Yohane 8:34 - BIBELE Mahungu Lamanene

³⁴ Yesu a va hlamula, a ku: “Ndzi tiyisisile ndzi ri ka n'wina: Un'wana ni un'wana la endlaka xidyoho, i hlonga ra xidyoho.

Testamente Leyimpsha Xichangana

³⁴ Yesu avahlamula aku: “Nitiyisile hakunene nili ka n'wina: Mani na mani lweyi ayendlaka xijoho i xikarawa xa xijoho.

Xitsonga (Bibele)

³⁴ Yesu a va hlamula, a ku: “Ndzi vurisile ndzi ri eka n'wina: Un'wana ni un'wana la dyohaka hi xidyoho, i khumbi ra xidyoho.

Yohane 8:34 Referans Kwoze

Varhoma 6:16

Xana a mi tivi leswaku, loko mi tinyiketa ku tirhela un'wana ni ku n'wi yingisa, mi mahlonga ya loyi mi n'wi yingisaka xana? — hambi mahlonga ya ku dyoha loku yisaka eku feni, hambi mahlonga ya ku yingisa loku yisaka eku lulameni.

2 Petro 2:19

Va va tshembisa ku ntshunxeka, kambe vona hi voxe i mahlonga ya leswi bolaka; hikuva munhu i hlonga ra xilo xihi na xihi lexi xi n'wi hlulaka.

Swivuriso 5:22

Milandzu ya munhu wo biha yi dlayisa yena n'winyi, ú phasiwa hi ntlhamu wa swidyoho swakwe,

Varhoma 6:12

Loko swi ri tano, ku dyoha ku nga ha tshuki ku fuma emirini wa n'wina lowu faka, leswaku mi nga ha yi hi ku navela ka wona;

Varhoma 6:6

Leswi hi swi tivaka hileswaku munhu wa hina wa khale ú vambiwile na Kriste exihambanweni leswaku matimba ya munhu loyi wa ku dyoha ma herisiwa, ni leswaku hi ta ka hi nga ha vi mahlonga ya ku dyoha.

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Varhoma 7:25

A ku nkhensiwe Xikwembu ha Yesu Kriste, Hosi ya hina! Ku hetisela emhakeni leyi, ndzi nga ku: Mina hi ndzexe, hambi ndzi tirhela Nawu wa Xikwembu hi mianakanyo ya mina, hi ntumbuluko wa mina wa laha misaveni ndzi tirhela nawu wa ku dyoha.

1 TIHOSI 21:25

(A ku vanga na munhu na un'we loyi a tinyiketeke ku endla leswo biha emahlweni ka HOSI Xikwembu ku fana na Akabu, hi ku kuceteriwa hi nsati wa yena Yezabele.

Varhoma 8:21

ka leswaku swivumbiwa leswi swi ta ntshunxiwa na swona evuhlongeni bya leswo bola, ku ta amukela ku ntshunxeka loko kwetsima loku nga ka vana va Xikwembu.

Varhoma 7:14

Ha swi tiva leswaku Nawu i wa Moya; kasi mina, ndzi munhu wa nyama ntsena, ndzi xavisiwile ku va hlonga ra ku dyoha.

Timhaka 8:23

hikuva ndza swi vona leswaku u tele mavondzo layo chavisa, ni leswaku wa ha bohiwile hi leswo homboloka.”

Yohane 3:3

Yesu a n'wi hlamula, a ku: “Ndzi tiyisisile ndzi ri ka wena, a ku na munhu la nga vonaka Mfumo wa Xikwembu, loko a nga tlhelanga a tswariwa ra vumbirhi.”

Matewu 5:18

Ndzi tiyisile ndzi ri ka n'wina: Tilo ni misava swi nga si nyamalala, xihikwana kumbe xirhatana, hambi xi ri xin'we, xi nga ka xi nga susiwi eNawini, ku kondza loko swilo hinkwaswo swi ta va swi hetisekile.