Yonasi 3:9 - BIBELE Mahungu Lamanene

⁹ A hi tivi, kumbexana Xikwembu xi nga hundzuluxa miehleketo ya xona, xi tlhela emakungwini ya xona, xi rheleta vukari bya xona, leswaku hi nga tshuki hi lova.”

Xitsonga (Bibele)

⁹ Ku tiva mani? Kumbe Xikwembu xi ta hundzuka, xi tlhela evukarini bya ku hlundzuka ka xona, hi nga ti lova.”

Yonasi 3:9 Referans Kwoze

2 SAMIELE 12:22

Davhida a hlamula a ku: “Loko n'wana a ha hanya, a ndzi titsona swakudya, ndzi rila, hikuva a ndzi ku: ‘Kumbexana, HOSI Xikwembu xi nga ndzi twela vusiwana, leswaku n'wana a hanya.’

Yonasi 1:6

Kutani mufambisi wa ngalava a ya eka Yonasi, a ku ka yena: “Swi lo yini? U etlelela yini? Pfuka u huwelela eka Xikwembu xa wena. Kumbexana Xikwembu lexi xi nga hi anakanya leswaku hi nga tshuki hi lova.”

Pisalema 106:45

Xi tsundzukile ntwanano wa xona na vona, xi va tsetselela hi mhaka ya rirhandzu ra xona lerikulu.

Amosi 5:15

Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.

Pisalema 85:3

U rheletile vukari bya wena hinkwabyo, u tshika ku hlundzuka ka wena lokukulu.

Pisalema 90:13

We HOSI, tana u ta hi pfuna, hina malandza ya wena; xana u ta yima kule na hina ku ya fika rini xana?

Yeremiya 26:13

Hikokwalaho, hundzukani mi lulamisa mahanyelo ya n'wina ni swiendlo swa n'wina, mi yingisa leswi HOSI Xikwembu xa n'wina xi mi byelaka swona, kutani xona xi ta tshika makungu ya xona ya ku mi ba, lawa xi mi tiviseke wona.

Daniele 4:27

Kutani we hosi, amukela switsundzuxo swa mina: Tshika swidyoho swa wena, u endla leswo lulama; herisa ni ku homboloka ka wena, u komba tintswalo eka lava xanisiwaka; kumbexana, u nga engeteleriwa malembe ya ku tsaka.”

1 SAMIELE 6:5

Kutani mi fanela ku vumba swifaniso swa matshumba ya kona, ni swifaniso swa makondlo ya kona lama hlaselaka tiko, kutani mi dzunisa Xikwembu xa Israele. Kumbexana xi ta tshika ku mi ba hi nkhavi wa xona, n'wina ni swikwembu swa n'wina ni tiko ra ka n'wina.

Yonasi 1:15

Hiloko va tlakula Yonasi, va n'wi hoxa elwandle, kutani lwandle ri miyela, ri nga ha karihi.

Yonasi 4:2

kutani a khongela HOSI Xikwembu a ku: “HOSI, xana a ndzi vulanga loko ndza ha ri ekaya xana? Ndzi ringete ku swi sivela, loko ndzi balekela eTarxixi, hikuva a ndzi swi tiva leswaku u Xikwembu lexi tsetselelaka vanhu ni ku va twela vusiwana, lexi hlwelaka ku kariha, lexi teleke tintswalo, lexi tlhelaka emakungwini ya xona yo twisa vanhu ku vava.

Sofoniya 2:3

Lavani HOSI Xikwembu, n'wina hinkwenu lava titsongahataka, n'wina mi endlaka ku rhandza ka xona; lavani leswo lulama, mi va ni xichavo, kumbe xana mi ta pona esikwini ra ku kariha ka HOSI.