Yonasi 2:2 - BIBELE Mahungu Lamanene

² “Ekhombyeni ra mina, ndzi ku vitanile we HOSI, kutani u ndzi hlamurile; ndzi komberile ku pfuniwa ndzi ri exivandleni xa vafi, kutani wena u yingisile ku rila ka mina.

Xitsonga (Bibele)

² kutani Yonasi a tshama ekhwirini ra nhlampfi masiku manharhu ni vusiku byinharhu. Kutani Yonasi a khongela Yehovha, Xikwembu xa yena, a ri ekhwirini ra nhlampfi,

Yonasi 2:2 Referans Kwoze

Pisalema 120:1

Loko ndzi ri emaxangwini, ndzi huwelele eka HOSI kutani yi ndzi hlamurile.

Pisalema 34:6

Munhu un'wana loyi a a ri ekhombyeni, ú huwelerile eka HOSI Xikwembu, kutani xi n'wi twa, xi n'wi ponisa emaxangwini ya yena hinkwawo.

Pisalema 86:13

hikuva u ndzi kombile rirhandzu lerikulu, u ndzi kutsurile u ndzi humesa exivandleni xa vafi.

Vaheveru 5:7

Emasikwini ya yena ya ku hanya la misaveni, Yesu ú khongerile ni ku kombela hi ku titsongahata, a huwelela hi matimba ni ku rila hi mihloti, eka Xikwembu lexi a xi ri ni matimba ya ku n'wi ponisa eku feni, kutani ú yingisiwile hikwalaho ka xichavo xa yena.

1 SAMIELE 30:6

Davhida a a ri ekhombyeni lerikulu; vanhu a va vulavula hi ku n'wi khandla hi maribye, hikuva a va khunguvanyekile swinene hikwalaho ka ku khomiwa ka vana va vona va majaha ni vanhwana. Hambiswiritano, Davhida a tiyisela, a tshemba HOSI Xikwembu xa yena.

Matewu 12:40

Hikuva hilaha Yonasi a heteke hakona masiku manharhu ni vusiku bya kona ekhwirini ra nhlampfi leyikulu, N'wana-wa-Munhu na yena ú ta heta masiku manharhu ni vusiku bya kona emarhumbyini ya misava.

Pisalema 116:3

Mapindzi ya rifu a ma ndzi tsondzerile. A ndzi vona sirha ri ahlamile, ndzi khomiwa hi gome ni nhlomulo.

Pisalema 22:24

hikuva a xi solanga loyi a nga nhlomulweni, kumbe ku n'wi honisa; a xi n'wi fularhelanga, kambe xi n'wi yingisile loko a huwelela eka xona.”

Pisalema 4:1

We Xikwembu, mulweri wa tifanelo ta mina, ndzi hlamule loko ndzi huwelela. U ndzi nyikile ko tumbeta nhloko, loko ndzi ri emaxangwini; sweswi ndzi twele vusiwana, u yingisa ku khongela ka mina.

Luka 22:44

Kakuloko a ri emaxangwini lamakulu, a khongela hi matimba ngopfu, nyuku wa yena wu ko wu xiririka, wu fana ni mathonsi ya ngati lama tshonelaka emisaveni.]

Esaya 14:9

“Xivandla xa vafi xi tiyimisele ku ku amukela, xi ta pfuxa hinkwavo lava nga ka xona; varhangeri hinkwavo va misava, ti nga tona tihosi hinkwato, va ta tlakuka eswiluvelweni swa vona, va ku xeweta;

Pisalema 65:2

U Xikwembu lexi yingisaka swikhongelo, hikokwalaho vanhu hinkwavo va ta eka wena.

Pisalema 61:2

Ndza ku vitana ndzi ri emakun'wini ya misava, hikuva mbilu ya mina yi herile ntamu. Ndzi fikise ekhokholweni leri ndzi nga ta hlayiseka eka rona,

Pisalema 16:10

We HOSI, a wu nga ndzi nyiketi exivandleni xa vafi, a wu nga ndzi yisi enon'weni wa sirha, mina ndzi ku khongelaka.

Timhaka 2:27

We Hosi, u nge ndzi rivali exivandleni xa vafi, u nge tshiki Muhlawuriwa wa wena a hela hi ku bola.

1 SAMIELE 1:16

U nga ndzi fanisi ni xiphukuphuku xa wansati, mina nandza wa wena, hikuva nkarhi lowu hinkwawo, ndzi le ku phofuleni ka leswi swi ndzi tikelaka ni leswi swi ndzi vavisaka mbilu.”

Swirilo 3:55

“We HOSI, ndzi huwelerile eka wena ndzi ri ehansi ekheleni.

Ezekiele 26:20

ndzi ta ku rhelerisa exivandleni xa vafi, u ya hlangana ni lava feke khale; ndzi ta ku tshika etindhawini leti nga hansi ka misava, emarhumbini ya khale, u hlangana kona ni lava feke; hikokwalaho a ku nga ha tshami munhu eka wena, a ndzi nga ha ku nyiki vutshamo exikarhi ka lava hanyaka.

Ezekiele 31:14

Swi vile tano leswaku murhi wun'wana ni wun'wana lowu milaka kusuhi ni nambu wu nga tshuki wu kula, wu leha wu ya dliva ni tilo; mirhi leyo tano hinkwayo yi fanele ku tsemiwa, yi cukumetiwa exivandleni xa vafi yi ya hlangana ni vanhu lava feke khale.

2 TIKRONIKA 33:12

Loko a ri emaxangwini, Manase a huwelela eka HOSI Xikwembu xa yena ni xa vatata wa yena, a titsongahata emahlweni ka xona,

Luka 11:10

hikuva un'wana ni un'wana la kombelaka, wa nyikiwa; la lavaka, wa swi kuma; ku ta pfuleriwa la gongondzaka.