Yonasi 2:9 - BIBELE Mahungu Lamanene

⁹ Kambe loko a ri mina, ndzi ta endla leswi ndzi swi hlambanyeke: Ndzi ta ku humesela magandzelo, hi tinsimu to tlangela. Hakunene Xikwembu xa ponisa!”

Xitsonga (Bibele)

⁹ Lava tinyiketaka eka leswa hava, va titsonela tintswalo.

Yonasi 2:9 Referans Kwoze

Pisalema 3:8

Ku ponisa ku huma eka wena HOSI, minkateko ya wena a yi ve ehenhla ka vanhu va wena!

Pisalema 50:14

Ndzi humeseleni magandzelo ya ku nkhensa, hi hetisisa leswi mi tiboheke ku ndzi endlela swona, mina la nge henhla-henhla.

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Pisalema 50:23

Ku humesa minkhenso i gandzelo leri ri ndzi tsakisaka; loyi a fambaka etindleleni letinene, ndzi ta n'wi ponisa mina Xikwembu.”

Hosiya 14:2

Fambani mi ri ni lexi mi nga ta xi vula, mi tlhelela eka HOSI Xikwembu; mi fika mi ku ka xona: “Hi rivalele milandzu ya hina hinkwayo; lexinene lexi hi nga ku humeselaka xona, i marito lama humaka emilon'wini ya hina; ma amukele!

Pisalema 68:20

Xikwembu xa hina i Xikwembu lexi ponisaka; HOSI N'wini wa hinkwaswo hi yena la hi humesaka ematimbeni ya rifu.

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

Esaya 45:17

Kambe HOSI Xikwembu xi ta ponisa Vaisraele hilaha ku nga heriki, va nga ka va nga khomiwi hi tingana, kumbe ku hlanganisiwa tinhloko ni siku ni rin'we.

Nhlavutelo 7:10

A va huwelela hi rito leri tlakukeke va ku: “Ku ponisiwa ku huma eka Xikwembu xa hina lexi tshameke exiluvelweni, ni le ka Xinyimpfana!”

Yohane 4:22

N'wina mi gandzela lexi mi nga xi tiviki; hina hi gandzela lexi hi xi tivaka; hikuva ku ponisiwa ku huma eka Vayuda.

Yeremiya 33:11

Hambiswiritano etindhawini teto, ku ta tlhela ku twakala minkulungwana, ni huwa ya ntsako, ni mpfumawulo wa minkhuvo ya vukati, ni tinsimu ta lava tisaka minkhenso ya vona eTempeleni, va ri karhi va yimbelela va ku: “ ‘Dzunisani HOSI ya matimba hinkwawo, hikuva yi ni vunene, rirhandzu ra yona hi leri nga heriki!’ “Hakunene ndzi ta pfuxa xivandla lexi, kutani xi ta kateka ku fana ni khale.

Ntirho 22:27

U ta xi khongela, kutani xi ta ku twa; u ta xi humesela leswi u tiboheke ku xi nyika swona.

Genesa 35:3

kutani hi ta suka hi famba hi ya eBetele leswaku ndzi ya aka alitari kona, ndzi akela Xikwembu lexi xi ndzi hlamuleke loko ndzi ri eku xanisekeni, xi tlhela xi va na mina hinkwako lomu ndzi yeke kona.”

Timhaka 4:12

“Kutani ku ponisiwa a ku kumeki eka munhu un'wana, hikuva vanhu a va nyikiwanga vito rin'wana laha misaveni, ehandle ka vito ra Yesu, leri hi fanelaka ku ponisiwa ha rona.”

Pisalema 107:22

A va xi tlangele hi ku humesa magandzelo, va twarisa swiendlo swa xona hi minkulungwana.

2 SAMIELE 15:7

Loko ku hundzile mune wa malembe, Abixalomu a kombela eka hosi Davhida a ku: “Ndzi pfumelele ku ya eHebroni, ndzi ya hetisa leswi ndzi hlambanyeleke HOSI Xikwembu leswaku ndzi ta swi endla:

Duteronoma 23:18

Naswona mali leyi kumiwaka hi ndlela leyi, mi nga tshuki mi yi yisa endlwini ya HOSI Xikwembu xa n'wina, naswona mi nga hetisi ku hlambanya ka n'wina ha yona, hikuva vunghwavava bya le swivandleni swa vukhongeri bya hava i manyala eka HOSI Xikwembu.

Pisalema 27:1

Rivoni ra mina ni muponisi wa mina i HOSI Xikwembu, xana i mani la nga ndzi chavisaka xana? HOSI Xikwembu i khokholo ra vutomi bya mina, xana i mani loyi ndzi nga n'wi chavaka xana?

Pisalema 95:2

A hi yeni emahlweni ka xona hi ri ni minkhenso, hi xi twarisa hi tinsimu,

1 SAMIELE 12:21

Ndzi ri, mi nga xi fularheli hi ku landza swikwembu swa hava leswi nga ta ka swi nga mi pfuni nchumu, hambi ku ri ku mi ponisa, hikuva i swa hava hakunene.