Yoxuwa 1:18 - BIBELE Mahungu Lamanene

¹⁸ Un'wana ni un'wana loyi a nga ta tlula swileriso swa wena, a nga yingisi leswi u n'wi byelaka swona, u ta dlayiwa. Mhaka leyikulu, u fanele ku tiya, u va ni xivindzi!”

Xitsonga (Bibele)

¹⁸ Un'wana ni un'wana la nga ta ala ku endla hi ku lerisa ka wena, loko a nga yingisi marito ya wena eswilweni hinkwaswo leswi u nga ta n'wi lerisa swona, u ta dlawa; ntsena, tiya mbilu, u tiya.”

Yoxuwa 1:18 Referans Kwoze

Vaefesa 6:10

Eku heteleleni, ndzi ri, tiyani swinene, mi namarhela Hosi, mi tiseketela hi ntamu wa yona lowu nga tsandziwiki ha nchumu.

1 Vakorinto 16:13

Hitekani, mi tiya swinene eku pfumeleni, mi va vavanuna, mi tinyika matimba.

Ezra 10:4

Suka u yima; lowu i ntirho wa wena, hina hi ta ku seketela; kanya mbilu u wu tirha.”

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

Vaheveru 12:25

Tivoneleni leswaku mi nga aleli loyi a vulavulaka. Lava aleke ku yingisa mutsundzuxi wa vona laha misaveni, a va ponanga. Hikokwalaho, xana hina hi nga ponisa ku yini, loko hi ala ku yingisa loyi a hi tsundzuxaka a ri ematilweni xana?

1 SAMIELE 11:12

Hiloko vanhu va ku ka Samiele: “Xana i mani loyi a nga te: ‘Sawulo a nga ka a nga hi fumi!’, xana? Hi nyikete vanhu lava, hi va dlaya.”

Luka 19:27

Loko va ri valala va mina lava nga lavangiki leswaku ndzi va fuma, va tiseni kwala, mi va dlaya emahlweni ka mina.’ ”

Duteronoma 17:12

Munhu loyi a tikurisaka, a nga yingisi muavanyisi kumbe muprista loyi a nga ta va a ri entirhweni emahlweni ka HOSI Xikwembu xa n'wina, ú fanele ku dlayiwa. Hi ndlela leyi, mi ta va mi susile vubihi etikweni ra Israele.

Yoxuwa 1:17

Hi ta ku yingisa etimhakeni hinkwato ku fana na leswi Muxe hi n'wi yingisiseke swona; ho navela ntsena leswaku HOSI Xikwembu xa wena xi va na wena ku fana ni leswi a xi ri na Muxe!

Yoxuwa 2:1

Loko va ri eXitimi, Yoxuwa n'wana Nuni a rhuma vavanuna vambirhi leswaku va nyengeleta va ya valanga tiko ra Kanana, a ku ka vona: “Fambani mi ya xiyaxiya tiko, kambe mi xiya ngopfu muti wa Yeriko.” Kutani vavanuna lava va suka va famba, va ya fika endyangwini wa wansati wa nghwavava loyi a va ku i Rahava kutani va xwa kona.