Yonasi 1:4 - BIBELE Mahungu Lamanene

⁴ Kambe HOSI Xikwembu xi hungisa mheho leyikulu elwandle, ku pfuka xidzedze lexikulu, ngalava yi kondza yi lava ku tshoveka.

Xitsonga (Bibele)

⁴ Kambe Yehovha a pfuxa mheho leyikulu elwandle, kutani ku pfuka xihuhuri lexikulu elwandle, byatso byi ko byi lava ku handzuka.

Yonasi 1:4 Referans Kwoze

Amosi 4:13

Tivani leswi: Loyi a vumbeke tintshava, a tumbuluxeke ni mheho, loyi a tivisaka makungu ya yena eka vanhu, loyi a hundzulaka nhlekanhi wu va vusiku, loyi a famba-fambaka eswivandleni leswi tlakukeke swa misava, vito ra yena i HOSI, Xikwembu xa matimba hinkwawo.

Pisalema 135:7

Hi xona xi tisaka mapapa ma huma evugimamusi, xi dzindzisa tilo, mpfula yi na, xi hungisa bubutsa ri huma evuhlayiselweni bya xona.

Eksoda 10:19

Hiloko HOSI Xikwembu xi tlherisa moya, xi wu hungisa wu huma evupeladyambu, wu vunga tinjiya wu ya ti chela eka Lwandle-ro-Tshwuka; ematlhelweni hinkwawo ya tiko ra Egipta, a ku salanga ni njiya ni yin'we.

Tinhlayo 11:31

Kutani HOSI Xikwembu xi hungisa mheho, yi khayima switsatsatsa, swi ta hi tlhelo ra le lwandle, swi hahela eka mpfhuka wa 1 m ku sukela ehansi; switsatsatsa leswi swi fika swi phatsametela kusuhi ni mixaxa, swi funengeta mpfhuka wo ringana riendzo ra siku hinkwaro ematlhelweni hinkwawo ya mixaxa.

Eksoda 15:10

Kambe wena, u hungisile moya wa wena, kutani lwandle ri va khubumeta; va ndzondzomerile ku fana ni ntsopfu, exikarhi ka maboboma lama chavisaka.

Eksoda 14:21

Muxe a tlakusela voko ra yena ehenhla ka lwandle; kutani HOSI Xikwembu xi tlhengusa mati ya lwandle hi ku hungisa moya lowukulu vusiku hinkwabyo, wu huma evuxeni; mati ma avana hi le xikarhi, ehansi ku sala ku omile,

Eksoda 10:13

Hiloko Muxe a tlakusela nhonga ya yena ehenhla ka tiko ra Egipta; kutani HOSI Xikwembu xi hungisa moya wo huma evuxeni; wu hunga siku ra kona hinkwaro ni vusiku hinkwabyo. Loko ri xa, moya lowu a wu nghenisile tinjiya.

Pisalema 135:6

HOSI Xikwembu xi tiendlela hinkwaswo hi ku rhandza ematilweni ni laha misaveni, emalwandle ni le swidziveni hinkwaswo.

Yeremiya 51:16

Loko muvumbi a vulavula, mati ya le henhla ma hakasiwa, mapapa ma tlakuka ma huma evugimamusi; loko a hatimisa rihati, mpfula ya na, moya wu huma laha yena a wu hlayiseke kona.

Pisalema 148:8

wena ndzilo na wena xihangu, wena gamboko na wena gwitsi, hambi a ri wena xidzedze, wena u endlaka ku rhandza ka xona.