Yonasi 1:3 - BIBELE Mahungu Lamanene

³ Kambe Yonasi a suka a balekela eTarxixi, leswaku a va kule ni HOSI. Hiloko a rhelela a ya eYopa, a kuma kona ngalava leyi a yi ya eTarxixi. A humesa mali ya riendzo, a khandziya ku ya na vona eTarxixi, a balekisa sweswo kule ni HOSI Xikwembu.

Xitsonga (Bibele)

³ Kambe Yonasi a suka, a balekela eTarxixi, kule ni mombo wa Yehovha; kutani a ngirimela eYopa, a kuma kona byatso lebyi yaka eTarxixi, a humesa mali ya riendzo, kutani a nghena ebyatsweni leswaku a ta va eTarxixi kun'we ni vini va byona, kule ni mombo wa Yehovha.

Yonasi 1:3 Referans Kwoze

Yoxuwa 19:46

na Me-Yarikona, na Rakoni, ni ndhawu leyi langutaneke ni muti wa Yopa.

Genesa 4:16

Hiloko Kayini a suka emahlweni ka HOSI Xikwembu, a ya tshama etikweni ra Nodo, evuxeni bya Edeni.

Timhaka 9:36

Emutini wa Yopa, a ku ri ni mudyondzisiwa wa xisati, loyi a va ku i Tabita (hi Xigriki: Dorkasi, hileswaku N'wa-Mhunti); a a tala ku tirha mintirho leyinene, a tala ni ku hanana.

Timhaka 9:43

Petro a xwa eYopa masiku layo tala, ekaya ka wanuna loyi a va ku i Simoni, mutlhuvutsi wa madzovo.

Yonasi 4:2

kutani a khongela HOSI Xikwembu a ku: “HOSI, xana a ndzi vulanga loko ndza ha ri ekaya xana? Ndzi ringete ku swi sivela, loko ndzi balekela eTarxixi, hikuva a ndzi swi tiva leswaku u Xikwembu lexi tsetselelaka vanhu ni ku va twela vusiwana, lexi hlwelaka ku kariha, lexi teleke tintswalo, lexi tlhelaka emakungwini ya xona yo twisa vanhu ku vava.

Esaya 23:6

Banani nkalanga, n'wina vaaki va le ribuweni ra lwandle, balekelani eTarxixi.

Esaya 23:1

Lawa i mahungu hi tlhelo ra Tiri: Tlhavani mukhosi, n'we mi nga tingalaveni ta Tarxixi, hikuva le Tiri, ku lo sala marhumbi ntsena, a ka ha ri na yindlu; loko mi fika mi huma exihlaleni xa Kipra, mi ta swi kuma swi ri tano.

1 TIHOSI 19:3

Loko a vona leswi, Eliya a suka a baleka ku ponisa vutomi bya yena. A fika eBerexeba, wu nga muti wa tiko ra Yuda, a siya nandza wa yena kona.

2 Vatesalonika 1:9

Vanhu lava va ta avanyisiwa hi ku yisiwa eku onhakeni loku nga heriki, ni ku vona nghohe ya Hosi a va nga yi voni, hambi ma ri matimba ya yona layo kwetsima a va nga ma voni.

1 Vakorinto 9:16

Loko ndzi twarisa Mahungu Lamanene, a hi leswi ndzi nga tidzunisaka ha swona, hikuva swa ndzi boha ku ma twarisa; ndzi ta va ni khombo loko ndzi nga twarisi Mahungu Lamanene!

Timhaka 26:19

“Hikokwalaho, wena hosi Agripa, a ndzi alanga ku yingisa mahlori lawa yo huma etilweni.

Ezekiele 27:12

“Va le Tarxixi a va endla mabindzu na wena, va kuma nhundzu eka wena ya swilo swo saseka swa tinxaka-xaka, va swi hakela hi silivhere na nsimbhi na thini na ntsopfu.

Esaya 23:10

N'wina vaaki va le Tarxixi, rimani masimu ku fana ni lava nga ribuweni ra Nilo, hikuva eTiri a ka ha ri na hlaluko.

Ntirho 1:12

HOSI Xikwembu xi ku ka Sathana: “Hinkwaswo leswi Yobo a nga na swona, ndzi ku nyiketa swona, kambe yena u nga tshuki u n'wi khumba.” Kutani Sathana a suka emahlweni ka HOSI Xikwembu.

2 TIKRONIKA 2:16

hi ta ku tsemela timhandze leti u ti lavaka ta laha Lebanoni. Hi ta ti boha, hi ku tisela tona hi ndlela ya lwandle, ti papama ematini ku fikela eYopa, kutani wena u ta ya ti teka kona, u muka na tona eYerusalema.”

