Yohane 6:63 - BIBELE Mahungu Lamanene

⁶³ Moya hi wona wu hanyisaka, nyama a yi pfuni nchumu. Marito lawa ndzi mi byelaka wona, i moya ni vutomi.

Testamente Leyimpsha Xichangana

⁶³ Amoya hi wona lowuhanyisaka, nyama ayipfuni nchumu. Marito lawa nimibzelaka wona, i moya ni vutoni.

Xitsonga (Bibele)

⁶³ Moya hi wona lowu hanyisaka; nyama a yi pfuni nchumu. Timhaka leti ndzi mi byelaka tona, i moya ni vutomi.

Yohane 6:63 Referans Kwoze

Vaheveru 4:12

Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

Vagalatiya 5:25

Leswi Moya wu hi nyikeke vutomi, a hi hanyeni hi ku letela ka wona.

Pisalema 119:93

Ndzi nga ka ndzi nga rivali swiletelo swa wena, hikuva u ndzi hanyisa ha swona.

Yohane 6:68

Simoni Petro a hlamula, a ku ka yena: “Hosi, hi nga ya ka mani xana? U ni marito ya vutomi lebyi nga heriki.

Pisalema 119:50

Loko ndzi ri nhlomulweni, ndza chaveleleka, hikuva switshembiso swa wena swi ndzi nyika vutomi.

1 Petro 1:23

Mi tswariwile ra vumbirhi, ku nga ri hi mbewu leyi bolaka, kambe hi leyi nga boriki, ri nga Rito ra Xikwembu leri hanyaka, leri tshamaka hi masiku hinkwawo.

Pisalema 119:130

Loko vanhu va hlamuseriwa rito ra wena swi va pfula mahlo, vanhu va xiyimo xa le hansi swi va nyika vutlhari.

Duteronoma 32:47

Nawu lowu, a hi matlangwani, hi byona vutomi bya n'wina; loko mi wu hlayisa, mi ta hanya malembe layo tala etikweni leri mi nga ta ri teka ri va ra n'wina, entsungeni wa Yordani.”

1 Vakorinto 15:45

Hikokwalaho ku tsariwile, va ku: “Munhu lowo rhanga Adamu, ú endliwile xivumbiwa lexi hanyaka.” Kambe Adamu lowo hetelela ú endliwile moya lowu hanyisaka.

Varhoma 10:17

Hikokwalaho ke, ku pfumela ku ta hi ku twa, ni ku twa ku ta hi ku byeriwa rito ra Kriste.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

1 Vatesalonika 2:13

Kutani mhaka leyi yi hi susumetaka ku nkhensa Xikwembu masiku hinkwawo, hi leyi: Loko hi mi tisele rito ra Xikwembu, mi ri yingisile ni ku ri amukela, ku nga ri kukota mahungu yo huma eka vanhu, kambe tanihi mahungu yo huma eka Xikwembu. Hakunene mahungu lawa ma huma eka xona, hikuva hi xona xi tirhaka hi matimba exikarhi ka n'wina lava pfumeleke.

Varhoma 8:2

Hikuva nawu wa Moya lowu nyikaka vutomi ha Kriste Yesu, wu ndzi ntshunxile eka nawu wa ku dyoha ni wa rifu.

Yakobo 1:18

Hi ku rhandza ka yena, ú hi velekile hi rito ra ntiyiso, leswaku hi nga va lava vuriwaka mativula ya swivumbiwa swa yena.

Genesa 2:7

Kutani HOSI Xikwembu xi vumba munhu hi ntshuri wa misava, xi huhutela moya lowu nyikaka vutomi etinhompfini ta yena, kutani munhu a va xivumbiwa lexi hanyaka.

1 Petro 3:21

Nkhuvulo wu yelana ni mhaka leyi; sweswi wa mi ponisa, ku nga ri hi ku susa thyaka emirini, kambe hi ku endla leswaku mi kombela ripfalo leri tengeke eka Xikwembu. Nkhuvulo wa mi ponisa hi mhaka ya ku pfuka ka Yesu Kriste eku feni,

1 Timotiya 4:8

hikuva hambiloko ku chuka-chukisa miri ku ri loku ku pfunaka hi matlhelo man'wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.

Vaheveru 13:9

Mi nga kanganyisiwi hi tidyondzo ta tinxaka-xaka leti nga tivikaniki. Swi lulamile loko mbilu yi tiyisiwa hi tintswalo ta Xikwembu, ku nga ri hi milawu hi tlhelo ra swakudya, leyi nga pfuniki nchumu eka lava va yi landzelelaka.

Vagalatiya 6:15

Hikuva, hambi munhu a yimbile kumbe a nga yimbanga, a swi vuli nchumu. Mhaka leyikulu i ku va xivumbiwa lexintshwa.

Varhoma 2:25

Swa twala leswaku ku yimba ka pfuna, loko u hlayisa Nawu; kambe loko u tlula Nawu, ku yimba ka wena ku to fana ni loko u nga yimbanga.

Vagalatiya 5:6

Hikuva eka Kriste Yesu, ku yimba kumbe ku va munhu wo ka a nga yimbanga, a swi vuli nchumu, kambe lexi nga xona i ku pfumela loku tirhaka hi rirhandzu.

Swivuriso 4:13

Hlayisa swiletelo, u nga swi tshiki; swi sirhelele, hikuva hi byona vutomi bya wena.

Yohane 5:21

Kukotisa leswi Tatana a pfuxaka vafi, a engeta a va nyika vutomi, swi tano na yena N'wana, ú nyika vutomi eka lava a rhandzaka ku va nyika byona.

Timhaka 5:20

“Fambani, mi ya yima eTempeleni, mi tivisa vanhu timhaka hinkwato ta vutomi lebyintshwa lebyi.”