Yohane 7:19 - BIBELE Mahungu Lamanene

¹⁹ Xana Muxe a nga mi nyikanga Nawu xana? Kambe hambiswiritano, ku hava na un'we wa n'wina la hlayisaka Nawu. Hikokwalaho ka yini mi lava ku ndzi dlaya ke?”

Testamente Leyimpsha Xichangana

¹⁹ Xana Moxe angaminyikanga Nawu ke? Hambi svilitano, kuhava ni mun'we wa n'wina lweyi ahlayisaka Nawu. Hikolaho ka yini milava kunidlaya ke?”

Xitsonga (Bibele)

¹⁹ Xana Muxe a nga mi nyikanga nawu xana? Hambiswiritano, a ku na un'we xikarhi ka n'wina la hlayisaka nawu. Mi lavela yini ku ndzi dlaya?”

Yohane 7:19 Referans Kwoze

Yohane 1:17

hikuva Nawu wu nyikiwile hi Muxe, kambe tintswalo ni ntiyiso swi tile ha Yesu Kriste.

Yohane 11:53

Kutani ku sukela siku rero, Vayuda va boha makungu ya ku dlaya Yesu.

Yohane 7:1

Endzhaku ka sweswo Yesu a famba-famba eGaleliya; a nga lavanga ku famba-famba eYudiya hikuva Vayuda a va lava ku n'wi dlaya.

Matewu 12:14

Vafarisi va humela ehandle, va ya tshama Yesu xikungu, ku vona hilaha va nga ta n'wi dlaya hakona.

Vagalatiya 6:13

hikuva hambi va ri lava sindzisaka swa ku yimba, a va hlayisi Nawu, kambe va navela ntsena leswaku mi yimba, va ta kota ku tidzunisa hi ku vula leswaku mi ni mfungho wa kona emirini wa n'wina.

Duteronoma 33:4

Muxe ú hi nyikile Nawu, lowu wu nga ta va ndzhaka ya va ka Yakobo loko va hlanganile.

Duteronoma 1:17

Loko mi tsema timhaka, mi nga tshuki mi ya hi nghohe; va xiyimo xa le hansi ni xa le henhla, va avanyiseni ku fana; mi nga chavisiwi hi munhu, hikuva i Xikwembu lexi tsemaka mhaka. Loko timhaka ta kona ti mi tsandza, ti tiseni eka mina, ndzi ta ti tenga.’

Vagalatiya 3:19

Loko swi ri tano, xana Nawu wu tirhile yini ke? Wu tisiwile endzhaku ku komba leswi ku dyoha ku nga swona, ku ko ku humelela loyi “wa rixaka”, loyi xitshembiso xi endleriweke yena. Nawu wu tile hi tintsumi, ti wu nyika muhlanganisi hi voko.

Timhaka 7:38

Eminkarhini ya ku hlengeletana ka Vaisraele le mananga, hi yena loyi a nga va ni ntsumi leyi vulavuleke na yena entshaveni ya Sinayi, a tlhela a va ni vatata wa hina; hi yena nakambe la amukeleke marito ya vutomi ku hi nyika wona.

Yohane 10:39

Hiloko va ringeta kambe ku n'wi khoma, kambe a chupuka emavokweni ya vona.

Yohane 7:25

Vaaki van'wana va Yerusalema va ku: “Xana a hi yena loyi va n'wi lavaka leswaku va ta n'wi dlaya ke?

Yohane 5:45

Mi nga anakanyi leswaku mina ndzi ta mi mangalela emahlweni ka Tatana; loyi a mi mangalelaka i Muxe, yena loyi mi nga veka ku tshemba ka n'wina eka yena.

Yohane 5:18

Hikwalaho ka sweswo, Vayuda va hundzisa hi ku navela ku n'wi dlaya, hikuva a a nga tlulanga nawu wa Savata ntsena, kambe a a vurile leswaku Xikwembu i tata wa yena wa xiviri, kutani a tiendla la ringanaka ni Xikwembu.

Yohane 5:16

Hikwalaho ka swona, Vayuda va sungula ku xanisa Yesu, hikuva a a endlile swilo leswi hi siku ra Savata.

Marka 3:6

Kutani Vafarisi va huma esinagogeni, va ya n'wi tshama xikungu swin'we ni va ntlawa wa Heroda, ku vona hilaha va nga ta n'wi dlaya hakona.

Marka 3:4

Kutani a ku ka vona: “Leswi lulameke ku endliwa hi Savata hi swihi xana: Ku endla leswinene kumbe ku endla leswo biha, ku hanyisa munhu kumbe ku n'wi dlaya xana?” Kambe va miyela.

Matewu 21:38

Kambe loko vatirhi va vona n'wana loyi, va byelana va ku: ‘Mudyandzhaka hi loyi! Tanani hi n'wi dlaya, hi ta kuma ndzhaka ya yena.’

Marka 11:18

Vaprista lavakulu ni vatsari va swi twa, kutani va lava hilaha va nga ta n'wi dlaya hakona; hikuva a va n'wi chava, hileswi ntshungu hinkwawo a wu hlamala dyondzo ya yena.