Yohane 7:26 - BIBELE Mahungu Lamanene

²⁶ Vonani! Ú vulavula erivaleni, kambe a va n'wi kongomi; xana tihosi ti nga va ti swi kumile hakunene leswaku hi yena Mesiya xana?

Testamente Leyimpsha Xichangana

²⁶ Vonani! Hilweyi, avulavula kuvonakaleni, kambe avavuli nchumu. Xana varhangeli vangava vasvitiva hakunene lesvaku lweyi hi yena Kriste ke?

Xitsonga (Bibele)

²⁶ Kasi vonani, a vulavula erivaleni, a va n'wi hlamuri; xana kumbe tihosi ti n'wi tivile kunene leswaku i Kriste hi xiviri xana?

Yohane 7:26 Referans Kwoze

Yohane 7:48

I mani eka vakulukumba ni le ka Vafarisi loyi a tshamaka a pfumela eka yena xana?

Vafilipiya 1:14

Ku bohiwa ka mina ekhotsweni ku endlile leswaku vamakwerhu lavo tala va veka ku tshemba ka vona eka Hosi, va engeta va kanya timbilu ku vula Rito va nga chavi nchumu.

Timhaka 4:13

Loko va vona ku tiya ka Petro na Yohane, va hlamala, hikuva a va va tiva va ri vanhu ntsena, lava ni ku dyondza va nga dyondzangiki; kambe va swi vonile leswaku hileswi a va ri vanakulobye va khale va Yesu.

Yohane 12:42

Hambiswiritano, lavo tala ni le xikarhi ka tindhuna a va pfumela ka yena; kambe, hikwalaho ka Vafarisi, a va nga swi vuli erivaleni hi ku chava ku hlongoriwa esinagogeni.

Yohane 9:22

Vatswari va yena a va vurisa sweswo hi ku chava Vayuda, hikuva Vayuda a va twananile leswaku, loko munhu un'wana a nga tshuka a vula leswaku Yesu i Mesiya, ú ta hlongoriwa esinagogeni.

Luka 7:30

Vafarisi ni vadyondzisi va Nawu vona a va nga khuvuriwanga hi Yohane, hikuva a va ala makungu ya Xikwembu ehenhla ka vona.)

Matewu 22:16

Kutani va rhuma vadyondzisiwa va vona ni va ntlawa wa Vaheroda, va ya n'wi byela, va ku: “Mudyondzisi, ha swi tiva leswaku u vula leswi tiyeke, ni leswaku u dyondzisa ndlela ya Xikwembu hi ntiyiso u nga landzeleli swa vanhu, hikuva a wu yi hi nghohe.

Esaya 42:4

A nga ka a nga heli matimba a lan'wa; ú ta kondza a tisa ku lulama emisaveni. Vanhu va matiko ya le kule va le ku languteleni ka leswi a nga ta va dyondzisa swona.”

Swivuriso 28:1

Lowo homboloka, ú tsutsuma hambiloko a nga hlongorisiwi hi munhu, kasi lavo lulama, a va chavi nchumu, va fana ni nghala.

Luka 23:13

Kuteloko Pilato a hlengeletile vaprista lavakulu, ni vakulukumba, ni vanhu va tiko,

Yohane 3:1

A ku ri ni un'wana wa Vafarisi loyi a va ku i Nikodema; a a ri un'wana wa tindhuna ta Vayuda.

Yohane 4:29

“Tanani, mi ta vona munhu loyi a nga ndzi byela hinkwaswo leswi ndzi tshamaka ndzi swi endla; xana a nga ka a nga vi yena Mesiya ke?”

Yohane 7:25

Vaaki van'wana va Yerusalema va ku: “Xana a hi yena loyi va n'wi lavaka leswaku va ta n'wi dlaya ke?

Yohane 7:31

Lavo tala exikarhi ka ntshungu va pfumela ka yena, va ku: “Loko Mesiya a ta, xana ú ta endla mahlori lama tlulaka lawa ya endliweke hi munhu loyi xana?”

Yohane 18:20

Yesu a n'wi hlamula, a ku: “Ndzi vulavurile erivaleni emahlweni ka vanhu hinkwavo. Ndzi dyondzisile minkarhi hinkwayo emasinagogeni ni le Tempeleni, laha Vayuda hinkwavo va hlengeletanaka kona, a ndzi vulanga nchumu exihundleni.