Yoxuwa 1:4 - BIBELE Mahungu Lamanene

⁴ Tiko ra n'wina ri ta sukela emananga ri ya ta hi le ntshaveni ya Lebanoni ri ya fika ni le nambyeni lowukulu wa Yufrata, ri katsa ni tiko ra Vahiti hinkwaro ku ya fika eLwandle ra Mediteraniya evupeladyambu.

Xitsonga (Bibele)

⁴ ku sukela emananga na Lebanoni loyi, ku fika enambyeni lowukulu, enambyeni wa Yufrata, ri nga tiko hinkwaro ra Vahiti, ni ku fika eLwandle Lerikulu evupeladyambu, ri ta va tiko ra n'wina.

Yoxuwa 1:4 Referans Kwoze

Eksoda 23:31

Ndzi ta ba mindzilekana ya tiko ra n'wina yi sukela eka Lwandle-ro-Tshwuka ku ya fika eLwandle ra Vafilista, ni ku suka emananga ya Sinayi ku ya fika enambyeni wa Yufrata, hikuva ndzi ta nyiketa vaaki va tiko emavokweni ya n'wina, mi va hlongola va suka emahlweni ka n'wina.

Duteronoma 11:24

Ndhawu yin'wana ni yin'wana leyi mi nga ta hundza hi le ka yona, yi ta va ya n'wina. Tiko ra n'wina ri ta sukela emananga, ri ya eLebanoni, ri tlhela ri sukela enambyeni lowukulu wa Yufrata, ri ya fika eLwandle ra Mediteraniya.

Duteronoma 3:25

Ndzi kombela leswaku u ndzi pfumelela ku pela nambu wa Yordani, ndzi ya vona tiko leriya ro saseka ra maganga lamanene, ni tintshava ta Lebanoni.’

Duteronoma 1:7

hikokwalaho, sukani mi ya mahlweni ni riendzo ra n'wina, mi ya emagangeni ya Vaamori ni le tindhawini leti nga kusuhi na vona, ku nga eka Nkova wa Yordani, ni le magangeni, ni le timbaleni, ni le dzongeni, ni le ribuweni ra lwandle etikweni ra Vakanana, mi ya fika ni le tintshaveni ta Lebanoni, ni le nambyeni lowukulu wa Yufrata.

1 TIKRONIKA 18:3

Loko Davhida a ri le Hamata, a hlula Hadadi-Ezere hosi ya le Soba loyi a a ringeta ku fikisa mfumo wa yena ematlhelweni ya nambu wa Yufrata.

1 TIKRONIKA 5:9

a va tshama ni le vuxeni bya Yordani ku ya fika laha mananga ma sungulaka kona, ku langutana ni nambu wa Yufrata, hikuva swifuwo swa vona a swi engetelekile ku tlula mpimo etikweni ra Giliyadi.

Nhlavutelo 9:14

ri byela ntsumi ya vu-6 leyi nga ni nanga, ri ku: “Ntshunxa tintsumi leti ta mune leti bohiweke enambyeni lowukulu wa Yufrata!”

1 TIHOSI 4:21

Solomoni a a fuma matiko hinkwawo evupeladyambu bya nambu wa Yufrata; naswona a a fuma tiko ra Vafilista, ku ya fika ni le ndzilekaneni wa tiko ra Egipta. Vaaki va kona va n'wi humeserile ndzuvo ni ku n'wi tirhela vutomi bya yena hinkwabyo.

Ezra 4:20

Naswona a ku ri ni tihosi ta matimba eYerusalema, ti fuma xifundzha hinkwaxo xa le vupeladyambu bya nambu wa Yufrata, kutani xibalo ni ndzuvo a to teka swi va swa tona.

1 TIHOSI 10:29

Kalichi yo endliwa le Egipta a yi vitana mali ya tisilivhere ta 600, hanci yona yi vitana tisilivhere ta 150. Hi nxavo wolowo, vaxavi va Solomoni a va xavela ni tihosi hinkwato ta Vahiti ni ta le Siriya.