Yohane 8:32 - BIBELE Mahungu Lamanene

³² naswona mi ta tiva ntiyiso, kutani ntiyiso wu ta mi ntshunxa.”

Testamente Leyimpsha Xichangana

³² nasvona mitativa ntiyiso, kutani ntiyiso wutamintshunsa.”

Xitsonga (Bibele)

³² kutani mi ta tiva ntiyiso, kutani ntiyiso wu ta mi tshunxa.”

Yohane 8:32 Referans Kwoze

Varhoma 8:2

Hikuva nawu wa Moya lowu nyikaka vutomi ha Kriste Yesu, wu ndzi ntshunxile eka nawu wa ku dyoha ni wa rifu.

Yohane 8:36

Hikokwalaho ke, loko N'wana a mi ntshunxa, mi ta va lava ntshunxekeke hakunene.

Yohane 17:17

Va hlawulekise entiyisweni; rito ra wena i ntiyiso.

1 Petro 2:16

Hanyani tanihi vanhu lava ntshunxekeke; mi nga teki ku ntshunxeka ka n'wina yi ri ndlela yo xisela ha yona, yo endla leswo biha, kambe hanyani tanihi malandza ya Xikwembu.

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Varhoma 6:22

Kambe sweswi, mi ntshunxiwile eku dyoheni, mi hundzukile mahlonga ya Xikwembu, kutani mihandzu leyi mi yi tshovelaka sweswi yi mi yisa eku tengeni; eku heteleleni, mi ta kuma vutomi lebyi nga heriki.

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Pisalema 25:5

Ndzi fambise entiyisweni wa wena, u ri karhi u ndzi dyondzisa, hikuva hi wena Xikwembu lexi xi ndzi ponisaka, minkarhi hinkwayo ndzi tshemba wena.

Yakobo 1:25

Kambe loyi a kambisisaka Nawu lowu hetisekeke wa ku ntshunxeka, a tiyisela eka wona a nga ri mutwi loyi a rivalaka, kambe a ri muendli la tirhaka, ú ta kateka eka leswi a swi endlaka.

Vagalatiya 5:1

Hi ntshunxiwile hileswi Kriste a hi ntshunxeke. Hikokwalaho, yimani mi tiya, mi nga ha tlheli mi tiveka ehansi ka mpingu wa vuhlonga.

Yakobo 2:12

Hikokwalaho, eku vulavuleni ka n'wina ni le mintirhweni ya n'wina, tikombeni leswaku mi lava nga ta avanyisiwa va ri ehansi ka Nawu wa ntshunxeko.

Vagalatiya 5:13

Loko a ri n'wina vamakwerhu, mi vitaniwile leswaku mi va lava ntshunxekeke; kambe mi nga teki ku ntshunxeka ka n'wina, mi ku hundzula mpfumelelo wo endla leswi ntumbuluko wa n'wina wa laha misaveni wu swi navelaka; ematshan'wini ya sweswo, tirhelanani hi rirhandzu.

Yeremiya 6:16

HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Yohane 7:17

Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

Hosiya 6:3

A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

Varhoma 8:15

Hikuva Moya lowu mi nga nyikiwa wona, a wu mi endli mahlonga ni ku tlhela wu mi vangela ku chava, kambe wu mi endla vana; hi matimba ya Moya lowu, hi huwelela hi ku: “Abba, Tatana!”

Yohane 16:13

Kasi loko yoloyi a ta, a nga Moya wa ntiyiso, ú ta mi fambisa endleleni hinkwayo ya ntiyiso; hikuva a nga ka a nga vulavuri swo huma emiehleketweni ya yena; kambe xin'wana ni xin'wana lexi a xi twaka, ú ta xi vula; naswona ú ta mi tivisa leswi swi nga ta ta.

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Swivuriso 1:23

Yingisani, ndzi mi laya mina vutlhari, ndzi lombeni tindleve ndzi mi tsundzuxa, ndzi mi byela leswi nga mbilwini ya mina.

2 Timotiya 3:7

va yingisa un'wana ni un'wana, kutani va nga ka va nga fiki ni siku ni rin'we eku tiveni ka ntiyiso.

Esaya 35:8

Etikweni ku ta va na gondzo lerikulu, leri nga ta thyiwa Gondzo-ro-Hlawuleka; vanhu lava nga tengangiki va nga ka va nga fambi ha rona, ri ta va ra lavo tenga ntsena, la fambaka ha rona, hambi a nga tivi ndlela, a nga ka a nga lahleki.

Pisalema 119:45

Ndzi ta hanya ndzi ntshunxekile, hikuva ndzi ta va ndzi landzile swiletelo swa wena.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Swivuriso 1:29

Va vengile vutivi, va ala ni ku chava HOSI Xikwembu,

Yohane 6:45

Ku tsariwile etibukwini ta vaprofeta, va ku: ‘Hinkwavo va ta dyondzisiwa hi Xikwembu.’ Un'wana ni un'wana la tweke Tatana ni ku dyondza eka yena, wa ta eka mina.

Esaya 54:13

Lava va ku akaka hi vuntshwa, va ta dyondzisiwa hi mina, ndzi ta va nyika minkateko ni ku rhula.

Esaya 2:3

Vanhu lavo tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Matewu 11:29

Rhwalani joko ra mina, mi dyondza ka mina, hikuva ndzi ni mbilu yo rhula ni ya tintswalo; kutani mimoya ya n'wina yi ta kuma ku wisa;

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

1 Vakorinto 7:22

Hikuva loyi a vitaniweke ku va wa Hosi a ri hlonga, i muntshunxiwa wa Hosi; ni loyi a vitaniweke a ri muntshunxiwa i hlonga ra Kriste.

2 Yohane 1:1

Mina nkulukumba ndzi tsalela nkosikazi, muhlawuriwa wa Xikwembu, ni vana va yena, lava ndzi va rhandzaka hi mbilu hinkwayo; a hi mina ntsena ndzi va rhandzaka, kambe na vona hinkwavo lava tivaka ntiyiso va va rhandza,

Levhitika 25:41

Hi lembe ra Jubili, a a suke emutini wa wena, a tlhelela eka va ka vona, yena ni vana va yena, a ya tshama endzhakeni ya vakokwa wa yena.