Yohane 7:42 - BIBELE Mahungu Lamanene

⁴² Xana Tsalwa a ri vulanga leswaku Mesiya ú ta huma erixakeni ra Davhida, a velekiwa eBetlehema, emutini lowu Davhida a a tshama ka wona xana?”

Testamente Leyimpsha Xichangana

⁴² Xana Tsalwa arivulanga lesvaku Kriste atahuma rixakeni ra Davhida, avelekiwa Betlelehema, mugangeni lowu Davhida aatshama ka wona ke?”

Xitsonga (Bibele)

⁴² Xana Matsalwa a ma vuri leswaku Kriste u ta huma erixakeni ra Davhida emutini wa Betlehema, laha Davhida a humeke kona-ke?”

Yohane 7:42 Referans Kwoze

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Matewu 2:5

Va n'wi byela, va ku: “Emutini wa Betlehema wa Yudiya, hikuva hi leswi nga tsariwa hi muprofeta la nga te:

Luka 2:4

Yosefa na yena a suka Galeliya emutini wa Nazareta, a ya eYudiya emutini wa Davhida lowu vuriwaka Betlehema, hikuva a a ri munhu wa rixaka ra Davhida, ni wa yindlu ya yena.

Yeremiya 23:5

“Mina HOSI ndzi ri, yingisani! Nkarhi wa ta, lowu ndzi nga ta mirisela Davhida ehluke lerinene. Hluke ra kona i hosi leyi nga ta fuma hi ku twisisa, yi avanyisa timhaka hi ku lulama ni ku tshembeka.

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste, Hosi.

Matewu 1:1

Lexi i xivongo xa Yesu Kriste, n'wana Davhida, n'wana Abrahama:

Esaya 11:1

Xihluke xi ta huma exikundzwini xa Yese, erimitswini ra yena, ku ta mila rhavi.

Pisalema 132:11

HOSI Xikwembu xi nga ka xi nga tlheleli ndzhaku; xi hlambanyele Davhida xi tiyisa xi ku: “Ndzi ta veka un'wana wa vana va wena exiluvelweni xa vuhosi.

1 SAMIELE 16:1

HOSI Xikwembu xi vutisa Samiele xi ku: “Xana u ta va ni xiviti xa ku rilela Sawulo ku fikela rini, leswi ndzi n'wi tshikeke leswaku a nga ha vi hosi ya Israele, xana? Chela mafurha erimhondzweni ra wena ri tala, u ya laha ndzi nga ta ku rhuma kona, eka Yese wa le Betlehema, hikuva ndzi tihlawulele hosi exikarhi ka majaha ya yena.”

Pisalema 89:4

‘Vatukulu va wena va ta fuma hilaha ku nga heriki, ndzi ta tiyisa vuhosi bya wena minkarhi hinkwayo.’ ”

1 SAMIELE 16:18

Un'wana wa majaha a ku ka Sawulo: “Ndzi vonile n'wana Yese wa le Betlehema, la kotaka ku chaya haripa swinene. I jaha ra ntiya-nhlana, nhenha eku lweni, munhu la vulavulaka a nga tilumalumi, wa xiyimo xo saseka; naswona, HOSI Xikwembu xi na yena munhu loyi.”

Yohane 7:27

Kasi loyi, ha n'wi tiva lomu a humaka kona, kambe loko a ri Mesiya, siku a humelelaka, ku hava munhu na un'we la nga ta tiva lomu a humaka kona.”

1 SAMIELE 17:58

Sawulo a n'wi vutisa a ku: “He jaha, xana u n'wana mani xana?” Davhida a hlamula a ku: “Ndzi n'wana wa nandza wa wena Yese, wa le Betlehema.”

1 SAMIELE 16:4

Samiele a endla hilaha HOSI Xikwembu xi n'wi leriseke hakona, a ya eBetlehema. Vakulukumba va muti va n'wi hlanganisa va ri karhi va rhurhumela, va vutisa va ku: “Xana u ta hi moya wa ku rhula xana?”

Matewu 2:6

“ ‘Na wena Betlehema, tiko ra Yudiya, a wu ntsongo exikarhi ka tihosi ta Yuda, hikuva eka wena ku ta huma hosi leyi nga ta fambisa tiko ra mina ra Israele.’ ”

1 TIKRONIKA 2:51

na Salma, tata wa va le Betlehema; na Harefi, tata wa va le Beta-Gadere.