Yoxuwa 1:6 - BIBELE Mahungu Lamanene

⁶ U fanele ku tiya, u va ni xivindzi, hikuva hi wena u nga ta fikisa vanhu lava etikweni leri ndzi tshembiseke vatata wa vona hi ku hlambanya leswaku ndzi ta va nyika rona ri va ndzhaka ya vona.

Xitsonga (Bibele)

⁶ Tiya mbilu, u tiya hikuva hi wena la nga ta fumisa tiko leri misava leyi ndzi hlambanyeleke vatata wa vona ku va nyika yona.

Yoxuwa 1:6 Referans Kwoze

Daniele 10:19

a ku ka mina: ‘U nga chavi Daniele, hikuva Xikwembu xa ku tsakela swinene; ku rhula a ku ve na wena, tiya swinene u nga rhurhumeli.’ Marito lawa ma ndzi tiyisa nhlana, kutani ndzi ku ka yena: ‘U nga vulavula we N'wini wanga, hikuva sweswi ndzi titwa ndzi tiyile.’

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

Yoxuwa 1:7

Mhaka leyikulu, u fanele ku tiya, u va ni xivindzi; naswona u landzelela milawu hinkwayo leyi Muxe nandza wa mina a ku leriseke yona; u nga tshuki u tlula ni wun'we wa yona, leswaku hinkwako lomu u nga ta va kona, u ta kateka eswilweni hinkwaswo.

Vaefesa 6:10

Eku heteleleni, ndzi ri, tiyani swinene, mi namarhela Hosi, mi tiseketela hi ntamu wa yona lowu nga tsandziwiki ha nchumu.

1 Vakorinto 16:13

Hitekani, mi tiya swinene eku pfumeleni, mi va vavanuna, mi tinyika matimba.

2 Timotiya 2:1

Hikokwalaho n'wananga, tiya entintswalweni leti nge ka Kriste Yesu.

1 TIKRONIKA 28:10

Tsundzuka leswi: HOSI Xikwembu xi ku hlawurile leswaku u va wena loyi a nga ta aka Tempele ni xivandla xa yona lexo hlawuleka. Kutani sweswi tiya nhlana, u sungula ku tirha!”

1 TIKRONIKA 22:13

U ta humelela ntsena loko u hlayisa milawu ni swiletelo leswi HOSI Xikwembu xi swi leriseke Muxe, swi nga leswi yena a swi dyondziseke Vaisraele. Tiya, u komba vunhenha bya wena; u nga tshuki u hela mbilu, u nga chavi.

Hagayi 2:4

Kambe, hambiswiritano, tiya nhlana wena Zerubabele, ku vula mina HOSI. Tiya nhlana wena Yoxuwa muprista lonkulu n'wana Yosadaki. Na n'wina vaaki va tiko hinkwenu, tiyani nhlana; ndzi vula sweswo, mina HOSI. Tirhani, hikuva ndzi na n'wina, ku vula mina HOSI ya matimba hinkwawo.

Pisalema 27:14

Tshemba HOSI, u tiya nhlana; u nga tsekatseki, ina tshemba HOSI!

Zakariya 8:9

HOSI ya matimba hinkwawo yi vurisa sweswo yi ri: “Tirhani mi tiyile, hikuva namuntlha mi twa marito lama vuriwaka hi vaprofeta, loko yindlu ya HOSI Xikwembu xa matimba hinkwawo yi ri karhi yi akiwa hi vuntshwa emasungulweni ya yona.

1 TIHOSI 2:2

“Ndzi le kusuhi ni ku fa, yi nga ndlela ya munhu un'wana ni un'wana wa laha misaveni. Hikokwalaho, tiya nhlana, u tikomba ku va wanuna.

Genesa 26:3

Wena luvela etikweni reri, kutani mina ndzi ta va na wena ndzi ku katekisa, hikuva matiko lawa hinkwawo ndzi ta ku nyika wona, wena ni vatukulu va wena, naswona ndzi ta hetisisa leswi ndzi swi tshembiseke tata wa wena Abrahama hi ku hlambanya.

1 SAMIELE 4:9

Pfukani mi tiya n'wina Vafilista, mi tikomba leswaku mi vavanuna. Loko swi nga ri tano, mi ta hundzuka mahlonga ya Vaheveru, mi va tirhela tani hi leswi na vona va nga va mahlonga ya hina va hi tirhela. Tikombeni leswaku mi vavanuna, mi lwa swinene!”

Duteronoma 31:23

Kutani HOSI Xikwembu xi lerisa Yoxuwa n'wana Nuni, xi ku: “U fanele ku tiya, u va ni xivindzi, hikuva hi wena u nga ta fikisa Vaisraele etikweni leri ndzi hlambanyeke ku va nyika rona. Mina ndzi ta va na wena.”

