Yohane 9:39 - BIBELE Mahungu Lamanene

³⁹ Yesu a ku: “Ndzi tile emisaveni leyi ku ta avanyisa vanhu, leswaku lava nga voniki va kota ku vona, ni leswaku lava vonaka va hundzuka lavo-fe-mahlo.”

Testamente Leyimpsha Xichangana

³⁹ Yesu aku: “Nitile misaveni leyi kutayavanyisa vanhu, lesvaku lava vangavoniki vakota kuvona, ni lesvaku lava vavonaka vahundzuka lavo-fa-mahlo.”

Xitsonga (Bibele)

³⁹ Yesu a ku: “Ndzi tile emisaveni leyi, ku avanyisa, leswaku lava nga voniki va vona; ni leswaku lava vonaka, va hundzuka lavo fa mahlo.”

Yohane 9:39 Referans Kwoze

Yohane 3:19

Ku avanyisiwa ku ta hi mhaka leyi: Hileswaku ku vonakala ku tile emisaveni, kambe vanhu va rhandzile munyama ku tlula ku vonakala, hikuva mintirho ya vona a yi ri leyo biha.

Yohane 12:46

Mina ndzi ku vonakala, kutani ndzi tile emisaveni leswaku un'wana ni un'wana la pfumelaka eka mina, a nga tshami emunyameni.

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Yohane 8:12

Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

1 Yohane 2:11

Kambe loyi a vengaka makwavo, ú le munyameni, naswona ú famba emunyameni, a nga tivi lomu a yaka kona, hikuva munyama wu n'wi dlaye mahlo.

Luka 4:18

“Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,

Luka 1:79

ku ta voninga lava nga tshama emunyameni ni le ndzhutini wa rifu, ni ku hi fambisa etindleleni ta ku rhula.”

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

2 Vakorinto 2:16

eka lava lovaka i risema ra rifu; kambe eka lava ponisiwaka, i ku nun'hwela ka vutomi. Xana i mani loyi a faneriwaka hi ntirho hinkwawo lowu ke?

Yohane 9:25

Yena a ku: “Mina a ndzi swi tivi loko a ri mudyohi; ndzo tiva xilo xin'we ntsena, hileswaku a ndzi tsandzeka ku vona, kasi sweswi ndza vona.”

Yohane 8:15

N'wina, mi avanyisa hi mukhuva wa vanhu; mina a ndzi avanyisi munhu.

Yohane 3:17

Xikwembu a xi rhumanga N'wana wa xona emisaveni ku ta avanyisa misava, kambe a ku ri ku endlela leswaku misava yi ta ponisiwa ha yena.

Luka 13:30

Ina ke, van'wana lava va nga va le ndzhaku, va ta va va le mahlweni, ni van'wana va le mahlweni, va ta va va le ndzhaku.”

Luka 7:21

Hi nkarhi wolowo Yesu a hanyisa lavo tala lava xanisiwaka hi mavabyi, ni lava karhatekaka, ni lava nga ni mimoya leyo biha, a hanyisa ni lavo tala lava feke mahlo.

Luka 2:34

Kutani Simiyoni a va katekisa, a ku ka Mariya, mana wa n'wana: “Vona, n'wana loyi ú vekiwile leswaku lavo tala va khunguvanyeka, van'wana va pfuxiwa etikweni ra Israele. Ú ta va xikombiso lexi lavo tala va nga ta lwa na xona,

Matewu 11:5

Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

Matewu 6:23

Kambe loko tihlo ra wena ri nga lulamanga, miri hinkwawo wa wena wu ta va emunyameni. Kutani ke, loko ku vonakala loku nge ka wena ku ri munyama, munyama wa kona wu ta va lowukulu ngopfu!

Esaya 44:18

Vanhu vo tano a va tivi nchumu, hambi ku twisisa a va twisisi, hikuva va pfalekile mahlo ni miehleketo, kutani a va ha voni kumbe ku twisisa nchumu.

Esaya 6:9

Kutani a ku: “Famba u ya byela vanhu lava, u ku: “ ‘Ku twa mi ta twa, kambe a mi nga twisisi; ku vona mi ta vona, kambe a mi nga vonisisi!’ ”

2 Vatesalonika 2:10

ú ta tirhisa tindlela hinkwato leto biha ta vuxisi ehenhla ka lava yaka eku loveni, va nga lava nga amukelangiki ntiyiso hikuva a va nga wu rhandzi, va ala ni ku ponisiwa.

Esaya 29:10

HOSI Xikwembu xi mi huhuterile moya wa vurhongo lebyikulu; xi pfarile mahlo ya n'wina, va nga vaprofeta, xi khubumeta ni tinhloko ta n'wina, va nga vamavonakule.

Ezekiele 12:2

“Wena munhu, u tshama exikarhi ka vanhu lava tiarisaka; va ni mahlo ni tindleve, kambe a va voni nchumu, ni ku twa a va twi!

Matewu 15:14

Va tshikeni, hi lavo-fe-mahlo lava fambisaka lavo-fe-mahlo. Loko lowo-fe-mahlo a fambisa lowo-fe-mahlo, va ta wela ekheleni hi vumbirhi bya vona.”

Yohane 12:31

Misava leyi sweswi ya karhi ya avanyisiwa, kutani mufumi wa misava leyi ú ta hlongoriwa sweswi.