Yohane 8:58 - BIBELE Mahungu Lamanene

⁵⁸ Yesu a ku ka vona: “Ndzi tiyisisile ndzi ri ka n'wina: Loko Abrahama a nga si va kona, mina a ndzi ri ‘Loyi ndzi nga yena’.”

Testamente Leyimpsha Xichangana

⁵⁸ Yesu aku ka vona: “Nitiyisile, nili ka n'wina: Loko Abrahamu angasipsaliwa, mina se anili ‘lweyi ninga yena.’”

Xitsonga (Bibele)

⁵⁸ Yesu a ku eka vona: “Ndzi vurisile ndzi ri eka n'wina: Loko Abrahama a nga si va kona, mina a ndzi ri kona.”

Yohane 8:58 Referans Kwoze

Eksoda 3:14

Kutani Xikwembu xi ku ka Muxe: “NDZI LOYI NDZI NGA YENA!” Xi engeta xi ku: “U ta ku ka vanhu va Israele: ‘La vuriwaka NDZI YENA, ú ndzi rhumile eka n'wina.’ ”

Vakolosa 1:17

Ú rhangele swilo hinkwaswo, kutani eka yena swilo hinkwaswo swi khomene swin'we.

Yohane 17:5

Sweswi Tatana, ndzi dzunise emahlweni ka wena hi ku dzuneka loku a ndzi ri na kona eka wena, misava yi nga si va kona.

Esaya 44:6

HOSI Xikwembu mufumi wa Vaisraele ni muponisi wa vona, yona HOSI ya matimba hinkwawo, xi vurisa sweswo xi ri: “Hi mina loyi a a ri kona eku sunguleni, loyi a nga ta va kona hilaha ku nga heriki, ehandle ka mina a ku na xikwembu xin'wana.

Nhlavutelo 1:8

“Hi mina Alfa na Omega”, ku vula Hosi Xikwembu, “loyi a nga kona, loyi a a ri kona, loyi a taka, Lowa-matimba-hinkwawo.”

Vaheveru 13:8

Yesu Kriste wa ha ri yena tolo ni namuntlha ni hilaha ku nga heriki.

Yohane 17:24

Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

Esaya 48:12

“Ndzi yingiseni, n'wina va ka Yakobo, ndzi vula n'wina Vaisraele, lava ndzi va vitaneke. Hi mina Loyi-a-nga-kona, loyi a a ri kona eku sunguleni, loyi a nga ta va kona hilaha ku nga heriki.

Nhlavutelo 2:8

“Tsalela ni ntsumi ya kereke ya le Smirna, u ku: “ ‘Marito ya loyi a nga wo rhanga ni wo hetelela, loyi a feke a tlhela a pfuka, hi lawa:

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Esaya 43:13

Xikwembu hi mina ntsena, ndzi ta va xona minkarhi hinkwayo; loko ndzi khoma xilo, a ku na la nga xi vutlaka, ni loko ndzi tirha, a ndzi kavanyetiwi hi munhu.”

Esaya 46:9

Tsundzukani ni leswi humeleleke eminkarhini ya khale; Xikwembu hi mina, ku hava xin'wana, mina ndzi Xikwembu, a ku na loyi a fanaka na mina.

Esaya 44:8

Mi nga chavi, naswona mi nga rhurhumeli, hikuva mina ndzi mi byerile timhaka leti ku sukela khale, ndzi tlhela ndzi mi hlamusela. N'wina mi timbhoni ta mina! Xana xikwembu xin'wana xi kona ehandle ka mina xana? Ku hava un'wana loyi a nga ‘Ribye ra vutumbelo’, a ndzi tivi na un'we!”

Yohane 8:51

Ndzi tiyisisile ndzi ri ka n'wina, munhu la hlayisaka rito ra mina, a nga ka a nga voni rifu ni siku ni rin'we.”

Nhlavutelo 1:11

ri ku: “Tsala leswi u swi vonaka, kutani u rhumela buku ya kona etikerekeni leti ta 7: Kereke ya le Efesa, ni ya le Smirna, ni ya le Pergamo, ni ya le Tiyatira, ni ya le Sarda, ni ya le Filadelfiya, ni ya le Lawodikiya.”

Yohane 8:34

Yesu a va hlamula, a ku: “Ndzi tiyisisile ndzi ri ka n'wina: Un'wana ni un'wana la endlaka xidyoho, i hlonga ra xidyoho.

Yohane 8:24

Hi swo leswi ndzi mi byeleke swona, loko ndzi te: ‘Mi ta fela eswidyohweni swa n'wina.’ Hikuva loko mi nga pfumeri leswaku ‘Mina ndzi yena’, mi ta fela eswidyohweni swa n'wina.”

Yohane 8:28

Hikokwalaho, Yesu a ku ka vona: “Loko mi ta va mi tlakusile N'wana-wa-Munhu, hi kona mi nga ta tiva leswaku ‘Mina ndzi yena’. Naswona mi ta tiva leswaku a ndzi endli nchumu hi ku tirhandzela ka mina, kambe ndzi vula swilo leswi hilaha Tatana a ndzi dyondziseke hakona.

Yohane 10:25

Yesu a va hlamula, a ku: “Ndzi mi byerile, kambe a mi pfumeri. Mintirho leyi ndzi yi endlaka hi vito ra Tata wa mina, yi veka vumbhoni ehenhla ka mina.