Yohane 9:31 - BIBELE Mahungu Lamanene

³¹ Ha swi tiva leswaku Xikwembu a xi yingisi vadyohi; kambe loko munhu a chava Xikwembu, a endla ku rhandza ka xona, Xikwembu xa n'wi yingisa.

Testamente Leyimpsha Xichangana

³¹ Hasvitiva lesvaku Xikwembu axiyingisi vajohi; kambe loko munhu achava Xikwembu, ayendla kurhandza ka xona, Xikwembu xa muyingisa.

Xitsonga (Bibele)

³¹ Ha swi tiva leswaku Xikwembu a xi yingisi vadyohi; kambe kungakuloko munhu a chava Xikwembu, a endla hi ku rhandza ka xona, xa n'wi yingisa.

Yohane 9:31 Referans Kwoze

Swivuriso 15:29

HOSI Xikwembu a xi tshineli kusuhi ni lavo homboloka, kambe swikhongelo swa lavo lulama, xa swi hlamula.

Esaya 1:15

Loko mi tshambuluta mavoko ya n'wina, ndzi tisiva mahlo ndzi languta etlhelo; a ndzi nga mi yingisi, hambi mo endla swikhongelo leswo tala, hikuva mavoko ya n'wina ma tele ngati.

Swivuriso 28:9

Loyi a pfalaka tindleve, a nga lavi ku twa nchumu hi nawu, HOSI Xikwembu na xona, a xi nga twi swikhongelo swa yena.

Mikiya 3:4

Nkarhi wa ta lowu mi nga ta huwelela eka HOSI Xikwembu, kambe a xi nga mi hlamuli; enkarhini wolowo xi ta mi fularhela, hikuva leswi mi swi endlaka swi bihile ngopfu.

Pisalema 145:19

Lava va xi chavaka, xi va endlela hi ku navela ka vona, loko va rila eka xona, xa va twa kutani xi va ponisa.

Zakariya 7:13

kutani yi ku: “Ndzi va vitanile, kambe va arile ku yingisa; kwalaho loko va ndzi vitana, na mina ndzi arile ku va yingisa. Ndzi vula sweswo, mina HOSI ya matimba hinkwawo.

Swivuriso 21:13

Loyi a alaka ku yingisa swirilo swa swisiwana, na yena a nge yingisiwi, siku a nga ta lava ku pfuniwa.

Yeremiya 14:12

Hambi va nga titsona swakudya, a ndzi nga yingisi swikhongelo swa vona. Loko va ndzi hisela magandzelo ya nyama kumbe ya mapa, a ndzi nga va amukeli, ndzi ta va herisa hi matlhari, ni tindlala, ni mintungu.”

Yohane 15:16

A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya, mi ya veka mihandzu, ni leswaku mihandzu ya n'wina yi va kona masiku hinkwawo; kutani xin'wana ni xin'wana lexi mi nga ta xi kombela eka Tatana hi vito ra mina, ú ta mi nyika xona.

Ezekiele 8:18

Hikokwalaho ndzi ta va ba; ndzi nga ka ndzi nga va rivaleli, a ndzi nga va tweli vusiwana. Va ta rila va ba huwa etindleveni ta mina, kambe a ndzi nga va hingisi.”

Yohane 4:34

Yesu a ku ka vona: “Swakudya swa mina i ku endla ku rhandza ka Loyi a ndzi rhumeke, ni ku heta ntirho wa yena swinene.

Pisalema 18:41

Va tlhava mukhosi, kambe a ku na loyi a va lamulelaka; va huwelela eka HOSI, kambe a yi va hlamuli.

Ntirho 42:8

Kutani sweswi, tekani tinkuzi ta 7 ni tinyimpfu ta makhuna ta 7, mi ya na swona eka nandza wa mina Yobo, mi fika mi humesa ha swona emagandzelo lama hisiwaka. Yobo ú ta mi khongelela, kutani mina ndzi ta amukela xikhongelo xa yena; a ndzi nga mi bi, hambileswi mi ndzi lumbeteke, mi nga fani na Yobo nandza wa mina.”

