Yohane 8:36 - BIBELE Mahungu Lamanene

³⁶ Hikokwalaho ke, loko N'wana a mi ntshunxa, mi ta va lava ntshunxekeke hakunene.

Testamente Leyimpsha Xichangana

³⁶ Hikolaho-ke, loko N'wana amitshunxa, mitava lavatshunxekeke hakunene.

Xitsonga (Bibele)

³⁶ Hikwalaho loko N'wana a mi kutsula, mi ta va mi kutsuriwile hakunene.

Yohane 8:36 Referans Kwoze

2 Vakorinto 3:17

Loko va ku “Hosi”, va vula Moya, kutani laha Moya wa Hosi wu nga kona, ku ntshunxeka ku kona.

Vagalatiya 5:1

Hi ntshunxiwile hileswi Kriste a hi ntshunxeke. Hikokwalaho, yimani mi tiya, mi nga ha tlheli mi tiveka ehansi ka mpingu wa vuhlonga.

Varhoma 8:2

Hikuva nawu wa Moya lowu nyikaka vutomi ha Kriste Yesu, wu ndzi ntshunxile eka nawu wa ku dyoha ni wa rifu.

Luka 4:18

“Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Pisalema 119:133

Switshembiso swa wena a swi ndzi kombe ndlela leyinene, ndzi nga tshuki ndzi fumiwa hi vudyoho.

Pisalema 119:32

Ndzi hisekela ku endla leswi u ndzi lerisaka swona, hikuva ha swona u anamisa miehleketo ya mina.

Pisalema 19:13

Ndzi papalatise swidyoho swa lava titshembaka, swi nga tshuki swi ndzi fuma, mina nandza wa wena; kutani ndzi ta va ndzi nga ri na nandzu, ndzi ta va ndzi ponile eka vudyoho lebyikulu.

1 Vakorinto 7:22

Hikuva loyi a vitaniweke ku va wa Hosi a ri hlonga, i muntshunxiwa wa Hosi; ni loyi a vitaniweke a ri muntshunxiwa i hlonga ra Kriste.