Yohane 8:55 - BIBELE Mahungu Lamanene

⁵⁵ Kasi a mi n'wi tivi, kambe mina ndza n'wi tiva. Loko ndzi nga vula leswaku a ndzi n'wi tivi, ndzi ta va muhembi ku fana na n'wina. Kambe mina ndza n'wi tiva, kutani ndzi hlayisa rito ra yena.

Testamente Leyimpsha Xichangana

⁵⁵ Kutani n'wina amimuntivi, kambe mina namutiva: Loko mina nivula lesvaku animutivi, nitava nili muhembi kufana na n'wina, kambe namutiva, nasvona nihlayisa rito ra yena.

Xitsonga (Bibele)

⁵⁵ kasi a mi n'wi tivanga, kambe mina, ndza n'wi tiva; loko ndzi nga vula ndzi ku: A ndzi n'wi tivi, ndzi nga kotisa n'wina, ndzi va ni vunwa; kambe ndza n'wi tiva, kutani ndzi hlayisa rito ra yena.

Yohane 8:55 Referans Kwoze

Yohane 8:19

Va ku ka yena: “Tata wa wena ú kwihi?” Yesu a hlamula, a ku: “A mi ndzi tivi, hambi a ri Tata wa mina a mi n'wi tivi; loko onge mi ndzi tivile, ingi mi tivile na Tata wa mina.”

Yohane 8:44

N'wina mi huma eka tata wa n'wina, a nga Diyavulosi, kutani mi tsakela ku endla ku navela ka tata wa n'wina. A a ri mudlayi ni le ku sunguleni. A nga yimanga entiyisweni, hikuva ku hava ntiyiso eka yena. Loko a vulavula mavunwa, ú tikomba lexi a nga xona, hikuva i muhembi, ni tata wa mavunwa.

Nhlavutelo 3:9

Vona, loko va ri va ntlawa wa ka Sathana, vahembi lava tivulaka Vayuda kasi a hi vona, ndzi ta endla leswaku va ta, va ta nkhinsama emahlweni ka wena va ku gandzela; va ta tiva leswaku ndzi ku rhandzile.

Yohane 8:51

Ndzi tiyisisile ndzi ri ka n'wina, munhu la hlayisaka rito ra mina, a nga ka a nga voni rifu ni siku ni rin'we.”

Matewu 11:27

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana, loko a nga ri Tatana; naswona a ku na loyi a tivaka Tatana, loko a nga ri N'wana, ni loyi N'wana a lavaka ku hlavutela Tatana eka yena.

1 Yohane 5:10

Loyi a pfumelaka eka N'wana wa Xikwembu, vumbhoni byi le ka yena. Loyi a nga pfumeriki Xikwembu, ú xi endlile muhembi, hikuva a nga pfumelanga vumbhoni lebyi Xikwembu xi byi humeseke ehenhla ka N'wana wa xona.

Yohane 15:21

Kambe va ta endla hinkwaswo leswi eka n'wina hikwalaho ka mina, hikuva a va tivi Loyi a ndzi rhumeke.

1 Yohane 2:22

Munhu wa vunwa i mani xana, loko a nga ri loyi a kanetaka leswaku Yesu i Mesiya? Munhu wo tano, hi ye Nala wa Kriste, loyi a landzulaka Tatana ni N'wana.

1 Yohane 2:4

Loyi a vulaka a ku: “Ndza n'wi tiva”, kambe a nga hlayisi milawu ya yena, i muhembi, kutani ntiyiso a wu kona eka munhu wo tano.

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

Timhaka 17:23

Hikuva loko ndzi famba ndzi ri karhi ndzi languta tindhawu leti mi gandzelaka ka tona, ndzi kumile alitari leyi ku tsariweke marito eka yona lama nge: ‘Eka Xikwembu lexi nga tiviwiki!’ Sweswi ke, leswi mi swi gandzelaka mi nga swi tivi, hi swona leswi ndzi mi tivisaka swona.

Yohane 17:25

Tatana la lulameke, misava a yi ku tivanga, kambe mina ndzi ku tivile, kutani vanhu lava va swi tivile leswaku ndzi rhumiwile hi wena.

Yohane 16:3

Va ta mi endla swilo leswi hikuva a va hi tivanga, hambi Tatana hambi mina.

Yohane 15:10

Loko mi hlayisa milawu ya mina, mi ta tshama erirhandzwini ra mina, hilaha na mina ndzi hlayiseke milawu ya Tata wa mina, kutani ndzi tshama erirhandzwini ra yena.

Yohane 10:15

hilaha Tatana a ndzi tivaka hakona, ni hilaha na mina ndzi tivaka Tatana hakona; kutani ndzi nyiketa vutomi bya mina ndzi fela tinyimpfu.

Yohane 8:29

Loyi a ndzi rhumeke, ú na mina; a nga ndzi tshikanga ndzi ri ndzexe, hikuva masiku hinkwawo ndzi endla leswi swi n'wi tsakisaka.”

Yohane 6:46

A swi vuli leswaku ku ni munhu loyi a tshamaka a vona Tatana, e-e! Loyi a humaka eka Xikwembu, hi yena ntsena la voneke Tatana.

Yohane 1:18

A ku na munhu la tshamaka a vona Xikwembu ni siku ni rin'we. Loyi a nga swakwe, loyi a nga Xikwembu, loyi a nge xifuveni xa Tatana, hi yena loyi a nga endla leswaku Tatana a tiviwa.

Luka 10:22

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana leswaku i mani, loko a nga ri Tatana; naswona a ku na loyi a tivaka Tatana leswaku i mani, loko a nga ri N'wana, ni loyi N'wana a lavaka ku hlavutela Tatana eka yena.”

Hosiya 5:4

Swiendlo swa vanhu lava swi va sivela ku tlhelela eka Xikwembu xa vona. Moya wa vunghwavava wu va nghenile hi matimba, kutani a va ha vuli nchumu hi HOSI.

Yeremiya 9:3

Ririmi ra vona ri fana ni vurha lebyi kongiweke, etikweni ku tele vukanganyisi, vanhu va tsakela byona ku tlula ntiyiso. HOSI Xikwembu xi ri: “Vanhu va mina va tlhandleka leswo biha ehenhla ka leswo biha, ni ku ndzi tiva a va ha ndzi tivi!”

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Yohane 8:52

Vayuda va ku ka yena: “Sweswi ha swi tiva leswaku u ni demona; Abrahama ú file; swi tano na vaprofeta, va file; kutani wena u ku: ‘Loko munhu a hlayisa rito ra mina, a nga ka a nga khumbiwi hi rifu ni siku ni rin'we!’

1 Yohane 1:6

Loko hi vula leswaku hi ni xinakulobye na xona kambe hi ri karhi hi famba emunyameni, ha hemba, kutani a hi hanyi hi ku landza ntiyiso.