Yohane 4:14 - BIBELE Mahungu Lamanene

¹⁴ Kambe un'wana ni un'wana la nwaka mati lawa ndzi nga ta n'wi nyika wona, a nga ka a nga ha tlheli a twa torha ni siku ni rin'we; kambe mati lawa ndzi nga ta n'wi nyika wona, ma ta va eka yena xihlovo xa mati lama pfelelaka, ku yisa evutomini lebyi nga heriki.”

Testamente Leyimpsha Xichangana

¹⁴ Kambe, mani na mani lweyi anwaka mati lawa ni munyikaka, angatatlhela atwa torha, hikuva mati lawa ningatamunyika wona, matayendla xihlovo xa mati lawa mapfelaka hi vutomi lebzingaheliki.

Xitsonga (Bibele)

¹⁴ Kasi un'wana ni un'wana la nwaka mati lawa ndzi n'wi nyikaka wona, a nga ka a nga ha tlheli a twa torha ni siku ni rin'we; kambe mati walawo a nyikiwaka hi mina, xi ta va eka yena, xihlovo xa mati lama khulukelaka evutomini lebyi nga heriki.” Wansati a ku eka yena:

Yohane 4:14 Referans Kwoze

Yohane 6:35

Yesu a ku ka vona: “Hi mina vuswa bya vutomi; loyi a taka eka mina, a nga ka a nga twi ndlala, ni loyi a pfumelaka eka mina a nga ka a nga twi torha ni siku ni rin'we.

Esaya 49:10

A va nga fi hi ndlala kumbe torha, ku hisa ka dyambu a ku nga va dlayi, hikuva loyi a va twelaka vusiwana, ú ta va rhangela, ú ta va fambisa hi lomu ku nga ni swihlovo.

Nhlavutelo 7:16

A va nga ha twi ndlala kumbe torha, a va nga ha hisiwi hi dyambu kumbe ku tshwa kunene,

Yohane 11:26

kutani un'wana ni un'wana la hanyaka, a va a pfumela ka mina, a nga ka a nga fi ni siku ni rin'we. Xana wa swi pfumela sweswo xana?”

Yohane 6:58

Lebyi hi byo vuswa lebyi xikeke hi le tilweni; a byi fani ni lebyi vatatana va byi dyeke, hikuva byona a byi va sivelanga ku fa; loyi a dyaka vuswa lebyi, ú ta hanya hilaha ku nga heriki.”

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

2 Vakorinto 1:22

Xi hi funghile, xi vekile Moya wa xona etimbilwini ta hina, wu va xitiyiso xa leswa ha taka.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

Yohane 10:10

Muyivi ú tela ntsena ku yiva, ni ku tlhava, ni ku lovisa; mina ndzi tile leswaku tinyimpfu ti va ni vutomi, ti byi kuma hi ntalo.

Vaefesa 4:30

Mi nga khomisi Moya lowo Kwetsima wa Xikwembu tingana, hikuva i mfungho wa Xikwembu wo komba leswaku mi vanhu va xona, ni leswaku siku ra ta, leri xi nga ta mi kutsula ha rona.

Varhoma 5:21

a swi ri leswaku, kukotisa leswi ku dyoha ku fumeke hi rifu, tintswalo na tona ti ta fumisa sweswo hi ku lulama loku yisaka evutomini lebyi nga heriki, ha Yesu Kriste Hosi ya hina.

Matewu 25:46

Kutani volavo va ta ya eku biweni loku nga heriki, kambe lavo lulama va ta ya evutomini lebyi nga heriki.”

Esaya 55:1

HOSI Xikwembu xi ri: “N'wina hinkwenu mi nga ni torha, tanani mi ta nwa mati, na n'wina mi nga riki na mali, tanani mi ta teka swakudya mi dya! Hambi mi nga ri na mali, tanani mi ta kuma vhinyo ni ntswamba, a mi nga hakeli nchumu.

Esaya 58:11

Mina HOSI, ndzi ta mi rhangela emahlweni minkarhi hinkwayo, ndzi mi nyika swilo hinkwaswo leswinene leswi mi swi navelaka, ndzi tlhela ndzi mi tiyisa; mi ta fana ni ntanga lowu kumaka mati yo ringana, mi kota xihlovo lexi mati ya xona ma nga phyiki.

Yeremiya 2:13

hikuva vanhu va mina va ndzi dyoherile kambirhi: Va ndzi tshikile mina ndzi nga xihlovo xa mati lama khulukaka, kutani va tikovotlele makhele yo hlayisela mati, kambe makhele ya kona a ma pfunanga nchumu, hikuva a ma pandzekile.”

Yeremiya 31:25

Lava karheleke ndzi ta va nyika matimba, ndzi tiyisa lava tsaneke.

Ezekiele 47:9

Laha nambu lowu wu hundzaka kona, swivumbiwa leswo tala leswi hanyaka emisaveni swa tsaka, ku hanya ni tinhlampfi leto tala eka wona. Loko nambu lowu wu nghena eLwandle-ra-ku-fa, mati ya kona ma hundzuka layo nandziha. Naswona eminkarhini leyi taka, nambu lowu wu ta tisa vutomi hinkwako lomu wu nga ta hundza kona.

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

Yohane 4:10

Yesu a n'wi hlamula, a ku: “Loko onge u tivile leswi Xikwembu xi nyikaka swona, ni loyi a vulavulaka na wena a ku: ‘Ndzi nyike mati ndzi nwa’, a wu ta va u komberile eka yena, kutani a a ta va a ku nyikile mati lama hanyaka.”

Yohane 4:11

Wansati a ku ka yena: “Hosi, a wu na xikelelo, ni xihlovo xi entile; mati lama hanyaka, u nga ma kuma kwihi xana?

Yohane 4:13

Yesu a n'wi hlamula, a ku: “Un'wana ni un'wana la nwaka mati lawa, ú ta tlhela a twa torha.

Yohane 4:36

la tshovelaka ú kuma hakelo, kutani ú hlengeleta mavele, a ma hlengeletela ku kuma vutomi lebyi nga heriki, leswaku loyi a byalaka ni loyi a tshovelaka va kota ku tsaka swin'we.

Yohane 6:27

Mi nga tirheleni swakudya leswi bolaka, kambe tirhelani swakudya leswi nga boriki, swi nga leswi nyikaka vutomi lebyi nga heriki. Swakudya leswi, mi ta nyikiwa hi N'wana-wa-Munhu, hikuva hi yena loyi Xikwembu Tatana xi n'wi fungheke hi mfungho wa xona.”

Yohane 7:37

Hi siku ro hetelela ra nkhuvo, ri nga lerikulu, Yesu a suka a yima, kutani a tlakusa rito a ku: “Loko munhu a ri ni torha, a a te ka mina a ta nwa.

Nhlavutelo 7:17

hikuva Xinyimpfana lexi nge xiluvelweni xi ta va murisi wa vona; xi ta va yisa eswihlobyeni swa mati ya vutomi, kutani Xikwembu xi ta sula mihloti hinkwayo emahlweni ya vona.”

Levhitika 11:36

Hambileswi swilo hinkwaswo leswi khumbanaka ni xihadyana lexi feke swi hundzukaka leswi nga tengangiki, swihlovo ni makhele ya mati swona swi tshama swi tengile.