Yohane 6:37 - BIBELE Mahungu Lamanene

³⁷ Hinkwavo lava Tatana a ndzi nyikaka vona, va ta ta ka mina; ni loyi a taka ka mina, ndzi nga ka ndzi nga n'wi cukumeteli handle.

Testamente Leyimpsha Xichangana

³⁷ Hinkwasvu lesvi Tatana aninyikaka svona, svitata ka mina; ni lweyi ataka ka mina, ningakala ningamucukumeti handle.

Xitsonga (Bibele)

³⁷ Hinkwaswo leswi ndzi swi nyikiwaka hi Tatana, swi ta ta eka mina; la taka eka mina, ndzi nga ka ndzi nga n'wi cukumeteli ehandle.

Yohane 6:37 Referans Kwoze

Matewu 11:28

“Tanani ka mina, n'wina hinkwenu lava karheleke, ni lava tikeriwaka, ndzi ta mi wisisa.

Yohane 6:39

Kutani ku rhandza ka Loyi a ndzi rhumeke, hileswaku ndzi nga lahlekeriwi hi lava a ndzi nyikeke vona, hambi a ri un'we ntsena, kambe ndzi va pfuxa hi siku ra makumu.

Yohane 17:24

Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

Yohane 17:6

“Ndzi ku tivisile eka vanhu lava u ndzi nyikeke vona va ri lava hlawuriweke emisaveni; a va ri va wena; u ndzi nyikile vona, kutani va hlayisile rito ra wena.

Yohane 17:2

Hakunene, u n'wi nyikile vuhosi ehenhla ka vanhu hinkwavo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

Vaheveru 4:15

Hikuva Muprista Lonkulu loyi hi nga na yena a hi loyi a tsandzekaka ku hi twela vusiwana emikarhalweni ya hina, kambe hi loyi a ringiweke hi matlhelo hinkwawo ku fana na hina, ntsena yena a nga dyohanga.

2 Timotiya 2:19

Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

1 Timotiya 1:16

Kambe ndzi tsetseleriwile, ku endlela leswaku eka mina loyi a nga mudyohi wo rhanga hi ku biha, Kriste Yesu a ta swi kota ku komba ku leha loku hetisekeke ka mbilu ya yena, kutani xi va xikombiso eka lava nga ta pfumela eka yena, va kuma vutomi lebyi nga heriki.

Esaya 42:3

Rihlanga leri khinyekeke, a nga ka a nga ri tshovi, ni rivoni leri ngo keti-keti, a nge ri timi; ú ta va la tshembekeke, loyi a tisaka ku lulama.

Yohane 6:65

Kutani a engeta a ku: “Hikokwalaho ndzi mi byeleke, ndzi ku, a ku na munhu loyi a nga taka eka mina, loko a nga nyikiwanga swona hi Tatana.”

Esaya 41:9

Ndzi mi tekile emakun'wini ya misava, ndzi mi vitanile mi ri etindhawini ta le kule, ndzi ku: ‘Mi malandza ya mina, ndzi mi hlawurile, ndzi nga ka ndzi nga mi cukumeti!’

Varhoma 5:20

Nawu wu nghenile leswaku milandzu yi andza; kambe laha ku dyoha ku andzeke kona, ndzalo ya tintswalo yi vile kona hi ku tlurisa;

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

Vaheveru 7:25

Hikokwalaho, wa swi kota minkarhi hinkwayo ku ponisa lava tshinelelaka Xikwembu ha yena, leswi a hanyaka hi masiku hinkwawo ni ku va khongelela.

Matewu 24:24

Hikuva ku ta humelela Vamesiya va mavunwa, ni vaprofeta va mavunwa, va ta endla mahlori lamakulu ni swihlamariso, ku xisa hambi va ri vona vahlawuriwa va Xikwembu, loko swi endleka.

Pisalema 110:3

Siku u hlomaka matlhari, tinhenha ti ta huma na wena ti tsakile. Majaha ma ta ta eka wena ma huma etintshaveni leto hlawuleka, ma fana ni mberha leyi waka loko vurhonga byi tshwuka.

Pisalema 102:17

yi ta yingisa xikhongelo xa lava tshikeleriwaka, ku khongela ka vona a yi nga ku hunisi.

Vafilipiya 1:29

Hikuva mi nyikiwile nkateko wo tirhela Kriste, ku nga ri ntsena hileswi mi pfumeleke eka yena, kambe hileswi mi xanisekaka hikwalaho ka yena.

Yohane 17:11

A ndza ha ri emisaveni, kambe vona va laha misaveni, kutani ndzi ta kwaleyo ka wena. Tatana la kwetsimeke, va hlayise hi matimba ya vito ra wena, leri u ndzi nyikeke rona, leswaku va va un'we ku fana na hina.

Yohane 9:34

Va n'wi hlamula va ku: “Wena u velekiweke ethyakeni ra swidyoho, u nga dyondzisa hina xana?” Kutani va n'wi hlongolela handle.