Yohane 7:38 - BIBELE Mahungu Lamanene

³⁸ Hilaha Tsalwa ri vuleke hakona, ‘milambu ya mati lama hanyaka yi ta khuluka yi huma embilwini ya loyi a pfumelaka eka mina.’ ”

Testamente Leyimpsha Xichangana

³⁸ Hilaha Tsalwa rivuleke hakona, milambu ya mati lawa mahanyaka yitakhulunga yihuma mbilwini ya lweyi apfumelaka ka mina.

Xitsonga (Bibele)

³⁸ La pfumelaka eka mina, ‘milambu ya mati lama khulukaka yi ta pfelela exifuveni xa yena,’ hilaha Matsalwa ma vuleke hakona.”

Yohane 7:38 Referans Kwoze

Yohane 4:14

Kambe un'wana ni un'wana la nwaka mati lawa ndzi nga ta n'wi nyika wona, a nga ka a nga ha tlheli a twa torha ni siku ni rin'we; kambe mati lawa ndzi nga ta n'wi nyika wona, ma ta va eka yena xihlovo xa mati lama pfelelaka, ku yisa evutomini lebyi nga heriki.”

Esaya 58:11

Mina HOSI, ndzi ta mi rhangela emahlweni minkarhi hinkwayo, ndzi mi nyika swilo hinkwaswo leswinene leswi mi swi navelaka, ndzi tlhela ndzi mi tiyisa; mi ta fana ni ntanga lowu kumaka mati yo ringana, mi kota xihlovo lexi mati ya xona ma nga phyiki.

Esaya 44:3

Ndzi ta chululela mati etikweni leri nga ni torha, swinambyana swi ta hobomulana emisaveni leyi omeke; ndzi ta chululela Moya wa mina ehenhla ka vatukulu va n'wina, vana va n'wina, ndzi ta va katekisa.

Esaya 12:3

Mi ta hamba mi ka mati mi tsakile, exihlobyeni lexi mi kumaka ku ponisiwa eka xona,

Yohane 4:10

Yesu a n'wi hlamula, a ku: “Loko onge u tivile leswi Xikwembu xi nyikaka swona, ni loyi a vulavulaka na wena a ku: ‘Ndzi nyike mati ndzi nwa’, a wu ta va u komberile eka yena, kutani a a ta va a ku nyikile mati lama hanyaka.”

Swivuriso 10:11

Marito ya munhu la lulameke i xihlovo xa vutomi, kambe ku vulavula ka lavo homboloka ku fihla tihanyi.

Zakariya 14:8

Hi siku rolero mati ma ta khuluka ma huma emutini wa Yerusalema, ma ya chela elwandle ra le vuxeni, laman'wana ma ya chela elwandle ra vupeladyambu, ma endlisa sweswo hi ximumu ni xixika.

Swivuriso 18:4

Marito ya munhu wo tlhariha, i xidziva lexi enteke, i nambu lowu hobomulanaka, kumbe xihlovo lexi pfelelaka.

Esaya 59:21

“Ntwanano wa mina na n'wina hi lowu: Moya wa mina lowu ndzi mi nyikeke wona, ni marito lawa ndzi ma vekeke emilon'weni ya n'wina, swi nga ka swi nga ha suki eka n'wina, ni le ka vana va n'wina, ni le ka vatukulu va n'wina; swi ta va tano ku sukela namuntlha ni hilaha ku nga heriki. Ndzi vula sweswo, mina HOSI!”

Duteronoma 18:15

“HOSI Xikwembu xa n'wina xi ta mi rhumela muprofeta loyi a fanaka na mina, loyi xi nga ta n'wi hlawula exikarhi ka va ka n'wina; n'wi yingiseni,

Vaefesa 5:9

hikuva ku vonakala, hi kona loku vekaka mihandzu leyo tala, yi nga ya vunene ni ku lulama ni ntiyiso.

Esaya 35:6

swilema swi ta tlula-tlula ku fana ni timbavala, timbheveve ti ta ba minkulungwana ya ntsako, emananga ku ta baleka mati, ni le makwandzasini ku ta khuluka milambu;

Esaya 55:1

HOSI Xikwembu xi ri: “N'wina hinkwenu mi nga ni torha, tanani mi ta nwa mati, na n'wina mi nga riki na mali, tanani mi ta teka swakudya mi dya! Hambi mi nga ri na mali, tanani mi ta kuma vhinyo ni ntswamba, a mi nga hakeli nchumu.