Yohane 7:31 - BIBELE Mahungu Lamanene

³¹ Lavo tala exikarhi ka ntshungu va pfumela ka yena, va ku: “Loko Mesiya a ta, xana ú ta endla mahlori lama tlulaka lawa ya endliweke hi munhu loyi xana?”

Testamente Leyimpsha Xichangana

³¹ Lavotala xikarhi ka xitshungu vapfumela ka yena, vaku: “Loko Kriste ata, xana atayendla mahlori lawa matlulaka lawa mayendliwaka hi munhu lweyi xana?”

Xitsonga (Bibele)

³¹ Kambe lavo tala exikarhi ka vunyingi va pfumela eka yena, va ku: “Kutakuloko Kriste a ta, xana u ta endla masingita lama tlulaka lama endliwaka hi loyi xana?”

Yohane 7:31 Referans Kwoze

Yohane 12:42

Hambiswiritano, lavo tala ni le xikarhi ka tindhuna a va pfumela ka yena; kambe, hikwalaho ka Vafarisi, a va nga swi vuli erivaleni hi ku chava ku hlongoriwa esinagogeni.

Matewu 12:23

Ntshungu hinkwawo wu hlamala swona, vanhu va vutisana va ku: “Xana munhu loyi a nga va yena N'wana Davhida ke?”

Timhaka 8:13

Na yena Simoni a pfumela, a khuvuriwa, kutani a namarhela Filipi, a hlamala ngopfu hi ku vona mahlori ni leswo hlamarisa leswikulu leswi humelelaka.

Yohane 11:45

Lavo tala exikarhi ka Vayuda lava a va tile ka Mariya, loko va vonile leswi Yesu a swi endleke, va pfumela eka yena.

Yohane 9:16

Vafarisi van'wana va ku: “La endleke swilo leswi a nga humi eka Xikwembu, hikuva a nga na mhaka ni siku ra Savata.” Van'wana va ku: “Xana munhu wa mudyohi a nga swi kotisa ku yini ku endla mahlori layo tano xana?” Kutani ku va ni ku hambana exikarhi ka vona.

Yakobo 2:26

Hikokwalaho, tanihi leswi miri lowu nga hava moya wu feke, ku pfumela na kona loku nga hava mintirho ku file.

Yohane 12:11

hikuva, hikwalaho ka yena, Vayuda lavo tala a va fularhela vaprista, va pfumela eka Yesu.

Yohane 6:2

A ku ri ni ntshungu lowukulu lowu a wu famba na yena, hikuva a wu vona mahlori lawa a ma endleke hi ku horisa vavabyi.

Yohane 4:39

Vasamariya lavo tala va muti wolowo va pfumela eka Yesu hikwalaho ka leswi vuriweke hi wansati, loko a te: “Ú ndzi byerile hinkwaswo leswi ndzi swi endleke.”

Yohane 3:2

Siku rin'wana, ú tile eka Yesu ni vusiku, a fika a ku: “Mufundhisi, ha swi tiva leswaku u mudyondzisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Yohane 2:11

Mahlori lawa, hi wona layo sungula lawa Yesu a nga ma endla, loko a ri emutini wa Kana eGaleliya, a komba ku twala ka yena; kutani vadyondzisiwa va yena va pfumela eka yena.

Luka 8:13

Timbewu leti nga wela emaribyeni, i vanhu lava amukelaka Rito hi ku tsaka siku va ri twaka, kambe va pfumala timitsu, va tiyisela nkarhinyana ntsena; kutani hi siku ra ndzingo va tlhelela ndzhaku.

Yohane 4:29

“Tanani, mi ta vona munhu loyi a nga ndzi byela hinkwaswo leswi ndzi tshamaka ndzi swi endla; xana a nga ka a nga vi yena Mesiya ke?”

Yohane 7:26

Vonani! Ú vulavula erivaleni, kambe a va n'wi kongomi; xana tihosi ti nga va ti swi kumile hakunene leswaku hi yena Mesiya xana?