Yohane 7:18 - BIBELE Mahungu Lamanene

¹⁸ Loyi a vulavulaka swo huma emiehleketweni ya yena, ú tilavela ku dzunisiwa, kasi la lavaka ku dzunisa loyi a n'wi rhumeke, ú tshembekile, kutani ku hava ku homboloka eka yena.

Testamente Leyimpsha Xichangana

¹⁸ Lweyi avulavulaka svohuma ka yena atilavela kudzunisiwa, kasi lweyi alavaka kudzunisa lweyi amurhumeke, atshembekile, kutani kuhava kuhomboloka ka yena.

Xitsonga (Bibele)

¹⁸ La tisungulelaka swa yena u tilavela ku dzunisiwa, kambe la lavaka ku dzunisiwa eka la n'wi rhumeke, hi yena loyi a nga wa ntiyiso, kutani ku homboloka a ku kona eka yena.

Yohane 7:18 Referans Kwoze

Yohane 5:41

“A ndzi tiseketeli hi ku dzunisiwa loku humaka eka vanhu;

1 Vatesalonika 2:6

A hi lavanga ku dzunisiwa loku humaka eka vanhu, hambi ku ri eka n'wina, hambi ku ri eka van'wana;

Yohane 12:28

Tatana, dzunisa vito ra wena!” Kutani ku twakala rito, ri huma etilweni ri ku: “Ndzi ri dzunisile, ndzi ta engeta ndzi ri dzunisa.”

1 Petro 4:11

Loko un'wana a nyikiwile ku vulavula, a a vulavule hi ku landza marito ya Xikwembu; loko un'wana a nyikiwile ku tirhela vanhu, a a swi endle tanihi loyi a swi tirhaka hi matimba lawa Xikwembu xi n'wi nyikaka wona, leswaku eswilweni hinkwaswo Xikwembu xi dzunisiwa ha Yesu Kriste. Ku dzuneka ni matimba swi le ka xona hilaha ku nga heriki. Amen.

Matewu 6:9

“N'wina ke, khongelani hi mukhuva lowu, mi ku: “ ‘Tata wa hina la nge matilweni, vito ra wena a ri hlawuleke;

Swivuriso 25:27

Ku dya vulombe ku tlula mpimo, a swi sasekanga. Swi tano ni loko u nkhensa munhu: U nga tati ngopfu marito.

Tinhlayo 11:29

Kambe Muxe a n'wi hlamula, a ku: “Xana u lava ku ndzi sirhela hi ku vondzoka ka wena ke? A swi ta saseka loko HOSI Xikwembu xi nga xikisela Vaisraele hinkwavo Moya wa xona, xi va endla vaprofeta!”

Yohane 11:4

Loko Yesu a twa sweswo, a ku: “Vuvabyi lebyi a byi nga yisi eku feni, kambe i bya ku dzunisa Xikwembu, ni leswaku N'wana wa Xikwembu a dzunisiwa hikwalaho ka byona.”

Yohane 8:54

Yesu a hlamula, a ku: “Loko ndzi tidzunisa, ku tidzunisa ka mina loku a ku pfuni nchumu. La ndzi dzunisaka i Tata wa mina, loyi mi nge: ‘I Xikwembu xa hina.’

Yohane 12:43

Hakunene va rhandzile ku dzunisiwa hi vanhu ku tlula ku dzunisiwa hi Xikwembu.

1 Yohane 2:29

Loko mi tiva leswaku ú lulamile, mi nga kholwa swinene leswaku un'wana ni un'wana loyi a endlaka leswo lulama, ú tswariwe hi yena.