Yonasi 2:7 - BIBELE Mahungu Lamanene

⁷ Loko ndzi ri kusuhi ni ku nyiketa moya wa mina, ndzi ku anakanyile; xikhongelo xa mina xi fikile eka wena, eTempeleni ya wena leyo hlawuleka.

Xitsonga (Bibele)

⁷ A ndzi xikile ku ya fika etimitswini ta tintshava; misava yi ndzi pfalerile makumu hi mipfungura ya yona kambe wena Yehovha, Xikwembu xa mina u ta tsavula vutomi bya mina esirheni!

Yonasi 2:7 Referans Kwoze

Pisalema 18:6

Emaxangwini ya mina, ndzi vitanile HOSI, ndzi huwelela eka Xikwembu xanga; kutani xi twile rito ra mina xi ri eTempeleni ya xona; loko ndzi rila eka xona, xi ndzi twile.

2 TIKRONIKA 30:27

Esikwini ro hetelela ra nkhuvo, vaprista va ka Levhi va kombelela nhlengeletano eminkateko ya HOSI Xikwembu, kutani xona xi amukela ku khongela ka vona, xi ri evutshan'wini bya xona lebyo hlawuleka bya le tilweni.

Pisalema 143:5

Ndzi anakanya minkarhi ya khale we HOSI, hinkwaswo leswi u swi endleke ndza swi tsundzuka, a ndzi rivali mintirho ya wena ya matimba.

Pisalema 11:4

HOSI yi le ndlwini ya yona leyo hlawuleka, xitshamu xa yona xa vuhosi xi le matilweni. Mahlo ya yona ma languta vanhu, hi ku copeta ka tihlo, yi va kambela.

1 SAMIELE 30:6

Davhida a a ri ekhombyeni lerikulu; vanhu a va vulavula hi ku n'wi khandla hi maribye, hikuva a va khunguvanyekile swinene hikwalaho ka ku khomiwa ka vana va vona va majaha ni vanhwana. Hambiswiritano, Davhida a tiyisela, a tshemba HOSI Xikwembu xa yena.

Pisalema 27:13

Ndzi tshemba swinene leswaku ndzi ta vona vunene bya HOSI, ndza ha hanya!

Pisalema 20:7

Van'wana va titshembela makalichi, van'wana tihanci, kambe hina hi titshembela vito ra HOSI Xikwembu xa hina.

Pisalema 65:4

Ku katekile munhu loyi u n'wi hlawuleke ku tshama exivaveni xa muti wa wena, loyi u n'wi tshinetaka kusuhi na wena. Na hina hi tsakisiwa hi leswo saseka endlwini ya wena, swi nga leswo hlawuleka swa Tempele ya wena.

Vaheveru 12:3

Anakanyani yena loyi a nga tiyisela hi ndlela leyo tano, loko vadyohi va lwa na yena, leswaku mi nga karhali kumbe ku hela mbilu.

Habakuku 2:20

Kambe HOSI yi le ndlwini ya yona leyo hlawuleka; misava hinkwayo a yi miyele hi xichavo emahlweni ka yona, yi ku whíí!

Mikiya 1:2

N'wina hinkwenu vanhu va matiko, yingisani, we misava ni hinkwaswo leswi nga ka wena, rhiya ndleve. HOSI N'wini wa hinkwaswo ú ta ta a huma eTempeleni ya yena leyo hlawuleka, a tela ku ta avanyisa vanhu exikarhi ka n'wina.

Yonasi 2:4

Kutani a ndzi ku, ndzi hlongoleriwe kule ni mahlo ya wena. Hambiswiritano, Tempele ya wena leyo hlawuleka, ndzi ta tlhela ndzi yi vona.

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Pisalema 43:5

We moya wanga, u tlhavekela yini ke? U vavisekela yini endzeni ka mina xana? Tshemba Xikwembu! Hakunene, ndza ha ta xi dzunisa, xona Xikwembu xanga, muponisi wanga wa xiviri.

Pisalema 42:11

We moya wanga, ú tlhavekela yini xana? U vavisekela yini endzeni ka mina ke? Tshemba Xikwembu! Mina ndza ha ta xi dzunisa, xona Xikwembu xanga, muponisi wanga wa xiviri.

Pisalema 42:5

We moya wanga, u tlhavekela yini xana? U vavisekela yini endzeni ka mina ke? Tshemba Xikwembu! Mina ndza ha ta xi dzunisa, xona Xikwembu xanga, muponisi wanga wa xiviri.

Pisalema 22:14

Matimba ya mina ma hela kukota mati lama halatiweke, marhambu ya mina hinkwawo ma gudla-gudla, ni mbilu ya mina yi fana ni mafurha lama n'okisiwaka endzilweni.

Pisalema 142:3

Loko ndzi hela matimba, we Xikwembu u tiva leswi swi ndzi humelelaka. Lomu ndzi yaka kona, va ringeta ku ndzi phasa hi ntlhamu.

Esaya 38:17

Ku xaniseka loku ndzi veke na kona ku ndzi pfunile swinene; hi wena u endleke leswaku vutomi bya mina byi nga ngheni ekheleni lera tihanyi; u ndzi rivalerile ni swidyoho swa mina hinkwaswo.