga hambuki eka tona nikutsongo.

2 TIKRONIKA 15:7

Kambe loko mi ri n'wina, tiyani mi nga heli mbilu, hikuva leswi mi swi endlaka, swi ta mi tisela hakelo.”

Ntirho 1:8

HOSI Xikwembu xi ku ka Sathana: “Xana u vonile nandza wa mina Yobo xana? A ku na la fanaka na yena emisaveni. I munhu wo lulama wa mahanyelo lamanene; wa ndzi tirhela, a fularhela leswo biha!”

Daniele 10:19

a ku ka mina: ‘U nga chavi Daniele, hikuva Xikwembu xa ku tsakela swinene; ku rhula a ku ve na wena, tiya swinene u nga rhurhumeli.’ Marito lawa ma ndzi tiyisa nhlana, kutani ndzi ku ka yena: ‘U nga vulavula we N'wini wanga, hikuva sweswi ndzi titwa ndzi tiyile.’

Duteronoma 4:2

Eka leswi ndzi mi lerisaka swona, mi nga engeteli nchumu, naswona mi nga hunguti nchumu; hlayisani swileriso swa HOSI Xikwembu xa n'wina, leswi ndzi mi lerisaka swona.

Duteronoma 29:8

Hi tekile matiko ya vona, hi ma nyika va nyimba ya ka Rhuveni, ni va nyimba ya ka Gadi, ni hafu ya nyimba ya va ka Manase, leswaku ma va ndzhaka ya vona.

2 TIKRONIKA 26:5

A tiyimisela ku lava Xikwembu hi mbilu hinkwayo, a ri karhi a pfuniwa hi Zakariya, munhu loyi a n'wi dyondziseke ku gandzela Xikwembu. Kutani loko Uziya a ha namarhela HOSI Xikwembu, xona a xi n'wi katekisa minkarhi hinkwayo.

Pisalema 80:19

Tlhela u hi pfuxa, we HOSI Xikwembu xa matimba hinkwawo, u hi amukela hi tintswalo, kutani hi ta ponisiwa.