Yohane 6:43 - BIBELE Mahungu Lamanene

⁴³ Yesu a va hlamula, a ku: “Ku nga vi na ku n'unun'uta exikarhi ka n'wina.

Testamente Leyimpsha Xichangana

⁴³ Yesu avahlamula, aku: “Kungavi na kungurangura xikarhi ka n'wina.”

Xitsonga (Bibele)

⁴³ Kambe Yesu a va hlamula, a ku: “Mi nga tshuki mi n'unun'utela.

Yohane 6:43 Referans Kwoze

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Yohane 6:64

Hambiswiritano, van'wana exikarhi ka n'wina a va pfumeli.” (Hikuva Yesu ú swi tivile ni le ku sunguleni, leswaku i vamani lava nga ta ka va nga pfumeri, ni leswaku loyi a nga ta n'wi xenga i mani.)

Yohane 16:19

Yesu ú swi tivile leswaku va lava ku n'wi vutisa, kutani a ku ka vona: “Xana mi vutisana hi leto yini exikarhi ka n'wina? Xana hileswi ndzi nga te: ‘Endzhaku ka nkarhinyana, a mi nga ndzi voni, kutani endzhaku ka nkarhinyana kambe, mi ta ndzi vona’ ke?

Marka 9:33

Va fika eKapernawume. Loko Yesu a nghenile ndlwini, a vutisa vadyondzisiwa a ku: “A mi kanetana hi tihi endleleni?”

Matewu 16:8

Kuteloko Yesu a swi twile, a ku ka vona: “Vanhu va ku pfumela lokutsongo, hikwalaho ka yini mi kanetana hi leswi mi nga riki na swinkwa xana?

Yohane 6:42

Kutani va ku: “Xana loyi a hi yena Yesu n'wana Yosefa, loyi hi tivaka tata wa yena ni mana wa yena ke? Kutani sweswi ú vurisa ku yini, loko a ku: ‘Ndzi xikile hi le tilweni?’ ”

Yohane 6:44

A ku na munhu la nga taka ka mina, loko a nga kokeriwi ka mina hi Tatana la ndzi rhumeke, kutani mina ndzi ta n'wi pfuxa hi siku ra makumu.