Yohane 7:48 - BIBELE Mahungu Lamanene

⁴⁸ I mani eka vakulukumba ni le ka Vafarisi loyi a tshamaka a pfumela eka yena xana?

Testamente Leyimpsha Xichangana

⁴⁸ I mani ka vakulukumba ni le ka vafarisi lweyi angapfumela ka yena xana?

Xitsonga (Bibele)

⁴⁸ I mani eka lavakulu ni ka Vafarisi la pfumeleke eka yena xana?

Yohane 7:48 Referans Kwoze

Yohane 12:42

Hambiswiritano, lavo tala ni le xikarhi ka tindhuna a va pfumela ka yena; kambe, hikwalaho ka Vafarisi, a va nga swi vuli erivaleni hi ku chava ku hlongoriwa esinagogeni.

1 Vakorinto 2:8

A ku na un'we wa tihosi ta minkarhi leyi, loyi a byi twisiseke; loko onge va byi twisisile, ingi va nga vambanga Hosi ya ku dzuneka.

1 Vakorinto 1:20

Yi kwihi ntlhari xana? Ú kwihi mutsari xana? Loyi a tsakelaka ku phikisana na van'wana hi swa misava leyi, ú kwihi ke? Xana Xikwembu a xi kombanga leswaku vutlhari bya misava leyi i vuhunguki ke?

Yohane 7:26

Vonani! Ú vulavula erivaleni, kambe a va n'wi kongomi; xana tihosi ti nga va ti swi kumile hakunene leswaku hi yena Mesiya xana?

Timhaka 6:7

Rito ra Xikwembu ri ya emahlweni swinene; na yona nhlayo ya vadyondzisiwa yi ya yi andza ngopfu eYerusalema, naswona vaprista lavo tala va tinyiketa eku pfumeleni.

Yohane 7:50

Un'wana wa vona, yena Nikodema loyi a nga tshama a ta ka Yesu, a ku ka vona:

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

Luka 23:13

Kuteloko Pilato a hlengeletile vaprista lavakulu, ni vakulukumba, ni vanhu va tiko,

Yohane 3:1

A ku ri ni un'wana wa Vafarisi loyi a va ku i Nikodema; a a ri un'wana wa tindhuna ta Vayuda.

Yohane 7:49

Kambe loko va ri vanhu va ntshungu wolowo, lava nga tiviki Nawu, va rhukaniwile.”