Yohane 5:38 - BIBELE Mahungu Lamanene

³⁸ Rito ra yena a ri akanga eka n'wina, hikuva a mi pfumeri eka loyi Tatana a n'wi rhumeke.

Testamente Leyimpsha Xichangana

³⁸ Rito ra yena ali yakanga ka n'wina hikuva amipfumeli ka lweyi Tatana amurhumeke.

Xitsonga (Bibele)

³⁸ Kutani rito ra yena a ri tshami ka n'wina, hikuva a mi pfumeri ka loyi a n'wi rhumeke.

Yohane 5:38 Referans Kwoze

1 Yohane 2:14

Ndzi tsalela n'wina, vana, hikuva mi tiva Tatana. Ndzi tsalela n'wina, vatatana, hikuva ma n'wi tiva loyi a nga yena ku sukela eku sunguleni. Ndzi tsalela n'wina, lavantshwa, hikuva mi ni matimba, ni rito ra Xikwembu ri akile eka n'wina, naswona mi hlurile Lowo biha.

Yohane 15:7

Loko mi tshama eka mina, ni loko marito ya mina ma tshama eka n'wina, kombelani xin'wana ni xin'wana lexi mi xi rhandzaka, kutani mi ta endleriwa xona.

Yohane 8:37

Ndza swi tiva leswaku mi vatukulu va Abrahama, kambe mi lava ku ndzi dlaya, hikuva rito ra mina ri hava ndhawu eka n'wina.

Yohane 1:11

Ú tile ekaya ka yena, kambe varikwavo a va n'wi amukelanga.

Esaya 49:7

Mukutsuri ni Muhlawuleki wa Israele, ú vulavula ni loyi a sandziwaka ni ku vengiwa hi vanhu va matiko, yena hlonga ra tihosi, a ku ka yena: “Loko tihosi ti ku vona, ti ta suka ti yima, ni tindhuna ti ta ku dzunisa, loko ti ku vona, hikuva mina HOSI Xikwembu Muhlawuleki wa Israele, mina ndzi tshembekeke, ndzi ku hlawurile.”

Yoxuwa 1:8

Buku leyi ya Nawu u nga tshuki u hambana na yona, u fanele ku yi anakanya vusiku ni nhlekanhi leswaku u ta ka u nga tluli ni xin'we xa leswi tsariweke eka yona; kutani u ta humelela, ni swilo swa wena swi ta ku fambela kahle.

Vakolosa 3:16

Rito ra Kriste a ri tshame ka n'wina, ri andza. Dyondzisanani, mi khongotelana hi vutlhari hinkwabyo, mi twarisa Xikwembu hi ku yimbelela tipisalema, ni tinsimu, ni ku yimbelela swa Moya, mi ri karhi mi nkhensa etimbilwini ta n'wina.

Pisalema 119:11

Leswi u swi vulaka, ndzi swi veka eku enteni ka mbilu yanga, leswaku ndzi nga ku dyoheli.

Esaya 26:10

Loko lowo homboloka a tweriwa vusiwana, a nga dyondzi leswi lulameke; hambi a tshama tikweni ra lavo lulama, yena ú endla leswo homboloka, a nga voni ku dzuneka ka wena, we HOSI.