Yohane 8:20 - BIBELE Mahungu Lamanene

²⁰ Yesu ú vurile marito lawa loko a ri karhi a dyondzisa eTempeleni, laha swibya swa nhlengo a swi vekiwa kona; kutani a ku vanga na un'we la n'wi khomeke, hikuva nkarhi wa yena a wu nga si fika.

Testamente Leyimpsha Xichangana

²⁰ Yesu avulile marito lawa loko ali karhi ajondzisa Tempeleni, laha akunhlayisiwa male ya nhlengo; kutani akuvanga ni mun'we lweyi amukhomeke, hikuva nkarhi wa yena awungasifika.

Xitsonga (Bibele)

²⁰ Yesu a vula marito lawa, evuhlayiselweni bya mali, a ri karhi a dyondzisa etempeleni; kambe a ku vanga na munhu la n'wi khomaka, hikuva nkarhi wa yena a wu nga si fika.

Yohane 8:20 Referans Kwoze

Yohane 7:30

Kutani va ringeta ku n'wi khoma; kambe a ku vanga na un'we la nga yisa voko eka yena, hikuva nkarhi wa yena a wu nga si fika.

Yohane 7:8

N'wina tlhandlukelani enkhubyeni, mina a ndzi yi enkhubyeni wolowo, hikuva nkarhi wa mina a wu si fika swinene.”

Marka 12:41

Yesu a a tshamile kusuhi ni xibya xa nhlengo wa Tempele, a languta hilaha vanhu va hoxaka mali exibyeni hakona; vafuwi lavo tala a va hoxa mali leyo tala.

Yohane 7:44

Van'wana va vona a va navela ku n'wi khoma, kambe a ku vanga na un'we la nga yisa voko eka yena.

Marka 12:43

Yesu a vitana vadyondzisiwa va yena, a ku ka vona: “Ndzi tiyisile ndzi ri ka n'wina, noni leyi ya xisiwana yi humesile ku tlula hinkwavo lava nga hoxa mali exibyeni xa nhlengo,

Matewu 27:6

Vaprista lavakulu va teka mali leyi, kutani va ku: “Leswi yi nga mali ya ngati, a swi fanelanga leswaku yi nghenisiwa enhlengweni wa Tempele.”

Yohane 10:39

Hiloko va ringeta kambe ku n'wi khoma, kambe a chupuka emavokweni ya vona.

Yohane 8:59

Kutani va rhola maribye ku n'wi hoxetela, kambe Yesu a tumbela, kutani a huma eTempeleni.

Luka 20:19

Kutani vaprista lavakulu ni vatsari a va navela ku n'wi khoma enkarhini wolowo, hikuva a va swi vonile leswaku a a vula vona hi xifaniso lexi, kambe a va chava ntshungu.

1 TIKRONIKA 9:26

Varindzi va mune lavakulu va nga va ka Levhi, a va rindza ni makamari ya Tempele ni yindlu ya yona ya vuhlayiselo.

Matewu 26:55

Enkarhini wolowo, Yesu a ku ka ntshungu: “Leswi mi humeke mi ri ni mabanga ni tinhonga ku ta ndzi khoma, ndzo va xigevenga xana? Masiku hinkwawo a ndzi tshama eTempeleni, ndzi karhi ndzi dyondzisa: A mi ndzi khomanga.

Luka 21:1

Loko Yesu a tlakusa mahlo, a vona swifumi leswi hoxaka tinyiko ta swona exibyeni xa nhlengo wa Tempele.

Yohane 2:4

Yesu a ku ka yena: “We manana, hikwalaho ka yini u nghenelela etimhakeni ta mina ke? Nkarhi wa mina a wu si fika.”

Yohane 7:14

Loko nkhuvo wu ri exikarhi, Yesu a tlhandlukela eTempeleni a sungula ku dyondzisa.

Yohane 8:2

Nimixo, a hubuta a vuyela eTempeleni; vanhu hinkwavo va ta eka yena, kutani a tshama hansi, a sungula ku va dyondzisa.