Timhaka 15:38

Kambe Pawulo a vona leswaku swi ta va swi hoxekile loko va famba na munhu loyi, hikuva a a hambene na vona ePamfiliya, a nga yanga na vona entirhweni.

Luka 9:62

Hiloko Yesu a ku ka yena: “Munhu loyi a vekaka voko ra yena exikon'wini, kutani a hundzuluka a languta ndzhaku, a nga lulameriwanga hi Mfumo wa Xikwembu.”

Ezekiele 3:14

Loko Moya wu ndzi tlakurile wu famba na mina, ndzi khomiwa hi gome ni ku vaviseka lokukulu, hikuva HOSI Xikwembu a xi ndzi khomile hi ntamu wa xona.

Esaya 60:9

I ta vanhu va matiko ya le kule lava va tshembaka HOSI Xikwembu; ti rhangeriwile hi tingalava to huma eTarxixi, ti vuyisa vana va wena etindhawini ta le kule, ti rhwele silivhere ni nsuku, leswaku vito ra HOSI Xikwembu xa wena ri dzunisiwa, yena Muhlawuleki wa Israele loyi a ku nyikeke ku dzuneka.

Esaya 2:16

yi mbombomerisa tingalava hinkwato letikulu, ni mabyatso hinkwawo layo saseka.

Ntirho 2:7

Hiloko Sathana a suka emahlweni ka HOSI Xikwembu, kutani a ya ba Yobo hi vuvabyi byo chavisa bya nhlonge, byi n'wi khoma miri hinkwawo.

1 TIHOSI 19:9

Loko a fikile eHorebe, a nghena ebakweni, a etlela kona, kutani hi nomu lo, rito ra HOSI Xikwembu ri ta eka yena, ri n'wi vutisa ri ku: “Xana u endla yini kwala, we Eliya?”

Genesa 3:8

Hi nkarhi wa madyambu, wanuna ni nsati wa yena va twa HOSI Xikwembu xi ri karhi xi famba-famba entangeni. Kutani va tumbela exikarhi ka mirhi entangeni, va chava ku voniwa hi HOSI Xikwembu.

Timhaka 9:38

Muti wa Yopa a wu ri kusuhi na Lida; hikokwalaho, loko vadyondzisiwa va twa leswaku Petro ú le Lida, va n'wi rhumela vavanuna vambirhi, va ya n'wi khongela leswaku a ta eYopa, a nga hlweri.

Timhaka 9:42

Mhaka leyi yi tiviwa hi muti hinkwawo wa Yopa; kutani vanhu lavo tala va pfumela eka Hosi.

Ezra 3:7

Kutani va humesa mali va nyika vavatli va maribye ni va mapulangi; va rhumela va le Sidoni ni va le Tiri swakudya ni swakunwa ni mafurha, leswaku va ta va lavela timhandze ta kedari eLebanoni, va ta na tona emutini wa Yopa hi ndlela ya lwandle. Leswi va swi endlile hi ku pfumeleriwa hi Korexe hosi ya Vaperesi.

Pisalema 107:23

Van'wana a va tsemakanya malwandle hi tingalava, va bindzula hi ku tleketla nhundzu emalwandle.

Yeremiya 10:9

Swi namekiwe silivhere ya le Tarxixi, ni nsuku wa le Ufazi; swi lo vatliwa kunene, ni ku vumbiwa hi lava tivaka ku n'okisa nsuku; swiambalo swa swona i swa muhlovo wa rihlaza ra tilo ni wa xivunguvungu; hinkwaswo swi endliwile hi lava tivaka ntirho wa vona.

Yonasi 1:10

Hiloko vavanuna lava va chava ngopfu, kutani va ku ka yena: “U endle yini!” A va swi tiva leswaku Yonasi a balekela kule ni HOSI Xikwembu, hikuva a a va byerile.

2 TIKRONIKA 2:15

Kutani loko u hi rhumela koroni, ni maxalana, ni mafurha, ni vhinyo hilaha u hi tshembiseke hakona, hina malandza ya wena

2 TIKRONIKA 9:21

Mhaka hi leswaku tingalava letikulu ta hosi Solomoni a ti rhumeriwa ematikweni ya le kule, ti fambisiwa hi malandza ya Hiramu, kutani a ti tala ku vuya kan'we endzhaku ka malembe manharhu, ti rhwele nsuku, ni silivhere, ni matino ya tindlopfu, ni tihavu, ni tiphikoko.

Ezekiele 2:8

Kambe wena u nga ali ku ndzi yingisa, u nga tshuki u fana ni vatiarisi lava, kambe u amukela leswi ndzi lavaka ku ku byela swona. Pfula nomo wa wena, u dya leswi ndzi ku nyikaka swona!”