Yohane 6:71 - BIBELE Mahungu Lamanene

⁷¹ A a vula Yudasi, n'wana Simoni Iskariyota, hikuva hi yena loyi a a tiyimisele ku n'wi xenga, hambileswi a a ri un'wana wa lava khume na vambirhi.

Testamente Leyimpsha Xichangana

⁷¹ Aavula Yudasi, n'wana Simoni Iskariyota, hikuva hi yena lweyi aatamuxenga, hambilesvi aalimun'we wa lava va khume ni vambirhi.

Xitsonga (Bibele)

⁷¹ A a vula Yudasi Iskariyota, n'wana Simoni, hikuva hi yena loyi a taka n'wi xenga, yena, un'wana wa lava khume na vambirhi.

Yohane 6:71 Referans Kwoze

Yuda 1:4

Hikuva vanhu van'wana va ngungumerile va nghena exikarhi ka hina; ku avanyisiwa ka vona ku lunghisiwile khale. I vanhu lava nga riki na mhaka ni vukhongeri; va gombonyokisa tintswalo ta Xikwembu xa hina, va endla swa manyala ha tona, naswona va landzula Yesu Kriste, yena N'wini wa hinkwaswo ni Hosi ya hina.

Timhaka 2:23

hi yena loyi a nga nyiketiwa, hi makungu lama tiyeke ya Xikwembu ni ku tiva ka xona ka khale; kutani mi n'wi dlayile hi mavoko ya vanhu lavo homboloka lava nga n'wi vamba exihambanweni.

Yohane 13:26

Yesu a hlamula, a ku: “Hi loyi ndzi nga ta n'wi nyika vuswa loko ndzi phemile ndzi peta enkambaneni.” Kutani a peta xiphemu xa vuswa, a teka a xi nyika Yudasi n'wana Simoni Iskariyota.

Pisalema 41:9

Hambi a ri munghana wa mina loyi a ndzi n'wi tshemba, loyi a ndzi dya na yena, sweswi ú lwa na mina.

Matewu 10:2

Mavito ya vaapostola lava khume na vambirhi hi lawa: Wo sungula i Simoni la vuriwaka Petro, ku landza Andriya makwavo, na Yakobo n'wana Zebediya, na Yohane makwavo;

Matewu 10:4

Simoni wa Kanana, na Yudasi Iskariyota, loyi a nga xenga Yesu.

Marka 14:10

Kutani Yudasi Iskariyota, un'wana wa lava khume na vambirhi, a ya eka vaprista lavakulu ku ya nyiketa Yesu eka vona.

Yohane 2:2

Yesu ni vadyondzisiwa va yena, a va rhambiwile na vona enkhubyeni.

Yohane 6:64

Hambiswiritano, van'wana exikarhi ka n'wina a va pfumeli.” (Hikuva Yesu ú swi tivile ni le ku sunguleni, leswaku i vamani lava nga ta ka va nga pfumeri, ni leswaku loyi a nga ta n'wi xenga i mani.)

Yohane 6:70

Yesu a va hlamula, a ku: “Xana a hi mina ndzi nga mi hlawula, n'wina lava khume na vambirhi? Kasi un'wana wa n'wina i nala!”

Yohane 12:4

Yudasi Iskariyota, un'wana wa vadyondzisiwa va Yesu, loyi a a ta n'wi xenga, a vilela a ku:

Yohane 13:2

Diyavulosi a ku ri khale a bohile makungu ya leswaku Yudasi, n'wana Simoni Iskariyota, ú ta xenga Yesu. Loko ku ri karhi ku laleriwa,

Yohane 20:24

Tomasi, loyi va nge i “Hahla”, un'wana wa lava khume na vambirhi, a a nga ri na vona loko Yesu a tile.