Yohane 8:31 - BIBELE Mahungu Lamanene

³¹ Yesu a ku ka Vayuda lava pfumeleke ka yena: “Loko mi tiyisela eritweni ra mina, mi vadyondzisiwa va mina hakunene;

Testamente Leyimpsha Xichangana

³¹ Yesu abzela Vayuda lavapfumeleke ka yena aku ka vona: “Loko mitshama ritweni ra mina, mitava vajondzisiwa va mina hakunene;

Xitsonga (Bibele)

³¹ Kutani Yesu a ku eka Vayuda lava pfumeleke eka yena: “Kungakuloko mi tiyisela eritweni ra mina, mi ta va vadyondzisiwa va mina kunene;

Yohane 8:31 Referans Kwoze

2 Yohane 1:9

Un'wana ni un'wana loyi a yaka emahlweni ni swa yena a nga tiyiseli edyondzweni ya Kriste, a nga na Xikwembu; loyi a tiyiselaka edyondzweni ya kona, ú na Tatana swin'we ni N'wana.

2 Timotiya 3:14

Kambe loko a ri wena, yana emahlweni na leswi u swi dyondzeke, swi nga leswi u nga pfumela ni ku tiya eka swona, hikuva u tiva lava u swi dyondzeke eka vona;

Yakobo 1:25

Kambe loyi a kambisisaka Nawu lowu hetisekeke wa ku ntshunxeka, a tiyisela eka wona a nga ri mutwi loyi a rivalaka, kambe a ri muendli la tirhaka, ú ta kateka eka leswi a swi endlaka.

1 Timotiya 4:16

Tikambisise hi wexe, ni dyondzo leyi u yi dyondzisaka. Tiya eka swona, hikuva loko u endlisa sweswo, u ta tiponisa ni ku ponisa vayingisi va wena.

Vakolosa 1:23

Kambe mi fanele ku tiya eku pfumeleni, mi yimile emasungulweni ya kona mi nga tsekatseki, mi nga hambani ni ku tshemba loku mi ku kumeke hi ku twa Evhangeli; Evhangeli leyi yi twarisiwile eka swivumbiwa hinkwaswo leswi nge hansi ka tilo, kutani mina Pawulo, ndzi endliwile nandza wa yona.

1 SAMIELE 12:14

Loko mi chava HOSI Xikwembu, ni loko mi xi tirhela, ni loko mi yingisa rito ra xona, mi nga fularheli ku lerisa ka xona, ni loko sweswi n'wina ni hosi leyi yi mi fumaka mi landza HOSI Xikwembu, hikwaswo swi ta mi fambela swinene.

Vaheveru 3:14

Hikuva hi ni ku averiwa eka Kriste ntsena loko hi khomelela hi tiya ku yisa emakumu, eku tshembeni ka hina loku ko sungula,

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”

1 Yohane 2:24

Leswi mi swi tweke ku sukela eku sunguleni, a swi tshame eka n'wina. Loko leswi mi swi tweke ku sukela eku sunguleni swi tshama eka n'wina, hi kona na n'wina mi nga ta tshama eka N'wana ni ka Tatana.

Varhoma 11:22

Hikokwalaho, xiyaxiya vunene bya Xikwembu, ni nkhavi wa xona; nkhavi ehenhla ka lava weke, ni vunene ehenhla ka wena, loko u tiyisela evuneneni bya xona; kambe loko u nga tiyiseli, na wena u ta tsemiwa.

Varhoma 2:7

Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

Matewu 24:13

Kambe loyi a tiyiselaka ku fika makumu, hi yena loyi a nga ta ponisiwa.

Yohane 8:36

Hikokwalaho ke, loko N'wana a mi ntshunxa, mi ta va lava ntshunxekeke hakunene.

Yohane 6:55

Hikuva nyama ya nga i swakudya swa xiviri, ni ngati ya nga i swakunwa swa xiviri.

Timhaka 13:43

Kuteloko nhlengeletano yi hangalakile, Pawulo na Barnaba va landziwa hi Vayuda lavo tala ni vamatiko lavo tala va vukhongeri, lava amukeriweke eXiyudeni; vaapostola va vulavula na vona, va va khongotela ku tiyisela etintswalweni ta Xikwembu.

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

Vaheveru 8:9

Wona wu nga ka wu nga fani ni lowu ndzi wu endleke khale ni vatata wa vona, siku ndzi va khomeke hi voko, ndzi va humesa etikweni ra Egipta. Ntwanano wa mina lowu, va wu tshovile, hikokwalaho a ndza ha tikarhatelanga vona, ku vula Hosi.

1 Timotiya 2:15

Hambiswiritano, wansati ú ta ponisiwa hileswi a velekaka vana, loko a tiyisela eku pfumeleni ne rirhandzwini ne ku tengeni, a ri na ku tikhoma.

Yohane 1:47

Yesu a vona Nataniele a ri karhi a ta a n'wi kongomile, kutani a vulavula hi yena, a ku: “Vonani Muisraele wa xiviri, loyi ku nga riki na ku kanganyisa eka yena.”

Timhaka 26:22

Kambe ndzi pfuniwile hi Xikwembu ku fikela siku ra namuntlha, kutani sweswi ndzi yimile kwala ndzi ri karhi ndzi humesa vumbhoni eka lavatsongo ni ka lavakulu; a ndzi vuli timhaka tin'wana, loko ti nga ri leti Muxe ni Vaprofeta va nga vula leswaku ti ta humelela:

Yohane 2:2

Yesu ni vadyondzisiwa va yena, a va rhambiwile na vona enkhubyeni.