Yohane 5:17 - BIBELE Mahungu Lamanene

¹⁷ Kambe Yesu a va byela, a ku: “Ku fikela sweswi, Tata wa mina a nga si tshika ku tirha, kutani na mina, tanihi yena, ndza tirha.”

Testamente Leyimpsha Xichangana

¹⁷ Kambe Yesu avabzela aku: “Kufika svosvi, Tatana wa mina angasitshika kutirha, kutani na mina, tani hi yena, natirha.”

Xitsonga (Bibele)

¹⁷ Kambe Yesu a va hlamula, a ku: “Tatana wa ha tirha ni sweswi, na mina ndza tirha.”

Yohane 5:17 Referans Kwoze

Yohane 14:10

Xana a wu pfumeri leswaku ndzi le ka Tatana, ni leswaku Tatana ú le ka mina xana? Leswi ndzi mi byelaka swona a swi humi emiehleketweni ya mina. Tatana la nge ka mina, hi yena la tirhaka mintirho leyi ya yena.

Yohane 9:4

Hi fanele ku tirha mintirho ya Loyi a ndzi rhumeke, dyambu ri nga si pela; vusiku bya ta, lebyi munhu a nga ta ka a nga ha swi koti ku tirha.

Vakolosa 1:16

Ha yena, Xikwembu xi tumbuluxile swilo hinkwaswo, ematilweni ni la misaveni, swilo leswi vonekaka ni leswi nga vonekiki, kukota swiluvelo kumbe leswi nga ni vuhosi, ni leswi nga ni vundhuna kumbe ku fuma. Hinkwaswo swi tumbuluxiwile ha yena, naswona swi tumbuluxeriwe yena.

1 Vakorinto 12:6

matimba ya Xikwembu ma tirha hi tindlela ta tinxaka-xaka, kambe i Xikwembu xin'we lexi tirhaka hinkwaswo eka vanhu hinkwavo.

Vaheveru 1:3

Hi yena loyi ku kwetsima ka Xikwembu ku tikombaka eka yena, kutani ú tekelele leswi Xikwembu xi nga swona hi xiviri xa xona; naswona ú tamele ntumbuluko hinkwawo hi rito ra yena ra matimba. Loko a hlantswile swidyoho swa vanhu, ú tshamile evokweni ra xinene ra Loyi a nga ni vukulu hinkwabyo, ehenhla matilweni,

Timhaka 17:28

hikuva eka xona, ha hanya, ha tshuka-tshuka, naswona, hi va kona, kukotisa leswi vatlhokovetseri van'wana va n'wina va nga vula va ku: ‘Na hina hi va rixaka ra xona.’

Esaya 40:26

Pfulani mahlo mi languta ehenhla: Xana i mani loyi a tumbuluxeke leswi mi swi vonaka xana? Swi tumbuluxiwile hi loyi a swi hlengeletaka tanihi mavuthu, ú tiva xin'wana ni xin'wana hi vito ra xona; ú ni ntamu ni matimba layo hlamarisa, kutani a ku na xin'we xa swona lexi nga tshukaka xi lahlekile.

Timhaka 14:17

Hambiswiritano, a xi tshikanga ku tikomba leswi xi nga swona, hi ku endla leswinene; xi mi nyikile timpfula to huma etilweni, na tinguva ta ndzalo, xi mi andzisela ni swakudya, xi tata timbilu ta n'wina hi ku tsaka.”

Matewu 10:29

“Xana swindzingiri swimbirhi a swi xaviwi hi sente yin'we ntsena ke? Kasi a ku nga wi ni xin'we xa swona ehansi, Tata wa n'wina a nga swi tivi.

Pisalema 65:6

Hi matimba ya wena, u tiyisile tintshava, u ri karhi u komba vunhenha bya wena.

Yohane 5:16

Hikwalaho ka swona, Vayuda va sungula ku xanisa Yesu, hikuva a a endlile swilo leswi hi siku ra Savata.

Yohane 5:18

Hikwalaho ka sweswo, Vayuda va hundzisa hi ku navela ku n'wi dlaya, hikuva a a nga tlulanga nawu wa Savata ntsena, kambe a a vurile leswaku Xikwembu i tata wa yena wa xiviri, kutani a tiendla la ringanaka ni Xikwembu.

Yohane 10:36

Kutani ke, hikwalaho ka yini mi ku: ‘U sandza Xikwembu’, hi mhaka ya leswi ndzi nga te: ‘Ndzi N'wana wa Xikwembu’ xana? Kasi hi mina loyi Tatana a nga n'wi hlawula ni ku n'wi rhuma emisaveni.

1 Vatesalonika 2:13

Kutani mhaka leyi yi hi susumetaka ku nkhensa Xikwembu masiku hinkwawo, hi leyi: Loko hi mi tisele rito ra Xikwembu, mi ri yingisile ni ku ri amukela, ku nga ri kukota mahungu yo huma eka vanhu, kambe tanihi mahungu yo huma eka Xikwembu. Hakunene mahungu lawa ma huma eka xona, hikuva hi xona xi tirhaka hi matimba exikarhi ka n'wina lava pfumeleke.