Yohane 4:24 - BIBELE Mahungu Lamanene

²⁴ Xikwembu i moya; kutani lava xi gandzelaka, va fanele ku xi gandzela hi moya ni ntiyiso.”

Testamente Leyimpsha Xichangana

²⁴ Xikwembu i Moya, kutani lava vaxigandzelaka, vafanela kuxigandzela hi moya ni ntiyiso.

Xitsonga (Bibele)

²⁴ Xikwembu i Moya, lava xi gandzelaka va fanele ku xi gandzela hi moya ni ntiyiso.”

Yohane 4:24 Referans Kwoze

2 Vakorinto 3:17

Loko va ku “Hosi”, va vula Moya, kutani laha Moya wa Hosi wu nga kona, ku ntshunxeka ku kona.

Vafilipiya 3:3

Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

Pisalema 51:17

We Xikwembu, ganzelo leri u ri amukelaka i moya lowu vavisekeke; we Xikwembu, mbilu leyi tlhavekeke, leyi nga ni gome, a wu nga yi fularheli.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

1 SAMIELE 16:7

Kambe HOSI Xikwembu xi ku ka yena: “U nga languti ku saseka ka yena kumbe ku leha ka xiyimo xa yena, hikuva a ndzi n'wi hlawulanga. Mina HOSI, a ndzi yi hi leswi vanhu va vonaka swona; vanhu va languta nghohe, kambe mina HOSI ndzi languta mbilu.”

1 Timotiya 1:17

Eka Hosi ya minkarhi hinkwayo, leyi nga riki na ku fa, leyi nga voniwiki, xona Xikwembu xi ri xoxe, a ku ve ku chaviseka ni ku dzuneka, hilaha ku nga heriki! Amen.

Pisalema 66:18

N'wini wa hinkwaswo a a nga ta ndzi yingisa, loko a ndzi lo va ni makungu yo endla leswo biha.

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

Pisalema 50:23

Ku humesa minkhenso i gandzelo leri ri ndzi tsakisaka; loyi a fambaka etindleleni letinene, ndzi ta n'wi ponisa mina Xikwembu.”

Pisalema 145:18

HOSI Xikwembu xi le kusuhi ni hinkwavo lava va xi khongelaka, va nga lava va xi khongelaka hi mbilu hinkwayo.

Yohane 4:23

Kambe nkarhi wa ta, ni sweswi wu tile, lowu vagandzeri va xiviri va nga ta gandzela Tatana hi moya ni ntiyiso, hikuva Tatana ú lava vagandzeri lavo tano.