Duteronoma 1:21

Vonani, HOSI Xikwembu xa vatata wa n'wina xi nyiketa tiko leri emavokweni ya n'wina; tlhandlukani mi ya ri teka, hilaha xi mi leriseke hakona; mi nga chavi nchumu, naswona mi nga kanakani!’

Duteronoma 11:8

“Kutani ke, mi fanele ku hlayisa swileriso hinkwaswo leswi ndzi mi leriseke swona namuntlha, leswaku mi ta va ni matimba, mi kota ku nghena mi teka tiko leri mi yaka eka rona, ri va ra n'wina,

2 SAMIELE 10:12

Hikokwalaho, tiya swinene! A hi tikombeni leswaku hi vavanuna, hi lwela tiko ra hina ni miti ya Xikwembu xa hina. HOSI Xikwembu a xi endle ku rhandza ka xona!”

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Tinhlayo 26:53

“Vanhu lava va ta averiwa tiko leri ri nga ta va ndzhaka ya vona hi ku landza ntsengo wa mavito ya vona.

Tinhlayo 33:53

mi ta teka tiko ra vona mi tshama eka rona, hikuva tiko leri ndzi mi nyikile rona leswaku ri va ra n'wina.

Duteronoma 1:8

Tiko leri hinkwaro, mina HOSI Xikwembu ndzi hlambanyile leswaku ndzi ta ri nyika vatata wa n'wina Abrahama, na Isaka, na Yakobo, swin'we ni vatukulu va vona, kutani nghenani mi ri teka, hikuva ndzi mi nyikile rona.’ ”

Yoxuwa 1:18

Un'wana ni un'wana loyi a nga ta tlula swileriso swa wena, a nga yingisi leswi u n'wi byelaka swona, u ta dlayiwa. Mhaka leyikulu, u fanele ku tiya, u va ni xivindzi!”

Yoxuwa 5:6

Vaisraele va fambile malembe ya 40 emananga ku kondza ku hela vavanuna hinkwavo lava ringaneke ku ya enyimpini, va nga lava sukeke etikweni ra Egipta, hikuva a va nga yingisanga swileriso swa HOSI Xikwembu. HOSI Xikwembu xi va hlambanyerile leswaku va nga ka va nga ri voni tiko leri xi tshembiseke vatata wa vona hi ku hlambanya leswaku xi ta va nyika rona, ri nga tiko leri khulukaka ntswamba ni vulombe.

Yoxuwa 10:25

Kutani Yoxuwa a ku ka vona: “Mi nga chavi nchumu, naswona mi nga heli matimba; tiyani, mi va ni xivindzi, hikuva HOSI Xikwembu xa n'wina xi ta endlisa sweswo eka valala va n'wina lava mi lwaka na vona.”

Yoxuwa 13:6

Vaaki hinkwavo va le magangeni ya Lebanoni, ku ya fika eMisrefoto-Mayimi, ku katsa ni Vasidoni, mina ndzi ta va hlongola va suka emahlweni ka Vaisraele. Wena u fanele ku avela Vaisraele tiko leri, yi va ndzhaka ya vona, hilaha ndzi ku leriseke hakona.

Yoxuwa 18:3

Kutani Yoxuwa a ku ka Vaisraele: “Xana ma ha yimela yini, leswi mi tshikaka ku nghena mi teka tiko leri HOSI Xikwembu xa vatata wa n'wina xi mi nyikeke rona xana?

Yoxuwa 21:43

Hi ndlela leyi, HOSI Xikwembu xi nyika Vaisraele tiko hinkwaro leri xi tshembiseke vatata wa vona leswaku xi ta va nyika rona. Loko va ri tekile ri va ra vona, va tshamile eka rona.

1 TIKRONIKA 28:20

Davhida a engeta a byela Solomoni n'wana wa yena, a ku: “Tiya swinene n'wananga, u nga kanakani, u nghena entirhweni; naswona u nga chavi, u nga heli mbilu, hikuva HOSI Xikwembu, xona Xikwembu xa mina, xi ta va na wena. A xi nga ku tshiki, a xi nga ku rivali, u kondza u heta ntirho hinkwawo, u lulamisa hinkwaswo leswi nga ta tirhisiwa eTempeleni.

2 TIKRONIKA 15:7

Kambe loko mi ri n'wina, tiyani mi nga heli mbilu, hikuva leswi mi swi endlaka, swi ta mi tisela hakelo.”

2 TIKRONIKA 20:7

We Xikwembu xa hina, hi wena u hlongoleke vanhu lava khale a va tshama etikweni leri, kutani va sukile emahlweni ka Vaisraele vanhu va wena. Tiko ra kona u ri nyikile vatukulu va Abrahama munghana wa wena, ri va ra vona hilaha ku nga heriki.

2 TIKRONIKA 20:11

Va nkhensa tintswalo ta hina hi ku hi tekela tiko leri u nga hi nyika rona leswaku ri va ndzhaka ya hina.