Yohane 7:35 - BIBELE Mahungu Lamanene

³⁵ Hiloko Vayuda va vutisana, va ku: “Ú lava ku ya kwihi munhu loyi, lomu hi nga ta tsandzeka ku n'wi kuma kona xana? Xana ú lava ku ya eka Vayuda lava hangalakeke exikarhi ka vamatiko, ni ku dyondzisa vamatiko xana?

Testamente Leyimpsha Xichangana

³⁵ Hi loko Vayuda vavutisana vaku: Alava kuya kwihi munhu lweyi, lomu hingatatsandzeka kumukuma kona xana? Xana alava kuya ka Vayuda lava vahangalakeke xikarhi ka va-Griki, ni nkongometo wa kuyajondzisa va-Griki ke?

Xitsonga (Bibele)

³⁵ Hilaha Vayuda va vutisanaka, va ku: “U ta ya kwihi loyi, laha hi nga ta tsandzeka ku n'wi kuma; xana u ta ya eka lava hangalakeke exikarhi ka Vagriki, a dyondzisa Vagriki xana?

Yohane 7:35 Referans Kwoze

Yakobo 1:1

Mina Yakobo, nandza wa Xikwembu ni wa Hosi Yesu Kriste, ndzi tsalela tinyimba ta 12, va nga vakriste lava hangalakeke hinkwako ematikweni, ndzi ri: Xewani!

1 Petro 1:1

Mina Petro, muapostola wa Yesu Kriste, ndzi tsalela lava rhurhisiweke ni ku hangalasiwa ematikweni ya Ponto, na Galatiya, na Kapadokiya, na Asiya, na Bitiniya,

Sofoniya 3:10

lava akeke entsungeni wa milambu ya Etiyopiya, lava va ndzi khongelaka lomu va hangalakeke kona, va ta ndzi tisela tinyiko.”

Esaya 11:12

Ú ta yimisela matiko emujeko, a hlengeleta hinkwavo lava susiweke etikweni ra Israele, a vuyisa vaaki va tiko ra Yuda, lava hangalakeke ematlhelweni hinkwawo ya misava.

Yohane 12:20

Exikarhi ka lava a va tlhandlukele enkhubyeni ku ya gandzela, a ku ri ni Vagriki va nga ri vangani.

2 Timotiya 1:11

Mina ndzi vekiwile ku va mutwarisi wa Rito ni muapostola ni mudyondzisi hikwalaho ka Evhangeli leyi.

1 Timotiya 2:7

Kutani, hi swona leswi nga endla leswaku ndzi vekiwa ku va mutwarisi wa Rito ni muapostola (ndzi vula leswi tiyeke, a ndzi hembi), ndzi dyondzisa vamatiko ta ku pfumela ni ta ntiyiso.

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Timhaka 22:21

Kavaloko Hosi yi ku ka mina: ‘Famba, hikuva ndzi ta ku rhuma kule, eka vamatiko.’ ”

Timhaka 21:21

va byeriwile ta wena, ni leswaku u dyondzisa Vayuda hinkwavo lava akeke exikarhi ka vamatiko ku tshika Nawu wa Muxe, va nga ha yimbisi vana va vona, naswona va nga ha fambi hi mikhuva ya ka hina.

Timhaka 11:18

Loko va twa timhaka teto, va miyela va nga ha vileli; kutani va dzunisa Xikwembu, va ku: “Loko swi ri tano, na vona vamatiko Xikwembu xi va nyikile ku hundzuka loku yisaka evutomini.”

Yohane 8:22

Kwalaho Vayuda va ku: “Xana ú ta tidlaya, leswi a nge: ‘Laha ndzi yaka kona, mi nga ka mi nga yi’ xana?”

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Matewu 12:21

a kondza a khanisa ku avanyisa loko lulama, kutani vamatiko va ta tshemba vito ra yena.”

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Esaya 11:10

Eminkarhini yoleyo, loyi a humaka erimitswini ra Yese, ú ta fana ni mujeko lowu dzimeriweke matiko hinkwawo; vanhu hinkwavo va ta ya vutisa timhaka eka yena; hinkwako laha a nga ta va a tshama kona, ku ta va ku sasekile.

Pisalema 147:2

HOSI Xikwembu xi le ku pfuxeni ka muti wa Yerusalema, xi hlengeleta Vaisraele lava hangalasiweke ematikweni.

Esaya 56:8

HOSI N'wini wa hinkwaswo la hlengeletaka vanhu hinkwavo lava susiweke etikweni ra Israele, ú vurisa sweswo, ú ri: “Ehandle ka lava va hlengeletiweke, ndza ha ta tisa van'wana!”

Yohane 7:1

Endzhaku ka sweswo Yesu a famba-famba eGaleliya; a nga lavanga ku famba-famba eYudiya hikuva Vayuda a va lava ku n'wi dlaya.

Timhaka 11:20

Kambe van'wana va vona, va nga vavanuna lava humeke eKipra ni le Kirena, loko va fike le Antiyoka, va vula Rito ni le ka Vagriki, va va tivisa Evhangeli ya Hosi Yesu.

Timhaka 14:1

Loko Pawulo na Barnaba va ri le Ikoniya, va nghena esinagogeni ra Vayuda kukota le Antiyoka, va dyondzisa kona, ku ko ku pfumela vunyingi lebyikulu bya Vayuda na bya Vagriki.

Timhaka 17:4

Kutani van'wana exikarhi ka vona va pfumela, va namarhela Pawulo na Silasi, va ri ni nhlayo leyikulu ya Vagriki lava chavaka Xikwembu, ni lavo tala exikarhi ka vavasati lavo chaviseka.

Timhaka 18:4

Kutani, masiku hinkwawo ya Savata, Pawulo a a hlamulana ni lava a va ri esinagogeni, a ringeta ku khorwisa Vayuda ni Vagriki.

Varhoma 1:16

Mhaka hileswaku a ndzi na tingana hi Evhangeli, hikuva i matimba ya Xikwembu yo ponisa hinkwavo lava pfumelaka, ku sukela eka Vayuda, ku yisa eka vamatiko.