Yohane 9:5 - BIBELE Mahungu Lamanene

⁵ Loko ndza ha ri laha misaveni, ndzi ku vonakala ka misava.”

Testamente Leyimpsha Xichangana

⁵ Loko nahali kona laha misaveni, ni kuvonakala ka misava.

Xitsonga (Bibele)

⁵ Loko ndza ha ri la emisaveni, ndzi ku vonakala ka misava.”

Yohane 9:5 Referans Kwoze

Yohane 8:12

Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

Yohane 12:46

Mina ndzi ku vonakala, kutani ndzi tile emisaveni leswaku un'wana ni un'wana la pfumelaka eka mina, a nga tshami emunyameni.

Timhaka 13:47

Hikuva Hosi yi hi lerisile leswi, yi te: “ ‘Ndzi ku vekile ku va ku vonakala eka vamatiko, ni ku va ndlela ya ku ponisiwa ematlhelweni hinkwawo ya misava.’ ”

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Nhlavutelo 21:23

Muti a wu lavi dyambu kumbe n'weti ku wu voninga, hikuva wu voningiwa hi ku kwetsima ka Xikwembu, kutani Xinyimpfana i rivoni ra wona.

Matewu 4:16

Vanhu lava a va ri emunyameni, va vonile ku vonakala lokukulu; lava a va tshama etikweni ra rifu ni xinyami, va fikeriwe hi ku vonakala.”

Timhaka 26:23

Hileswaku Mesiya ú ta twisiwa ku vaviseka, ni leswaku, hi ku va munhu wo rhanga loyi a nga ta pfuka eku feni, ú ta tivisa ku vonakala eka tiko leri ni ka vamatiko.”

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Matewu 5:14

“N'wina mi ku vonakala ka misava; muti lowu akiweke entshaveni a wu tumbeli.