Yohane 4:52 - BIBELE Mahungu Lamanene

⁵² A va vutisa nkarhi lowu n'wana a nga sungula ku antswa ha wona, kutani va ku ka yena: “Tolo, hi nkarhi wa 1 nindzhenga, ku hisa ka miri wa yena ku yimile.”

Testamente Leyimpsha Xichangana

⁵² avavutisa nkarhi lowu n'wana angasungula kuyampsa ha wona, kutani vaku ka yena: “Tolo hi nkarhi wa ntlhanu na mambirhi, afebra ka miri wa yena ariyimile.”

Xitsonga (Bibele)

⁵² A va vutisa nkarhi lowu a nga hanya ha wona. Va ku eka yena: “Tolo, hi nkarhi wa ntlhanu na mimbirhi, ku rhurhumela ku n'wi sukele.”

Yohane 4:52 Referans Kwoze

Yohane 4:51

Loko a ha rhelela ku ya kaya, malandza ya yena ma n'wi hlanganisa, ma n'wi tivisa, ma ku: “Jaha ra wena ri hanyile.”

Yohane 4:53

Tata wa yena a tsundzuka leswaku hi wona nkarhi lowu Yesu a nga te ka yena: “N'wana wa wena ú ta hanya.” Kutani yena hi xiviri xa yena ni va ndyangu wa yena hinkwavo, va pfumela.

Matewu 8:13

Kutani Yesu a ku ka ndhuna ya dzana: “Thelela ekaya! A ku endleke hilaha u pfumeleke hakona.” Kutani nandza wa ndhuna a hanyisiwa hi nkarhi wolowo.

Matewu 17:18

Kavaloko Yesu a tshinya demona, kutani demona ri huma eka n'wana; ku sukela nkarhi wolowo n'wana loyi a va a hanyile.