Biblia Todo Logo
Bib sou entènèt

- Piblisite -




Yonasi 1:9 - BIBELE Mahungu Lamanene

9 “Mina ndzi Muheveru”, ku hlamula Yonasi. “HOSI Xikwembu xa matilo hi xona lexi ndzi xi chavaka, xona lexi vumbeke lwandle ni misava.”

Gade chapit la Kopi

Xitsonga (Bibele)

9 Yena a ku eka vona: “Ndzi Muheveru, ndzi chava Yehovha, Xikwembu xa matilo, la endleke lwandle ni misava.”

Gade chapit la Kopi




Yonasi 1:9
29 Referans Kwoze  

Kutani Vaisraele va khongela va ku: “Wena HOSI, u Xikwembu u ri wexe! Hi wena u endleke matilo hinkwawo ni hinkwaswo leswi swi nga ka wona; u endlile ni misava ni leswi nga ka yona hinkwaswo, u endla ni malwandle ni hinkwaswo leswi nga ka wona. Swilo leswi hinkwaswo swi hlayisiwa hi wena; ni swivumbiwa swa le tilweni swi gandzela wena!


Tlangelani Xikwembu xa matilo! — Rirhandzu ra xona hi leri nga heriki —


Kuteloko ndzi twa marito lawa, ndzi tshama hansi ndzi rila. Ndzi hetile masiku yo tala ndza ha rila, ndzi titsona ni swakudya, ndzi khongela Xikwembu xa matilo,


“Mina Korexe hosi ya Vaperesi, ndzi vurisa sweswo ndzi ri: HOSI, Xikwembu xa le matilweni, xi ndzi vekile ku va hosi ya matiko hinkwawo laha misaveni, kutani xi ndzi lerisile ku xi akela yindlu le Yerusalema, etikweni ra Yuda.


Kutani un'wana wa vaprista va le Samariya, loyi na yena a a yisiwile evukhumbini le Asiriya a vuya a ta tshama eBetele, kutani a dyondzisa vanhu hilaha va fanelaka ku khongela HOSI Xikwembu hakona.


Loko va sungula ku tshama, a va gandzelanga HOSI Xikwembu. Hikokwalaho, HOSI Xikwembu xi va rhumela tinghala, leti ti dlayeke van'wana va vona.


Munhu un'wana loyi a poneke enyimpini, ú yile a ya byela Abrama lowa Muheveru leswi humeleleke. Abrama a a tshama eminkuhlwini ya ka Mamre lowa Muamori, makwavo wa Exikolo na Anere, lava a va yima na Abrama.


va rhuketela Xikwembu xa le matilweni, hi mhaka ya ku twa ku vava ni ku xanisiwa hi swilondza, kambe a va hundzukanga emintirhweni ya vona.


I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”


Hi nkarhi wolowo ku va ni ku tsekatseka lokukulu ka misava, kutani xiphemu xin'we xa khume xa muti xi hindzimuka, ku fa vanhu va 7 000 va dlawa hi ku tsekatseka loku. Lava saleke va khomiwa hi ku chava lokukulu, kutani va dzunisa Xikwembu xa le tilweni.


Ndzi yimbisiwile ndza ha ri n'wana wa masiku ya 8 ntsena; ndzi wa rixaka ra Israele, wa nyimba ya Benjamini; ndzi Muheveru n'wana wa Vaheveru; hi tlhelo ra ku hlayisa Nawu, a ndzi ri Mufarisi;


Ntsumi ya Xikwembu lexi ndzi nga nandza wa xona, lexi ndzi xi gandzelaka, yi tikombisile ka mina evusikwini lebyi,


va ku: “Vavanuna, hikwalaho ka yini mi endla sweswo xana? Kasi na hina hi vanhu lava va fanaka na n'wina hi ntumbuluko; mahungu lamanene lawa hi mi tiselaka wona hileswaku mi tshika mintirho leyi ya swa hava, mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga ka swona;


Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.


“Eminkarhini ya tihosi leti, Xikwembu xa le matilweni xi ta simeka mfumo lowu wu nga ta ka wu nga wisi hi munhu, naswona vuhosi bya wona a byi nga nyikiwi vanhu van'wana. Mfumo lowu wu ta wisetela mimfumo leyin'wana hinkwayo, wu yi herisela makumu; kutani wona wu ta va kona hilaha ku nga heriki.


Sathana a hlamula HOSI Xikwembu a ku: “Yobo a nga ku tirheli ntsena-ntsena, wena Xikwembu,


Kutani hosi yi ku: “Xana u lava leswaku ndzi ku endlela yini xana?” Hiloko ndzi khongela Xikwembu xa matilo.


Kutani vona va hi hlamurile va ku: ‘Hina hi malandza ya Xikwembu xa matilo ni misava, kutani hi aka hi vuntshwa yindlu leyi a yi akiwile khale hi hosi leyikulu ya Israele. Yindlu ya kona a yi herile ku akiwa,


o vitana malandza ya laha mutini wa yena, a ku ka wona: “Vonani, Potifaro u hi tisele Muheveru a ta hi rhuketela. Muheveru loyi ú tile eka mina a lava ku etlela na mina, kambe mina ndzi kalakarile ndzi ba huwa;


Kutani hosi ya Egipta yi lerisa tisungukati timbirhi ta Vaheveru, Xifira na Puwa, yi ku ka tona:


Hi siku leri tlhandlamaka, a tlhela a endzela varikwavo, kutani a kuma Vaheveru vambirhi va ri karhi va lwa; kutani a vutisa loyi a a ri ni xihoxo, a ku: “U bela yini warikwenu xana?”


Xikwembu xi thya ndhawu leyi omeke xi ku i “Misava”, mati lama hlengeletaneke xi ku i “Lwandle”. Kutani Xikwembu xi vona leswaku swilo leswi swi sasekile.


HOSI Xikwembu xa matilo, xona lexi xi ndzi tekeke emutini wa tatana ni ku ndzi humesa etikweni ra rikwerhu, xi ndzi tshembisile hi ku hlambanya leswaku tiko leri xi ta ri nyika vatukulu va mina. Hikokwalaho xi ta rhumela ntsumi emahlweni ka wena, kutani wena u ta ya tekela n'wananga ensati etikweni leriya.


Swiv nou:

Piblisite


Piblisite