Yohane 8:19 - BIBELE Mahungu Lamanene

¹⁹ Va ku ka yena: “Tata wa wena ú kwihi?” Yesu a hlamula, a ku: “A mi ndzi tivi, hambi a ri Tata wa mina a mi n'wi tivi; loko onge mi ndzi tivile, ingi mi tivile na Tata wa mina.”

Testamente Leyimpsha Xichangana

¹⁹ Vaku ka yena: “Tatana wa wena akwihi?” Yesu ahlamula, aku: “Aminitivi, hambi ali Tatana wa mina amimuntivi; loko onge minitivile, ina mintivile Tatana wa mina.”

Xitsonga (Bibele)

¹⁹ Kwalaho va ku eka yena: “Tata wa wena u kwihi?” Yesu a hlamula, a ku: “A mi ndzi tivi, a mi tivi na Tatana, loko ngi ma ndzi tiva, a mi ta tiva na Tatana.”

Yohane 8:19 Referans Kwoze

Yohane 16:3

Va ta mi endla swilo leswi hikuva a va hi tivanga, hambi Tatana hambi mina.

1 Vakorinto 15:34

Xalamukani swinene, mi tshika ku dyoha. Van'wana va n'wina a va tivi Xikwembu; ndzi vula leswi hi ku mi khomisa tingana.

Yohane 7:28

Loko Yesu a ri karhi a dyondzisa eTempeleni, a tlakusa rito, a ku: “Ma ndzi tiva, mi tiva ni lomu ndzi humaka kona; a ndzi lo titisa, kambe Loyi a ndzi rhumeke, yena i ntiyiso hi xiviri xa wona, kutani a mi n'wi tivi.

Yohane 1:10

A a ri emisaveni, kutani misava yi tumbuluxiwile hi yena; kambe misava a yi n'wi tivanga.

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

2 Yohane 1:9

Un'wana ni un'wana loyi a yaka emahlweni ni swa yena a nga tiyiseli edyondzweni ya Kriste, a nga na Xikwembu; loyi a tiyiselaka edyondzweni ya kona, ú na Tatana swin'we ni N'wana.

Yeremiya 24:7

Ndzi ta va pfula miehleketo, kutani va ta tiva leswaku hi mina ndzi nga HOSI. Va ta va vanhu va mina, na mina ndzi va Xikwembu xa vona, hikuva va ta va va vuyele eka mina hi mbilu hinkwayo.

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Vagalatiya 4:9

Kambe leswi namuntlha mi tivaka Xikwembu (kumbe ndzi nga ku, leswi namuntlha Xikwembu xi mi tivaka), xana swi endlisa ku yini leswaku mi tlhelela eka mimoya leyi nga nyawuliki, leyi tsaneke ya misava leyi xana? Hikwalaho ka yini mi lava ku tlhela mi hundzuka mahlonga ya yona ke?

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Vakolosa 1:10

hi ndlela leyi, mi ta hanya vutomi lebyi fanekelaka emahlweni ka Hosi, mi yi tsakisa etimhakeni hinkwato, mi tswala mihandzu hi ku tirha mintirho leyinene ya tinxaka-xaka, mi ya mi kula hi tlhelo ra ku tiva Xikwembu.

Yohane 15:21

Kambe va ta endla hinkwaswo leswi eka n'wina hikwalaho ka mina, hikuva a va tivi Loyi a ndzi rhumeke.

Yeremiya 22:16

Ú lwerile swisiwana ni vapfumari ehubyeni, kutani a kateka. HOSI Xikwembu xi ri: “Xana a hi yona ndlela leyinene ya ku ndzi tiva ke?

Vaheveru 1:3

Hi yena loyi ku kwetsima ka Xikwembu ku tikombaka eka yena, kutani ú tekelele leswi Xikwembu xi nga swona hi xiviri xa xona; naswona ú tamele ntumbuluko hinkwawo hi rito ra yena ra matimba. Loko a hlantswile swidyoho swa vanhu, ú tshamile evokweni ra xinene ra Loyi a nga ni vukulu hinkwabyo, ehenhla matilweni,

Vakolosa 1:15

Kriste i xifaniso xa Xikwembu lexi nga voniwiki, mativula ya hinkwaswo leswi tumbuluxiweke.

Vaefesa 1:17

ndzi kombela leswaku Xikwembu xa Hosi ya hina Yesu Kriste, Tatana la dzunekaka, xi mi nyika Moya wa vutlhari, xi tihlavutela ha wona eka n'wina, leswaku mi ta xi tiva swinene.

Yohane 1:18

A ku na munhu la tshamaka a vona Xikwembu ni siku ni rin'we. Loyi a nga swakwe, loyi a nga Xikwembu, loyi a nge xifuveni xa Tatana, hi yena loyi a nga endla leswaku Tatana a tiviwa.

1 Yohane 2:23

Loyi a landzulaka N'wana, na yena Tatana a nga kona eka yena. Loyi a nkhensaka N'wana, hambi a ri Tatana ú kona eka yena.