Yohane 6:51 - BIBELE Mahungu Lamanene

⁵¹ Hi mina vuswa lebyi hanyaka lebyi xikeke hi le tilweni; loko munhu a dya vuswa bya kona, ú ta hanya hilaha ku nga heriki, kutani vuswa lebyi ndzi nga ta byi nyika vanhu, i nyama ya nga; ndza yi nyika leswaku misava yi va ni vutomi.”

Testamente Leyimpsha Xichangana

⁵¹ Hi mina vusva lebzi bzihanyaka lebzixikeke hi le tilweni; loko munhu aja vusva bzakona, atahanya hilaha kungaheliki, kutani vusva lebzi ningatabzinyika vanhu, i nyama ya mina; leyi ningatayinyika misava, lesvaku yihanya.”

Xitsonga (Bibele)

⁵¹ Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Yohane 6:51 Referans Kwoze

Luka 22:19

A va a teka xinkwa, kutani loko a nkhensile, a xi phema, a va nyika a ku: “Leswi i miri wa mina, [lowu nyiketiwaka hikwalaho ka n'wina; endlani leswi hi ku ndzi anakanya.”

Yohane 6:33

Hikuva vuswa bya Xikwembu hi lebyi byi xikaka hi le tilweni, lebyi nyikaka misava evutomi.”

Yohane 3:13

A ku na munhu loyi a tshamaka a tlhandlukela ematilweni, loko a nga ri loyi a xikeke hi le matilweni, yena N'wana-wa-Munhu.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Vaheveru 10:20

hi ndlela leyintshwa, leyi hanyaka, leyi a hi pfuleleke yona yi hundza hi le xikarhi ka nguvu ya xisirhelelo (wu nga miri wa yena),

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

1 Petro 2:4

Tanani eka yena, hikuva yena i ribye leri hanyaka, leri nyenyiweke hi vanhu, kasi emahlweni ka Xikwembu hi leri hlawuriweke, ra nkoka.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

Yohane 3:16

Hikuva Xikwembu xi rhandzile misava swonghasi, xi ko xi nyika N'wana wa xona la nga un'we, leswaku un'wana ni un'wana la pfumelaka ka yena, a nga lovi, kambe a va ni vutomi lebyi nga heriki.

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

1 Yohane 4:14

Na hina hi swi vonile, hi vuya hi tiyisa, leswaku Tatana ú rhumele N'wana ku va Muponisi wa misava.

1 Yohane 4:10

Rirhandzu ra kona i rikulu, hikuva a hi hina hi rhandzeke Xikwembu, kambe hi xona xi hi rhandzeke, kutani xi rhumele N'wana wa xona ku va mhamba ya swidyoho swa hina.

1 Yohane 2:2

Hi yena mhamba ya swidyoho swa hina, naswona ku nga ri ya swidyoho swa hina ntsena, kambe ni swa vanhu va misava hinkwayo.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Vaefesa 5:25

N'wina vavanuna, rhandzani vasati va n'wina kukota leswi Kriste na yena a nga rhandza Kereke, kutani ú nyiketile vutomi bya yena hikwalaho ka yona.

2 Vakorinto 5:19

Ntirho lowu wu komba hilaha Xikwembu xi endlaka leswaku misava yi vuyelelana na xona ha Kriste. A xi hlayeri vanhu swidyoho swa vona, kutani xi hi rhwexile Mahungu lawa ya ku vuyelelana ka xona ni vanhu.

Yohane 7:38

Hilaha Tsalwa ri vuleke hakona, ‘milambu ya mati lama hanyaka yi ta khuluka yi huma embilwini ya loyi a pfumelaka eka mina.’ ”

Yohane 3:14

Ku fana na leswi Muxe a tshamaka a hayeka nyoka emananga, N'wana-wa-Munhu na yena ú ta fanela ku hayekiwa hi mukhuva wolowo,

Yohane 3:36

Loyi a pfumelaka eka N'wana, ú ni vutomi lebyi nga heriki; loyi a nga yingisiki N'wana, a nga ka a nga kumi vutomi, kambe vukari bya Xikwembu byi tshame henhla ka yena.

Yohane 5:24

“Ndzi tiyisisile ndzi ri ka n'wina, la yingisaka rito ra mina, a va a pfumela eka Loyi a ndzi rhumeke, ú ni vutomi lebyi nga heriki; kutani a nga ka a nga avanyisiwi, kambe ú humile eku feni a ya nghena evutomini.

Yohane 6:35

Yesu a ku ka vona: “Hi mina vuswa bya vutomi; loyi a taka eka mina, a nga ka a nga twi ndlala, ni loyi a pfumelaka eka mina a nga ka a nga twi torha ni siku ni rin'we.

Yohane 6:41

Vayuda va n'unun'uta hikwalaho ka yena, hileswi a nga te: “Hi mina vuswa lebyi xikeke hi le tilweni.”

Yohane 6:47

“Ndzi tiyisisile ndzi ri ka n'wina, loyi a pfumelaka, ú ni vutomi lebyi nga heriki.

Yohane 6:48

Hi mina vuswa bya vutomi.

Yohane 6:50

Vuswa lebyi xikaka hi le tilweni hi byo byebyi, lebyi endlaka leswaku loko munhu a dya byona, a nga ka a nga fi.

Yohane 11:26

kutani un'wana ni un'wana la hanyaka, a va a pfumela ka mina, a nga ka a nga fi ni siku ni rin'we. Xana wa swi pfumela sweswo xana?”