Ntirho 35:12

Lava xanisiwaka hi vatikurisi ni vadyohi, va huwelela, kambe a va hlamuriwi.

Yohane 7:17

Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

Yeremiya 15:1

HOSI Xikwembu xi ndzi byerile xi ku: “Vanhu lava a ndzi nga va tsetseleli, hambiloko Muxe na Samiele va nga ta emahlweni ka mina va va khongelela. Va hlongole va suka emahlweni ka mina!

Yeremiya 11:11

Hikokwalaho mina HOSI ndzi ri: Ndzi ta va vangela makhombo, a ku na un'we la nga ta pona eka wona. Va ta rila eka mina, kambe a ndzi nga va yingisi.

Esaya 58:9

Enkarhini wolowo, mina HOSI ndzi ta mi hlamula loko mi huwelela eka mina, loko mi ndzi vitana, ndzi ta ku: ‘Hi mina loyi!’ “Loko mi susa joko leri mi ri rhwexeke van'wana, mi nga ha tshameli ku kombetelana hi tintiho, naswona mi nga ha lumbetani.

Pisalema 143:10

Ndzi dyondzise ku endla leswi u swi tsakelaka, hikuva u Xikwembu xanga. Moya wa wena hi lowunene, a wu ndzi basisele tindlela.

Genesa 20:7

Kutani sweswi, tlherisela wansati loyi eka nuna wa yena, hikuva wanuna loyi i muprofeta, ú ta ku khongelela u hanya, kambe loko u nga tlherisi wansati loyi, swi tive leswaku u ta fa hakunene, wena ni va ka n'wina hinkwavo.”

Genesa 19:29

Loko Xikwembu xi herisa miti ya le nkoveni leyi Lota a a tshama eka yona, a xi ri karhi xi tsundzuka Abrahama; hikokwalaho, xi humesile Lota xi n'wi susa emitini leyi a xi lava ku yi herisa.

Pisalema 106:23

Hikokwalaho, Xikwembu xi bohile ku va herisa, kambe Muxe muhlawuriwa wa xona a yima exikarhi ka xona na Vaisraele, a va lamulela evukarini bya xona lebyo chavisa.

Pisalema 99:6

Exikarhi ka vaprista va xona, a ku ri na Muxe na Aroni, na yena Samiele a a ri un'wana wa lava va xi khongelaka. Vanhu lava a va huwelela eka HOSI Xikwembu, kutani xi va hlamula.

Pisalema 40:8

We Xikwembu xanga, ndzi tsakela ngopfu ku endla ku rhandza ka wena, nawu wa wena wu le mbilwini ya mina.”

Vaheveru 10:7

Kutani ndzi te: ‘Hi mina loyi, we Xikwembu, ndzi tile ku ta endla ku rhandza ka wena, hilaha swi nga tsariwa hakona ehenhla ka mina ebukwini ya Nawu.’ ”

Duteronoma 1:45

Kutani mi tlhelerile emahlweni ka HOSI Xikwembu mi ya rila, kambe xona a xi mi yingisanga, a xi vanga na mhaka na n'wina.

Ntirho 35:13

Munhu la rilaka ntsena, Xikwembu a xi n'wi twi, xona xi nga ni matimba hinkwawo, a xi n'wi twi.

Yohane 9:30

La horisiweke a va hlamula, a ku: “Hi yo mhaka leyi hlamarisaka! A mi tivi lomu a humaka kona, kambe ú ndzi horisile mahlo!

Yohane 9:32

A hi si swi twa ni siku ni rin'we, leswaku munhu la velekiweke a nga voni, a nga va a horisiwe mahlo hi munhu un'wana.

Yohane 11:22

Kambe nisweswi ndza swi tiva leswaku hinkwaswo leswi u swi kombelaka eka Xikwembu, xona xi ta ku nyika swona.”