Yoxuwa 1:14 - BIBELE Mahungu Lamanene

¹⁴ Vasati va n'wina, ni swihlangi swa n'wina, ni swifuwo swa n'wina swi ta sala haleno ntsungeni wa Yordani, etikweni leri Muxe a mi nyikeke rona; kambe masocha ya n'wina hinkwawo ma fanele ku hloma matlhari, ma famba ni vamakwavo ma ya va pfuna

Xitsonga (Bibele)

¹⁴ vasati va n'wina, ni swihlangi swa n'wina, ni swifuwo swa n'wina swi ta sala etikweni leri Muxe a mi nyikeke rona ehase ka Yordani; kambe n'wina mi ta famba mi hlomile emahlweni ka vamakwenu, mi ri hinkwenu vavanuna va matimba, ni tinhenha, mi ta va pfuna,

Yoxuwa 1:14 Referans Kwoze

Nhlavutelo 17:4

Wansati loyi a a ambele tinguvu to vangama ta xivunguvungu ni leto tshwuka, a tikhavisile hi nsuku, ni maribye ya nkoka, ni vuhlalu bya nxavo lowukulu; evokweni ra yena a a tamele xinwelo xa nsuku lexi taleke hi swilo swa manyala ni thyaka ra vuoswi bya yena.

Duteronoma 20:8

Tindhuna ti ta ya emahlweni ti vulavula na vona ti ku: ‘Loko ku ri ni loyi a chavaka, loyi a tshukeke, a a tlhelele ekaya, hikuva swi nga endla leswaku lavan'wana na vona va hela matimba.’

Eksoda 13:18

Kambe Xikwembu xi va rhendzelekisile hi ndlela ya mananga, leyi kongomaka Lwandle-ro-Tshwuka, va hlomile matlhari.

Tinhlayo 32:26

Swihlangi swa hina, ni vasati va hina, ni swifuwo swa hina hinkwaswo leswikulu ni leswitsongo, swi ta sala kwala mitini ya Giliyadi.

Duteronoma 3:19

Kambe vasati va n'wina ni vana va ta sala emitini leyi ndzi mi nyikeke yona; hambi swi ri swifuwo swa n'wina swi ta sala; ndza swi tiva leswaku mi ni swifuwo leswo tala.

Yoxuwa 1:13

“Tsundzukani marito lawa Muxe nandza wa HOSI Xikwembu a mi byeleke wona, loko a te: ‘HOSI Xikwembu xa n'wina xi ta mi nyika tiko leri ri va ndhawu leyi mi nga ta wisa eka yona.’

Yoxuwa 1:15

ku kondza HOSI Xikwembu xi wisisa vamakwenu ku fana na n'wina; kutani na vona va ta teka tiko leri HOSI Xikwembu xa n'wina xi va nyikaka rona; hi kona n'wina mi nga ta tlhelela etikweni leri mi nyikiweke rona, kutani tiko leri Muxe nandza wa HOSI Xikwembu a mi nyikeke rona hi tlhelo ra le vuxeni bya nambu wa Yordani ri ta va ndzhaka ya n'wina.”

Duteronoma 33:21

Va tihlawulerile ndhawu leyo saseka etikweni, yi nga ndhawu leyi a yi hlayiseriwe mufambisi wa mavuthu, loko varhangeri va Vaisraele va hlengeletanile; va ka Gadi va endlile leswi HOSI Xikwembu xi swi nkhensaka, va hlayisa ni swiletelo leswi xi swi nyikeke Vaisraele.”

Yoxuwa 4:12

Va ka Rhuveni ni va ka Gadi ni hafu ya nyimba ya va ka Manase va perile nambu va hlomile matlhari, va rhangile emahlweni hilaha Muxe a a va lerisile hakona.